- વડોદરામાં મહિલાઓની સલામતી જોખમમાં?
વડોદરા. વેક્સિન ગ્રાઉન્ડ દુષ્કર્મ કેસના આરોપીઓ હજી હાથ લાગ્યા નથી. ત્યાં ગઈકાલે રાત્રે દિનેશ મીલ પાસેથી પસાર થતી મહિલા કોન્સ્ટેબલ પર ચાકુથી હુમલો થયો હતો. જાંઘના ભાગે ચાકુ વાગતાં ઘવાયેલી મહિલા કોન્સ્ટેબલને સારવાર અર્થે સયાજી હોસ્પિટલમાં ખસેડવામાં આવી હતી.
વડોદરા શહેરમાં મહિલાઓની સલામતી જોખમમાં મુકાઈ હોય તેવી ઘટનાઓ બની રહી છે. દિવાળીના તહેવારોમાં બે અજાણ્યા શખ્સોએ રીક્ષામાં યુવતીનું અપહરણ કરી, વેક્સિન ઇન્સ્ટિટ્યૂટ ગ્રાઉન્ડમાં દુષ્કર્મ ગુજાર્યું હતું. જેને પગલે પિડીતાએ ગુજરાત ક્વિનમાં આપઘાત કરી લીધો હતો. આ બનાવમાં સંડોવાયેલા આરોપીઓને ઝડપી પાડવા SIT રચવામાં આવી છે. તે ઉપરાંત, 25 જેટલી ટીમો શોધખોળ કરી રહી છે પરંતુ હજી સુધી બળાત્કારીઓનાં કોઈ સગડ પ્રાપ્ત થઈ રહ્યાં નથી. ત્યારે શુક્રવારે રાત્રે વધુ એક મહિલા પર હુમલાની ઘટના બની હતી.
રેલ્વે પોલીસમાં ફરજ બજાવતી કોન્સ્ટેબલ પાયલ ગામેતી ગઈકાલે રાત્રે સવા આઠ વાગ્યાના અરસામાં દિનેશ મિલ પાસેથી પગપાળા પસાર થઇ રહી હતી. તે સમયે પાછળથી ધસી આવેલા હુમલાખોરે તેણીની જાંઘના ભાગે ચાકુ હુલાવી દીધું હતી. બનાવને પગલે મહિલાએ બૂમાબૂમ કરતાં હુમલાખોર ભીગા ગયો હતો. મહિલા કોન્સ્ટેબલને સારવાર અર્થે સયાજી હોસ્પિટલમાં ખસેડવામાં આવી હતી. બનાવ અંગે ગોત્રી પોલીસે તપાસ હાથ ધરી છે.
અત્રે ઉલ્લેખનિય છ કે, છ માસ અગાઉ મહિલા કોન્સ્ટેબલ પાયલ રીક્ષામાં જઈ રહી હતી ત્યારે કોઈ અજાણ્યા શખ્સે લાફા મારી ધમકી આપી હોવાની વિગતો પણ સપાટી પર આવી છે.
News Source – www.gujaratsamachar.com
#funrang #Vadodara #Ahmedabad #Surat #Rajkot #Gandhinagar #gujaratnews #gujaratinews #latestnews #newsupdate
ટચૂકડી જાહેરાત
(ઓફિસ ભાડે / વેચાણ)
વડૉદરા શહેરના હાર્દસમા દાંડીયાબજાર વિસ્તારમાં સિદ્ધિવિનાયક મંદિરની સામે સિદ્ધિવિનાયક સ્ક્વેરના પહેલા માળે ઓફિસ ભાડે અને વેચાણથી આપવાની છે. રસ ધરાવતાં વ્યક્તિઓ – 9173611111 પર કોલ કરે.
Please Subscribe my youtube channel by clicking this link –
https://www.youtube.com/channel/UCi9Oagp-aUKUjbKKfN6H0gg