- અમૂલનાં દૂધની થેલી જેવું જ પ્રિન્ટિંગ ધરાવતી અનૂલના દૂધની થેલીઓ બજારમાં વેચાઈ રહી છે.
- અનુલ દૂધના વેચાણ પેટે અમૂલ કરતાં વધુ કમિશન આપવામાં આવતું હોવાથી શક્યતા.
FunRang News. એક તરફ મોંઘવારી પ્રજાજનોને હેરાન કરી રહી છે ત્યારે બીજી તરફ, ભેજાબાજો પ્રજાજનોની છેતરવા માટે નિત નવાં ગતકડાં કરી રહ્યાં છે. લેભાગુ તત્વો સુધી પોલીસનો હાથ પહોંચે એ પહેલાં તો હજારો લોકો છેતરાઈ ચૂક્યા હોય છે. લોકોની નજર ચુકવીને નફો મેળવવા માટે કેટલાંક તત્વો દ્વારા અમૂલ તાજા જેવી જ દૂધની થેલી અનૂલ તાજા બજારમાં વેચવા માટે વહેતી કરવામાં આવી રહી છે.
આણંદની વિખ્યાત અમૂલ ડેરી દ્વારા દેશભરમાં અમૂલ બ્રાન્ડની વિવિધ પ્રોડક્ટ્સ વેચવામાં આવી રહી છે. અમૂલ બ્રાન્ડની પ્રસિદ્ધિની આડમાં નફો રળવા માટે કેટલાંક તત્વો દ્વારા અમૂલ જેવી જ દેખાય તેવી દૂધની થેલીઓ તૈયાર કરવામાં આવી છે. પહેલીનજરમાં તો કોઈને ખ્યાલ પણ ના આવે કે, આ અમૂલ નહીં પણ અનૂલ છે. અમૂલ જેવી જ કલર સ્ક્રિમ અને ફોન્ટ તેમજ છોકરીના ચિત્ર સાથે અનૂલની થેલીઓ પ્રિન્ટ કરવામાં આવી છે.
આ સંજોગોમાં લોકોએ અમૂલ દૂધની થેલી ખરીદતી વખતે ખાસ ધ્યાન રાખવું જરૂરી છે. એવી શક્યતા છે કે, અમૂલ કરતાં વધુ કમિશન આપવામાં આવતું હોવાથી વેચાણકારો અનૂલનું વેચાણ કરવા પ્રેરાઈ રહ્યાં છે.
(આપના કોઈ મિત્રને કે પરિચિતને ફનરંગ ન્યૂઝના વોટ્સએપ ગ્રૂપમાં જોડાવાની ઇચ્છા હોય તો આ ન્યૂઝ એમને ફોરવર્ડ કરો. નીચેની તસવીર પર ક્લિક કરવાથી એ વોટ્સએપ ગ્રૂપમાં જોડાઈ શકશે. )
#funrang #Vadodara #Ahmedabad #Surat #Rajkot #Gandhinagar #gujaratnews #gujaratinews #latestnews #newsupdate
(ફનરંગની યૂટ્યૂબ ચેનલ પર જઈ સબસ્ક્રાઈબ કરવા નીચેની લિન્ક પર ક્લિક કરો)
Please subscribe my YouTube channel by clicking this link –
https://www. youtube. com/channel/UCi9Oagp-aUKUjbKKfN6H0gg