- કહાર મહોલ્લાના નાકા પાસેથી ઇરફાન પઠાણ ઝડપાયો.
FunRang News. વડોદરા પોલીસની SHE ટીમ દ્વારા ટપોરીઓને ઝડપી પાડવાનું મિશન હાથ ધરવામાં આવ્યું છે. જે અંતર્ગત આજરોજ નવાપુરા પોલીસની SHE ટીમે કહાર મહોલ્લાના નાકા પાસે મહિલાઓને અભદ્ર ઇશારા કરતાં શખ્સને ઝડપી પાડ્યો હતો.
હાલ વડોદરા પોલીસ તંત્રની SHE ટીમ દ્વારા મહિલાઓની છેડતી કરતાં ટપોરીઓને ઝડપી પાડવાની ડિકોઈ હાથ ધરવામાં આવી છે. જે અંતર્ગત રોજે રોજ વિવિધ પોલીસ મથક વિસ્તારમાંથી ટપોરીઓ પકડી પાડવામાં આવી રહ્યાં છે. આજરોજ નવાપુરા SHE ટીમની મહિલા કર્મચારીઓને પેટ્રોલિંગ દરમિયાન જોવા મળ્યું કે, કહાર મહોલ્લના નાકા પાસે એક શખ્સ જાહેર રોડ પર ઉભો રહી ત્યાંથી પસાર થતી મહિલાઓને બિભત્સ ચેનચાળા કરી રહ્યો છે.
જેને પગલે લગભગ સાડા બાર વાગ્યાના અરસામાં સાદા વેશમાં મહિલા પોલીસ કર્મીઓ તે શખ્સની પાસેથી પસાર થઈ હતી. મહિલાઓને જોતાં જ એ શખ્સે અભદ્ર ઇશારા કરતાં તેને ઝડપી પાડવામાં આવ્યો હતો. ઝડપાયેલો શખ્સ 31 વર્ષિય ઇરફાન ઉર્ફે રાજા અજીજખાન પઠાણ (રહે. નવાપુરા મુસ્લિમ મહોલ્લો, વડોદરા) હોવાનું જાણવા મળ્યું હતું. ઇરફાન પઠાણ સામે કાયદેસરની કાર્યવાહી હાથ ધરવામાં આવી હતી.
ઇરફાન પઠાણને ઝડપી પાડવામાં નવાપુરા પોલીસ મથકના પી.આઈ. જે. કે. મકવાણા, વુ.પો.સ.ઈ. એલ. એ. ભરગા, પ્રો. પો.સ.ઈ. એમ. ડી. હડીયાસા, વુ. એ.એસ.આઈ. તારાબહેન રાજેન્દ્રસિંહ, અ.હે.કો. વિજયકુમાર કપીલદેવ, પો.કો. વિજયસિંહ શંકરસિંહ, હિતેન્દ્રસિંહ ગણપતિસિંહ, વુ.પો.કો. મકસુદાબહેન બસીરભાઈ, વુ.એલ.આર.ડી. ઉર્મિલાબહેન દીલીપસિંહ, વુ.એલ.આર.ડી. હીરલબહેન ભગવાનપુરી અને એલ.આર.ડી. ભાવસિંહ રમણભાઈ દ્વારા સારી કામગીરી કરવામાં આવી હતી.
(આપના કોઈ મિત્રને કે પરિચિતને ફનરંગ ન્યૂઝના વોટ્સએપ ગ્રૂપમાં જોડાવાની ઇચ્છા હોય તો આ ન્યૂઝ એમને ફોરવર્ડ કરો. નીચેની તસવીર પર ક્લિક કરવાથી એ વોટ્સએપ ગ્રૂપમાં જોડાઈ શકશે.)
#funrang #Vadodara #Ahmedabad #Surat #Rajkot #Gandhinagar #gujaratnews #gujaratinews #latestnews #newsupdate
(ફનરંગની યૂટ્યૂબ ચેનલ પર જઈ સબસ્ક્રાઈબ કરવા નીચેની લિન્ક પર ક્લિક કરો)
Please subscribe my YouTube channel by clicking this link –
https://www.youtube.com/channel/UCi9Oagp-aUKUjbKKfN6H0gg