રેલ્વેની મહિલા કોન્સ્ટેબલ પર ચાકુથી હુમલો કરનાર ક્રાઇમ બ્રાન્ચની હાથવેંતમાં

• અગાઉ રેલ્વે પોલીસે વિજય રાઠવાને પકડીને ઠપકો આપી જવા દીધો હતો.

વડોદરા. શુક્રવારે રાત્રે દિનેશ મીલ પાસે ચાલતી જઈ રહેલી રેલ્વે પોલીસની મહિલા કોન્સ્ટેબલ પર ચાકુથી હુમલો કરનાર હુમલાખોરની ઓળખ કરી દેવામાં આવી છે. ક્રાઈમ બ્રાન્ચ દ્વારા તેને ઝડપી પાડવાની કવાયત હાથ ધરવામાં આવી છે.

રેલ્વે પોલીસમાં ફરજ બજાવતી મહિલા કોન્સ્ટેબલ પાયલ ગામેતી શુક્રવારે રાત્રે સવા આઠ વાગ્યાના અરસામાં દિનેશ મીલ પાસેથી ચાલતી પસાર થઈ રહી હતી. દરમિયાનમાં પાછળથી ધસી આવેલાં અજાણ્યા શખ્સે તેણી પર ચાકુથી હુમલો કર્યો હતો. હુમલામાં મહિલા કોન્સ્ટેબલની જાંઘના ભાગે ઇજા પહોંચી હતી.

એસીપી ક્રાઈમ ડી. એસ. ચૌહાણે જણાવ્યું હતું કે, હુમલાખોરની ઓળખ કરવા માટે મહિલા પોલીસ કર્મચારીને અનેક ફોટોગ્રાફ્સ બતાવવામાં આવ્યા હતાં. જે પૈકી મહિલા કોન્સ્ટેબલે વિજય રાઠવાને ઓળખી કાઢ્યો હતો. નશેબાજ વિજય રાઠવાને અગાઉ રેલ્વે પોલીસે પકડીને ઠપકો આપી જવા દીધો હતો. ફૂટપાથ પર રખડું જીવન જીવતાં વિજય રાઠવાને ઝડપી પાડવા ચક્રો ગતિમાન કરાયા છે.

#funrang #Vadodara #Ahmedabad #Surat #Rajkot #Gandhinagar #gujaratnews #gujaratinews #latestnews #newsupdate

ટચૂકડી જાહેરાત

(ઓફિસ ભાડે / વેચાણ)

વડૉદરા શહેરના હાર્દસમા દાંડીયાબજાર વિસ્તારમાં સિદ્ધિવિનાયક મંદિરની સામે સિદ્ધિવિનાયક સ્ક્વેરના પહેલા માળે ઓફિસ ભાડે અને વેચાણથી આપવાની છે. રસ ધરાવતાં વ્યક્તિઓ – 9173611111 પર કોલ કરે.

Please Subscribe my youtube channel by clicking this link –

 https://www.youtube.com/channel/UCi9Oagp-aUKUjbKKfN6H0gg