- ગુરુવારે રાત્રે બનેલા ગમખ્વાર બનાવમાં પરિવારે મોભી ગુમાવ્યા.
- જેસલમેરના ફતેહગઢ પાસે પથ્થર ભરેલી ટ્રોલી સાથે કારનો ગમખ્વાર અકસ્માત.
- 6 વર્ષિય બાળકનો ચમત્કારીક બચાવ.
Vadodara. દિવાળી વેકેશનમાં જેસલમેર ફરવા ગયેલા વડોદરાના પરિવારની કારનો ગુરુવારે રાત્રે ફતેહગઢ પાસે પથ્થર ભરેલી ટ્રોલી સાથે અકસ્માત સર્જાયો હતો. ગમખ્વાર અકસ્માતમાં પરિવારના મોભી સહિત ત્રણના કરુણ મોત નિપજ્યા હતાં. અન્ય બે વ્યક્તિને ગંભીર ઇજાઓ પહોંચી હતી. જ્યારે 6 વર્ષિય બાળકનો ચમત્કારીક બચાવ થયો હતો.
વડોદરાના નિવાસી 55 વર્ષિય જયદ્રથભાઈ તેમના 52 વર્ષિય પત્ની આમિત્રી દેવી, 30 વર્ષિય પુત્ર નિતીનભાઈ, 35 વર્ષિય પુત્ર સત્યેન્દ્રભાઈ, 29 વર્ષિય પુત્રવધૂ શિવમકુમારી અને 6 વર્ષિય પૌત્ર વિવાન સાથે અર્ટિગા કારમાં જેસલમેર ફરવા નિકળ્યા હતાં. ગુરુવારે રાત્રે તેઓ ફતેહગઢ પાસેથી પસાર થઈ રહ્યા હતાં. ત્યારે આગળ જઈ રહેલી પત્થર ભરેલી ટ્રોલી સાથે તેમની કાર ધડાકાભેર ભટકાઈ હતી.
આ ગમખ્વાર બનાવમાં જયદ્રથભાઈ, આમિત્રીદેવી અને નિતીનભાઈનું કરુણ મોત નિપજ્યું હોવાની માહિતી પ્રાપ્ત થાય છે. આ ઉપરાંત, કારમાં સવાર સત્યેન્દ્રભાઈ અને શિવમકુમારીને ગંભીર ઇજાઓ પહોંચી હતી. જ્યારે 6 વર્ષિય વિવાનનો સામાન્ય ઇજાઓ સાથે ચમત્કારીક બચાવ થયો હતો.
(બોલકાબાબાની રમૂજવાળી વાત સાંભળો)
અકસ્માતના બનાવને પગલે દોડી આવેલાં રાહદારીઓ અને સ્થાનિક લોકોએ ઇજાગ્રસ્તોને જવાહર હોસ્પિટલમાં ખસેડ્યા હતાં. ત્યાં પ્રાથમિક સારવાર બાદ તેઓને જોધપુર હોસ્પિટલમાં રિફર કરવામાં આવ્યા હતાં. ગમખ્વાર અકસ્માતમાં કારમાં મૃત્યુ પામેલાં વ્યક્તિઓના મૃતદેહ જેસીબીની મદદથી બહાર કાઢવામાં આવ્યા હોવાની વિગતો જાણવા મળે છે.
#funrang #Vadodara
ટચૂંકડી જાહેરાત
(ઓફિસ ભાડે / વેચાણ)
વડોદરા શહેરના હાર્દસમા દાંડીયાબજાર વિસ્તારમાં શ્રી સિદ્ધિવિનાયક મંદિરની સામે શ્રી સિદ્ધિવિનાયક સ્ક્વેરના પહેલા માળે ઓફિસ ભાડે અને વેચાણથી આપવાની છે. રસ ધરાવતાં વ્યક્તિઓ – 9173611111 પર કોલ કરે.