- વડોદરાની કોલેજમાં અભ્યાસ કરતી યુવતીએ ગુજરાત ક્વીન ટ્રેનના કોચમાં ગળે ફાંસો ખાઈ આપઘાત કર્યો હતો.
- યુવતીની ડાયરી મળી આવતાં અપહરણ – બળાત્કારની ઘટના સામે આવી.
Vadodara. ગત તા. 4 નવેમ્બરના રોજ ગુજરાત ક્વીન ટ્રેનના કોચમાંથી વડોદરાની કોલેજમાં અભ્યાસ કરતી યુવતીની ગળે ફાંસો ખાધેલી હાલતનો મૃતદેહ મળી આવ્યો હતો. આ પ્રકરણની તપાસ કરતી જીઆરપીની ટીમને યુવતીએ લખેલી ડાયરી મળી આવી હતી. જેના પગલે યુવતીની રીક્ષામાં અપહરણ બે શખ્સોએ બળાત્કાર ગુજાર્યો હોવાની ઘટના સામે આવી છે.
બનાવની વિગત એવી છે કે, ગત 4 નવેમ્બર વહેલી સવારે વલસાડ રેલ્વે સ્ટેશન પર ઉભી રહેલી ગુજરાત ક્વીન ટ્રેનમાં સાફ સફાઈ કરતાં કામદારને ડી12 નંબરના કોચમાં ગળે ફાંસો ખાધેલી હાલતમાં યુવતીનો મૃતદેહ મળી આવ્યો હતો. આ અંગે જાણ થતાં જીઆરપીની ટીમે તપાસ હાથ ધરી હતી. પ્રાથમિક તપાસમાં યુવતી પાસેથી ટિકિટ કે પાસ મળી આવ્યો નહોતો. જોકે, તેના ફોન પરથી નવસારી રહેતાં પરિવારજનોનો સંપર્ક કરવામાં આવ્યો હતો. જેને પગલે યુવતી વડોદરાની કોલેજમાં અભ્યાસ કરતી હોવાની વિગતો જાણવા મળી હતી.
જીઆરપીની ટીમે વધુ તપાસ કરતાં યુવતીના રૂમમાંથી એક ડાયરી મળી આવી હતી. ડાયરીમાં લખ્યું હતું કે, ધનતેરસના દિવસે તેણીની એક એનજીઓમાં ફેલોશિપ કરીને પરત રૂમ પર જઈ રહી હતી. ત્યારે આપઘાતના બે દિવસ અગાઉ વડોદરા ખાતે બે શખ્સોએ તેનું રીક્ષામાં અપહરણ કર્યું હતું અને ત્યારબાદ વેક્સિન ગ્રાઉન્ડમાં બંને શખ્સોએ સામુહિક બળાત્કાર ગુજાર્યો હતો. ત્યારબાદ એક બસના ડ્રાઈવરે યુવતીને ઘરે જવામાં મદદ કરી હતી.
ડાયરીમાં લખેલી વિગતોને આધારે જીઆરપીની ટીમે વડોદરાના ગોત્રી પોલીસની મદદથી આગળની તપાસ હાથ ધરી છે.
18 વર્ષની યુવતીનું અપહરણ- ગેંગરેપ, આપઘાતની 12 દિવસની આંટીઘૂટી
2 નવે.: ધનતેરસે વડોદરામાં યુવતીનું અપહરણ-ગેંગ રેપ
3 નવે.: નવસારી ઘરે રાત રોકાઈ શિક્ષકને મળવાનું કહી નીકળી
4 નવે.: ગુજરાત ક્વિનમાં વલસાડ સ્ટેશને ફાંસો ખાધેલી લાશ મળી
5 નવે.: પોલીસે આપઘાત કેસમાં તપાસ હાથ ધરી
6-11 નવે.: માતા-પિતાનું નિવેદન, વડોદરા ઘરની તપાસમાં ડાયરી મળી
12 નવે.: યુવતી પર ગેંગ રેપ થયો હોવાની વાતનો ડાયરીમાં ઘટસ્ફોટ
13 નવે.: સવારે ક્રાઇમ સીન વેક્સિન ગ્રાઉન્ડ પર પોલીસ પહોંચી
13 નવે.: બપોરે મદદ કરનાર બસ ડ્રાઇવરની પૂછપરછ
13 નવે.: ગેંગ રેપ કરનારા બે રીક્ષા ચાલકોની શોધખોળ
#funrang #Vadodara
ટચૂંકડી જાહેરાત
(ઓફિસ ભાડે / વેચાણ)
વડોદરા શહેરના હાર્દસમા દાંડીયાબજાર વિસ્તારમાં શ્રી સિદ્ધિવિનાયક મંદિરની સામે શ્રી સિદ્ધિવિનાયક સ્ક્વેરના પહેલા માળે ઓફિસ ભાડે અને વેચાણથી આપવાની છે. રસ ધરાવતાં વ્યક્તિઓ – 9173611111 પર કોલ કરે.