- ➡ 28 ડિસેમ્બરે વહેલી સવારે 4 વાગ્યે બે શખ્સોએ યાસીનખાન પઠાણના ઘર અને કાર પર ફટકા માર્યા.
- ➡ બનાવ અંગે પોલીસ મથકમાં અરજી આપ્યા અને એક જ કલાકમાં કાર સળગી.
- ➡ સીસીટીવી ફૂટેજના આધારે અનિશ દારૂવાલા સહિત બે શખ્સોની અટકાયત.
Mehulkumar Vyas. વડોદરા. વાડી વિસ્તારમાં ધંધાની હરીફાઈને પગલે જીવ બાળતાં શખ્સે વેપારીની કાર બાળી નાંખી હતી. સીસીટીવી ફૂટેજને આધારે સમગ્ર મામલો પ્રકાશમાં આવતાં પોલીસે બે શખ્સોની અટકાયત કરી હતી. અત્રે ઉલ્લેખનિય છે કે, કાર બળી જવાને કારણે વેપારીને આશરે અઢી લાખ રૂપિયાનું નુકસાન પહોંચ્યું હતું.
વાડી વિસ્તારમાં રહેતાં અને જીવન ઉપયોગી પ્લાસ્ટિકની ચીજવસ્તુઓ વેચતાં યાસીનખાન પઠાણે, વેપાર – ધંધાર્થે ઇકો કાર ખરીદી હતી. તેના જ વ્યવસાયમાં રહેલાં અન્ય વેપારી સલીમને યાસીનખાન સાથેની હરીફાઈ આંખમાં કણાંની માફક ખુંચતી હતી. તે અવારનવાર મોટું નુકસાન પહોંચાડવાની પણ ધમકી આપતો હતો.
ગત તા. 28 ડિસેમ્બરના રોજ વહેલી સવારે 4 વાગ્યે યાસીનખાન પઠાણના ઘરના દરવાજા પર અજાણ્યા શખ્સોએ ફટકા માર્યા હતાં. જે અંગે પોલીસ કંટ્રોલને જાણ કર્યા બાદ યાસીનખાન ધાબા પર ગયો હતો. તેણે ત્યાંથી જોયું તો કારનો કાચ તૂટેલો હતો અને સલીમનો ભાઈ અનિશ દારૂવાલા ત્યાંથી ભાગી રહ્યો હતો. કંટ્રોલરૂમની વર્ધીને પગલે આવી પહોંચેલી પોલીસ સમક્ષ યાસીનખાને સલીમ અને અન્ય લોકોના વિરોધમાં અરજી આપી દીધી હતી.
પોલીસના ગયા બાદ લગભગ 5 વાગ્યાના અરસામાં પાડોશીઓએ યાસીનખાનને જાણ કરી કે, ઘર પાસે પાર્ક કરાયેલી તેમની કારમાં આગ લાગી ગઈ છે. આ અંગે જાણ કરવામાં આવતાં ફાયર બ્રિગેડના લાશ્કરો ઘટનાસ્થળે પહોંચ્યા હતાં. લાશ્કરોએ આગ બુઝાવી ત્યાં સુધીમાં કાર બળીને ખાખ થઈ ગઈ હતી. તેમજ બાજુમાં પાર્ક કરેલી અન્ય એક કારને પણ નુકસાન પહોંચ્યુ હતું.
પોલીસે કારને બાળનારને શોધવા સીસીટીવી ચેક કરતાં અનિશ દારૂવાલા (રહે. નાલબંધનાળા) ઇકો કારમાં પ્લાસ્ટિક નાંખી દિવાળસીથી આગ ચાંપતો જોવા મળ્યો હતો. જેને પગલે પોલીસે અનિશ સહિત બે શખ્સોની અટકાયત કરી હતી.
(દાંડિયા બજાર વિસ્તારમાં ઓફિસ ભાડે – વેચાણ)
દાંડીયાબજાર વિસ્તારમાં શ્રી સિદ્ધિ વિનાયક મંદિરની સામે આવેલાં શ્રી સિદ્ધિવિનાયક સ્ક્વેરના પહેલા માળે ઓફિસ ભાડે – વેચાણથી આપવાની છે. રસ ધરાવતાં શખ્સો સંપર્ક કરે – 91736 11111
(ધાર્મિક – સામાજીક કાર્યક્રમો અંગેના વિડીયો – ફોટોગ્રાફ્સ સાથેની માહિતી નીચેના નંબર પર વ્હોટ્સેપ કરો.)
9978918796 અથવા 7016576415
(ફનરંગ ન્યૂઝના વોટ્સએપ ગ્રૂપમાં જોડાવા માટે નીચેની લિન્ક પર ક્લિક કરો)
https://chat.whatsapp.com/HudhfYxRO090FnzisUr3wz
#funrang #Vadodara #Ahmedabad #Surat #Rajkot #Gandhinagar #gujaratnews #gujaratinews #latestnews #newsupdate
(ફનરંગની યૂટ્યૂબ ચેનલ પર જઈ સબસ્ક્રાઈબ કરવા નીચેની લિન્ક પર ક્લિક કરો)
https://www. youtube. com/channel/UCi9Oagp-aUKUjbKKfN6H0gg
