- તીર્થનગરી પાલિતાણાના શક્તિનગરમાં બનેલી ચોંકાવનારી ઘટના.
- જર્મન શેફર્ડ કૂતરાનું નામ સોનું પાડવામાં આવતાં પાડોશીઓ વચ્ચે ઝગડો શરૂ થયો હતો.
- હુમલાખોરો પૈકીના સુરભાઈની પત્નીનું નામ સોનું હોવાથી માથાભારે પાડોશીઓ વિફર્યા.
- પાંચ માસ અગાઉ પણ પાડોશીઓ વચ્ચે સામાન્ય વાતે ઝગડો થયો હતો.
FunRang News. પાલિતાણાના શક્તિનગર ખાતે કૂતરાનું નામ પાડવા જેવી સામાન્ય બાબતમાં પાડોશીઓ વચ્ચે ચાલતાં ઝગડામાં, 7 થી 8 જેટલાં માથાભારે શખ્સોએ પાડોશી મહિલાને જીવતી સળગાવી દીધી હતી. અને ચોંકાવનારી વાત તો એ છે કે, માતાને તેના 6 વર્ષિય પુત્રની સામે જ આગ ચાંપી દેવામાં આવી હતી.
શક્તિનગરમાં રહેતા 35 વર્ષિય નીતાબહેન જયંતીભાઈ સરવૈયા અને તેમના પાડોશમાં રહેતાં માથાભારે શખ્સો વચ્ચે 5 મહિના અગાઉ સામાન્ય વાતે ખટરાગ થયો હતો. જોકે, બાદમાં તે અંગે સમાધાન થઈ ગયું હતું. ત્યારબાદ નીતાબહેનના ઘરે જર્મન શેફર્ટ કુતરું લાવવામાં આવ્યું હતું. જેનું નામ સોનું રાખવામાં આવ્યું હતું. પાડોશમાં રહેતાં સુરાભાઈ આલગોતરાની પત્નીનું નામ પણ સોનું હોવાને કારણે, નહીંજેવી બાબતે પાડોશીઓ વચ્ચે પુનઃ કંકાસ શરૂ થયો હતો.
(આજે ગુજરાતી સમાચાર પત્રોમાં પ્રસિદ્ધ થયેલા કાર્ટૂન્સ જુઓ વિડીયોમાં)
દરમિયાનમાં ગઈકાલે બપોરે નીતાબહેન ઘરમાં એકલાં હતાં. તેમના પતિ કામ માટે બહાર ગયા હતાં. બે દિકરા અને એક દિકરી સ્કૂલે ગયા હતાં. 6 વર્ષનો નાનો દીકરો નંદરાજ ઘરે જમવા આવ્યો હતો. ત્યારે લગભગ 1 વાગ્યાના અરસામાં પાડોશમાં રહેતાં ઘેલા આલગોતર, સુરા આલગોતર, રાજુ ગલાણી સહિતના 7થી 8 લોકો ધસી આવ્યા હતાં.
માથાભારે પાડોશીઓએ ઘરમાં એકલી મહિલા સાથે મારપીટ કર્યા બાદ ઘરમાં પડેલું કેરોસીન એના પર છાંટી દીધું હતું અને 6 વર્ષના નંદરાજની સામે જ આગ ચાંપી દીધી હતી. બનાવ અંગે જાણ થતાં ઘરે દોડી આવેલાં જયંતી સરવૈયા પર પણ માથાભારે પાડોશીઓએ હુમલો કરવાનો પ્રયાસ કર્યો હતો. તો બીજી તરફ, સળગી રહેલી પત્નીની આગ ઓલવતાં જયંતીભાઈનો વિડીયો સોશિયલ મિડીયામાં વાઈરલ થયો હતો.
ગંભીર રીતે દાઝી ગયેલા નીતાબહેનને પાલિતાણાની માનસિંહજી હોસ્પિટલ બાદ ભાવનગરની સર ટી. હોસ્પિટલમાં લઈ જવામાં આવ્યા હતાં. આગને કારણે તેઓ 80 ટકા દાઝી ગયા હોવાથી સ્થિતિ ગંભીર હોવાનું જાણવા મળે છે.
બનાવને પગલે પાલિતાણા પોલીસે પાંચ શખ્સો સામે ફરિયાદ નોંધી કાયદેસરની કાર્યવાહી હાથ ધરી છે.
(આપના કોઈ મિત્રને કે પરિચિતને ફનરંગ ન્યૂઝના વોટ્સએપ ગ્રૂપમાં જોડાવાની ઇચ્છા હોય તો આ ન્યૂઝ એમને ફોરવર્ડ કરો. નીચેની તસવીર પર ક્લિક કરવાથી એ વોટ્સએપ ગ્રૂપમાં જોડાઈ શકશે. )
#funrang #Vadodara #Ahmedabad #Surat #Rajkot #Gandhinagar #gujaratnews #gujaratinews #latestnews #newsupdate
(ફનરંગની યૂટ્યૂબ ચેનલ પર જઈ સબસ્ક્રાઈબ કરવા નીચેની લિન્ક પર ક્લિક કરો)
Please subscribe my YouTube channel by clicking this link –
https://www. youtube. com/channel/UCi9Oagp-aUKUjbKKfN6H0gg