- પાદરા તાલુકાના ચોકારી ગામમાં બનેલી ઘટનાને પગલે ઉત્તેજના.
- આરોપીઓએ યુવકને ઝાડ સાથે બાંધી ઢોર માર માર્યો.
- 4 આરોપીઓની ધરપકડ – યુવકનો મૃતદેહ પોસ્ટમોર્ટમ માટે ખસેડાયો.
Vadodara. પાદરા તાલુકાના ચોકારી ગામમાં એક યુવક – યુવતી વચ્ચે પ્રેમ સંબંધ બંધાયો હતો. જેને પગલે છંછેડાયેલા યુવતીના પરિવારજનોએ યુવકને ઝાડ સાથે બાંધી લાકડીઓ વડે ફટકારવામાં આવ્યો હતો. જેને પગલે યુવકનું મોત નિપજતાં ગામમાં ભારે ઉત્તેજના વ્યાપી ગઈ હતી.
ચોકારી ગામમાં રહેતા જયેશ રાવળને ગામની જ એક યુવતી સાથે પ્રેમ સંબંધ બંધાયો હતો. યુવતીના પરિવારજનોને પ્રેમ પ્રકરણ અંગે જાણ થતાં તેઓ ઉશ્કેરાઈ ગયા હતાં. અને જયેશનું તેના ઘરેથી અપહરણ કર્યા બાદ તેને ઝાડ સાથે બાંધી ઢોર માર માર્યો હતો. ચારથી પાંચ લોકોએ ઢોર માર મારતાં જયેશનું મોત નિપજ્યું હતું. આ સમગ્ર ઘટનાનો વિડીયો સોશિયલ મિડીયામાં વાઈરલ થતાં પોલીસ દોડતી થઈ હતી.
બનાવને પગલે ચોકારી દોડી ગયેલી વડુ પોલીસે યુવકના મૃતદેહને પોસ્ટમોર્ટમ માટે ખસેડ્યો હતો. તેમજ કિરણ, મોહન, રમેશ અને કાળીદાસ માળી સામે હત્યા – અપહરણનો ગુનો દાખલ કરી આગળની કાર્યવાહી હાથ ધરી હતી.
વડોદરા જિલ્લા પોલીસ વડા સુધીર દેસાઈએ જણાવ્યું હતું કે, ઘટના બાદ પોલીસે 4 આરોપીઓની ધરપકડ કરી છે. હાલ ગામમાં શાંતિ ન ડહોળાય માટે પોલીસ બંદોબસ્ત ગોઠવી દેવામાં આવ્યો છે. આરોપીઓ સામે હત્યા, અપહરણ, માર મારવાની કલમ સાથે ગુનો દાખલ કર્યો છે. કોઇને પણ કોઈ વ્યક્તિને મારવાનો કે, હત્યા કરવાનો અધિકાર નથી.
#funrang #Vadodara #funrang #gujaratnews #vadodaranews #latestnews #newsupdate #vadodara
ટચૂંકડી જાહેરાત
(ઓફિસ ભાડે / વેચાણ)
વડોદરા શહેરના હાર્દસમા દાંડીયાબજાર વિસ્તારમાં શ્રી સિદ્ધિવિનાયક મંદિરની સામે શ્રી સિદ્ધિવિનાયક સ્ક્વેરના પહેલા માળે ઓફિસ ભાડે અને વેચાણથી આપવાની છે. રસ ધરાવતાં વ્યક્તિઓ – 9173611111 પર કોલ કરે.