- મધ્યપ્રદેશના અલીરાજપુરની સગર્ભા નાનકીબહેન પરિવાર સાથે છોટાઉદેપુર જતી હતી.
વડોદરા. ગત મધરાત્રે દોઢ વાગ્યાના સુમારે વડોદરા એસટી ડેપો પર બસમાં આવેલી એક સગર્ભા મહિલાને પ્રસૂતિ પીડા ઉપડી હતી. આ અંગે જાણ થતાં દોડી આવેલી 108ની ટીમે પ્રસૂતિ કરાવી માતા અને નવજાત શિશુને ઉગાર્યા હતાં. અત્રે ઉલ્લેખનિય છે કે, કોરોના કાળમાં 108ની ટીમે સતત કામ કરી દર્દીઓને હોસ્પિટલ પહોંચાડવાની સેવા આપી હતી. તેને અનુલક્ષીને સ્વતંત્રતા દિવસ સમારોહમાં વડોદરા ટીમનું સન્માન કરાયું હતું.
મૂળ મધ્ય પ્રદેશના અલીરાજપુરની રહેવાસી નાનકીબહેન સગર્ભા હતી. ગઈકાલે તે પરિવારજનો સાથે સૌરાષ્ટ્રના કાલાવાડથી છોટાઉદેપુર જવા બસમાં સવાર થઈ હતી. રાત્રે લગભગ દોઢ વાગ્યાના અરસામાં બસ વડોદરા એસટી ડેપો પર પહોંચી હતી. તે સમયે નાનકીબહેનને પ્રસવ પીડા ઉપડતાં પરિવારજનો ચિંતાતુર થઈ ગયા હતાં. દરમિયાનમાં 108ને જાણ કરવામાં આવી હતી.
નાજુક પરિસ્થિતિ અંગે જાણ થતાં EMT વિષ્ણુ બારીયા અને પાયલૉટ અરવિંદ માલીવાડ તરત જ 108 લઈને એસટી ડેપો પહોંચ્યા હતાં. બસમાં સવાર નાનકીબહેનને તાત્કાલીક 108માં ખસેડવામાં આવ્યા હતાં. 108માં પ્રસૂતિ કરાવી માતા અને નવજાત શિશુને હેમખેમ ઉગારી લેવામાં આવ્યા હતાં. સ્થળ પર હાજર લોકોએ 108ના કર્મચારીઓની કામગીરીને બિરદાવી હતી.
#funrang #Vadodara #Ahmedabad #Surat #Rajkot #Gandhinagar #gujaratnews #gujaratinews #latestnews #newsupdate
ટચૂકડી જાહેરાત
(ઓફિસ ભાડે / વેચાણ)
વડૉદરા શહેરના હાર્દસમા દાંડીયાબજાર વિસ્તારમાં સિદ્ધિવિનાયક મંદિરની સામે સિદ્ધિવિનાયક સ્ક્વેરના પહેલા માળે ઓફિસ ભાડે અને વેચાણથી આપવાની છે. રસ ધરાવતાં વ્યક્તિઓ – 9173611111 પર કોલ કરે.
Please Subscribe my youtube channel by clicking this link –
https://www.youtube.com/channel/UCi9Oagp-aUKUjbKKfN6H0gg