વડોદરા. મિશન ક્લિન નશામુક્ત વડોદરા અભિયાન અંતર્ગત ડ્રગ્સના રવાડે ચડેલાં યુવાધનને નશામુક્ત કરવા માટે પોલીસ તંત્ર એક્શનમાં છે. ત્યારે લક્ષ્મીપુરા પોલીસ મથકના અ.હે.કો. દીનુભાઈ માલાભાઈને મળેલી બાતમીને આધારે લક્ષ્મીપુરા પોલીસે 4 શખ્સોને ઝડપી પાડ્યા હતાં. જ્યારે એક શખ્સને ઝડપી પાડવા ચક્રો ગતિમાન કર્યા છે.
ચોક્કસ બાતમીને આધારે લક્ષ્મીપુરા પોલીસે 58.780 ગ્રામ ગાંજાના જથ્થા સાથે સમીર ઉસ્માનભાઈ દિવાન (રહે. દિનદયાલનગર, વુડાના મકાન, ગોત્રી રોડ) લક્ષ્મણ ભુપેશભાઈ થાપા (રહે. દિનદયાલનગર, ગોત્રી રોડ), ડેનિયલ જ્હોન ચૌહાણ (રહે. કૈલાશપાર્ક, લક્ષ્મીપુરા રોડ) અને અજય મગનભાઈ પટેલ (રહે. દિનદયાલનગર વિભાગ – 1, વુડાના મકાન ગોત્રી રોડ)ને ઝડપી પાડ્યા હતાં. જ્યારે સંતોષ પાટીલ (રહે. સંતોષનગર ગોરવા)ને ઝડપી પાડવા ચક્રો ગતિમાન કર્યા છે.
પોલીસે ગાંજાના જથ્થા ઉપરાંત મોબાઈલ, રોકડ રૂપિયા અને ટુવ્હિલર મળી કુલ 93180નો મુદ્દામાલ કબજે કર્યો હતો. સમગ્ર પ્રકરણમાં લક્ષ્મીપરા પોલીસ મથકના પી.આઈ. જે. એચ. ચૌધી, અ.હે.કો. લક્ષ્મણસિંહ જીલુજી, અ.હે.કો. દીનુભાઈ માલાભાઈ, અ.હે.કો. જયદિપસિંહ હરીભાઈ, અ.પો.કો. ગુમાનસિંહ ભેમસિંહ, અ.પો.કો. અશોકભાઈ અંબારામભાઈ, અ.પો.કો. શાંતિભાઈ રામેશ્વરભાઈ તથા અ.પો.કો. વિજેશકુમાર ફુરીચંદ દ્વારા સારી કામગીરી બજાવવામાં આવી હતી.
#funrang #Vadodara #Ahmedabad #Surat #Rajkot #Gandhinagar #gujaratnews #gujaratinews #latestnews #newsupdate
ટચૂકડી જાહેરાત
(ઓફિસ ભાડે / વેચાણ)
વડૉદરા શહેરના હાર્દસમા દાંડીયાબજાર વિસ્તારમાં સિદ્ધિવિનાયક મંદિરની સામે સિદ્ધિવિનાયક સ્ક્વેરના પહેલા માળે ઓફિસ ભાડે અને વેચાણથી આપવાની છે. રસ ધરાવતાં વ્યક્તિઓ – 9173611111 પર કોલ કરે.
Please Subscribe my youtube channel by clicking this link –
https://www.youtube.com/channel/UCi9Oagp-aUKUjbKKfN6H0gg