- મિત્રના પીએફના નાણાં આવવાના હોવાની જાણ થતાં હત્યા કરવાનું કાવતરું રચ્યું.
- ફરવા જવાના બહાને લઈ જઈ, એક જણે દંડા અને ચાકુથી હુમલો કરી મિત્રને પતાવી નાંખ્યો.
Ankleshwar. અંકલેશ્વરમાં મીરાનગર પાસે ઝાંડી ઝાંખરામાંથી અજાણ્યા યુવકનો મૃતદેહ મળી આવ્યો હતો. આ બનાવની તપાસમાં પોલીસને જાણકારી મળી કે મૃતકના બે મિત્રોએ જ અંગત સ્વાર્થ માટે તેનું કાસળ કાઢી નાંખ્યું છે. પોલીસે બે હત્યારા પૈકી એકને ઝડપી પાડ્યો છે જ્યારે બીજાની શોધખોળ હાથ ધરી છે.
અંગતસ્વાર્થ માટે મિત્રની હત્યા કરવાના બનાવની વિગતો એવી છે કે, મૂળ ઉત્તરપ્રદેશનો રહેવાસી અને હાલ શાંતિનગરમાં રહેતાં મિથિલેશસિંહ પ્રમોદસિંહના પી.એફ.ના નાણાં તેના અકાઉન્ટમાં જમા થવાના હતાં. આ અંગેની જાણ તેના બે મિત્રો અરૂણ ચરણજીતસિંગ ઠાકોર (મૂળ રહે ઉત્તરપ્રદેશ) અને રંજન (મૂળ. ઉત્તરપ્રદેશ)ને થઈ હતી.
અરૂણ ઠાકોરની ઉત્તરપ્રદેશ સ્થિત વતન ખાતે રહેતી પ્રેમિકા લગ્ન માટે દબાણ કરતી હતી. તેથી તે પ્રેમિકાને અંકલેશ્વર લઈ આવ્યો હતો. અને તેને કોર્ટમાં મેરેજ કરવા માટે નાણાંની જરૂર હતી. તો બીજી તરફ, રંજને ઘણાં લોકો પાસેથી ઉછીના નાણાં લીધા હોવાથી દેવું વધી ગયું હતું. અને તેને દેવું ઉતારવા માટે નાણાંની જરૂર હતી.
(જીવ બચાવવા સસલું ટ્રેનની આગળ દોડ્યું… જુઓ વાઈરલ વિડીયો)
અંગતસ્વાર્થ માટે નાણાંની જરૂરીયાત પૂરી કરવા માટે મિથિલેશસિંહની હત્યા કર્યા બાદ તેનું એટીએમ ચોરવાનો બંનેએ પ્લાન બનાવ્યો હતો. અને ગત 16 નવેમ્બરના રોજ બંનેએ મિથિલેશસિંહ સાથે ફરવા જવાનો પ્લાન બનાવ્યો હતો. ત્રણેય મિત્રો ફરવા નિકળ્યા દરમિયાનમાં મીરાનગર પાછળ આવેલી હોટલ નર્મદાના ગેટ પાસેના અરૂણ અને રંજને લાકડી તેમજ ચાકુથી હુમલો કર્યો હતો અને મિથિલેશની હત્યા કરી દીધી હતી. મિથિલેશનું એટીએમ કાર્ડ ચોરીને તેઓએ એટીએમમાં જઈ તપાસ કરી હતી, પરંતુ બેન્ક એકાઉન્ટમાં પી.એફ.ના નાંણા જમા થયા નહીં હોવાથી બંને હત્યારાઓ વતન તરફ ફરાર થઈ ગયા હતાં.
બીજી તરફ, ગત તા. 17 નવેમ્બરના રોજ મીરાનગર પાસેનાં ઝાંડીઝાંખરામાંથી મળી આવેલાં અજાણ્યા યુવકના મૃતદેહ અંગે તપાસ કરતાં પોલીસને બે મિત્રોએ જ હત્યા કરી હોવાની વિગતો જાણવા મળી હતી. હત્યારાઓ વતન તરફ ભાગ્યા હોવાની આશંકાને પગલે ભરૂચ એલસીબીએ રેલ્વે પોલીસને શંકાસ્પદ શખ્સોના ફોટા સહિતની વિગતો મોકલી આપી હતી. જેને પગલે સુરત – મુઝફ્ફરનગર જતી ટ્રેનમાં રતલામ પોલીસે અરૂણ ઠાકોરને ઝડપી પાડી, ભરૂચ પોલીસને હવાલે કર્યો હતો. અરૂણે પોલીસ સમક્ષ હત્યા પ્રકરણની તમામ વિગતોની કબૂલાત કરી હતી.
#funrang #Vadodara #Ahmedabad #Surat #Rajkot #Gandhinagar #gujaratnews #gujaratinews #latestnews #newsupdate
ટચૂંકડી જાહેરાત
(ઓફિસ ભાડે / વેચાણ)
વડૉદરા શહેરના હાર્દસમા દાંડીયાબજાર વિસ્તારમાં સિદ્ધિવિનાયક મંદિરની સામે સિદ્ધિવિનાયક સ્ક્વેરના પહેલા માળે ઓફિસ ભાડે અને વેચાણથી આપવાની છે. રસ ધરાવતાં વ્યક્તિઓ – 9173611111 પર કોલ કરે.