- મુસાફરોની સલામતિ અને અનુકૂળતા માટે શરૂ કરાયેલા પ્રિપેડ પિકઅપ સ્ટેન્ડ સાથે 200થી વધુ રિક્ષાચાલકો જોડાયા.
- સર્વિસમાં જોડાયેલા રિક્ષાચાલકોને એરપોર્ટ ઓથોરિટી તરફથી યુનિફોર્મ, સેફટી શૂઝ તથા તાલીમ અપાઈ.
- નવી સર્વિસથી રિક્ષાચાલકો સાથે મુસાફરો પણ ખુશખુશાલ.
Vishal Mistry
ગાંધીનગર | અમદાવાદ એરપોર્ટનું સંચાલન છેલ્લા એક વર્ષથી અદાણી ગ્રુપ દ્વારા હાથ ધરવામાં આવ્યું છે. એરપોર્ટ ઓથોરિટી તરફથી હવાઈ મુસાફરી કરતા મુસાફરોને તકલીફ ન પડે તે માટે સતત પ્રયત્નો કરવામાં આવી રહ્યા છે. મુસાફરોની સલામતિ અને અનુકૂળતા માટે તાજેતરમાં જ રિક્ષાચાલકો માટે પ્રિપેડ પિકઅપ સ્ટેન્ડ ઉભું કરવામાં આવ્યું છે. જેમાં અત્યારસુધીમાં 200થી વધુ રિક્ષાચાલકો જોડાયા છે. અને વધુ લોકો જોડાય તે માટેના ઓથોરિટી તરફથી પ્રયાસો ચાલુ છે.
અગાઉ રેલવે સ્ટેશનની માફક એરપોર્ટ પર પણ મુસાફરોને પોતાની રિક્ષામાં બેસાડવા માટે રિક્ષાચાલકો છેક ટર્મિનલ સુધી પહોંચી જતા હતા અને નજીક જઈને બુમાબુમ કરતા હોવાથી મુસાફરો અકળાઈ જતા હતા. આ પરિસ્થિતિ અને આ અંગેની મળેલી ફરિયાદોને ધ્યાનમાં લઈને અમદાવાદ એરપોર્ટનું સંચાલન શરૂ કરનારા અદાણી ઓથોરિટીએ રિક્ષાચાલકો માટે મુસાફરોને લાવવા- લઈ જવા માટે પિક અપ પોઇન્ટ અને ડ્રોપ પોઇન્ટ ઉભા કર્યા હતા. તેમ છતાં કેટલાક રિક્ષાચાલકો તેનું પાલન કરતા નહિ હોવાની સાથે અમુક લોકો આર.સી.બુક, લાયસન્સ પણ ધરાવતા નહિ હોવાની ફરિયાદો મળી હતી. તેને ધ્યાનમાં લઈને ઓથોરિટીએ મુસાફરોની સલામતિ અને અનુકૂળતાને ધ્યાનમાં રાખીને સુવ્યવસ્થિત વ્યવસ્થા ઉભી કરવા માટે પ્રિપેડ રીક્ષા સર્વિસ શરૂ કરી હતી. તેમાં જોડાવવા માટે રિક્ષાચાલકે એકપણ રૂપિયો આપવાનો ન હતો. પરંતુ તેમણે વેકસીન સર્ટિફિકેટ, પોલીસ વેરિફિકેશન, રિક્ષાની આર.સી.બુક, ડ્રાયવરનું લાયસન્સ સહિતના જરૂરી સરકારી દસ્તાવેજો આપવાના હતા. તેની સામે ઓથોરિટીએ રિક્ષાચાલકો માટે પ્રિપેડ પિક અપ સ્ટેન્ડ ઉભું કર્યું હતું. એટલું જ નહીં તેમને યુનિફોર્મ, યોગ્ય તાલીમ, સેફટી શૂઝ આપ્યા હતા.
નવી શરૂ કરાયેલી સર્વિસ પ્રમાણે પિક અપ સ્ટેન્ડ પર કાઉન્ટર ઉભું કરવામાં આવ્યું છે. ત્યાં ક્રમવાઇઝ રિક્ષાચાલકોને મુસાફર આપવામાં આવે છે અને મુસાફરોએ નિયમ પ્રમાણેનું ભાડું કાઉન્ટર પર ઓનલાઈન કે અન્ય પદ્ધતિથી ચૂકવવાનું રહે છે. તેની સામે કાઉન્ટર પરથી મુસાફરને રસીદ આપવામાં આવે છે. તે રજૂ કરતા કાઉન્ટર પરથી રિક્ષાચાલકને રકમ ચૂકવી દેવામાં આવે છે. આ સર્વિસમાં અત્યારસુધીમાં 200થી વધુ લોકો જોડાયા છે. જોકે હજુ કેટલાક લોકો દ્વારા આ સર્વિસમાં જોડાયા નથી અને હજુ પણ જૂની પદ્ધતિ પ્રમાણે ટર્મિનલ સુધી પહોંચી જતા હોવાની ફરિયાદ ને ધ્યાનમાં લઈને ઓથોરિટીએ તેને રોકવા માટે ટર્મિનલ પાસે સિક્યોરિટી મૂકવામાં આવી છે. પરંતુ તેમની સાથે રિક્ષાચાલકો ઘર્ષણ કરે છે. ઘણી વખત પોલીસ પણ બોલાવવી પડતી હોવાની વિગતો પ્રાપ્ત થવા પામી છે. અત્રે ઉલ્લેખનીય છે કે, આ રિક્ષાચાલકો માટે ક્રોક્રીટનું નવું પ્રિપેડ પિક અપ સ્ટેન્ડ ઉભું કરવામાં આવી રહ્યું છે.
શુ કહે છે એરપોર્ટ ઓથોરિટી ?
સરદાર વલ્લભભાઇ પટેલ આંતર રાષ્ટ્રિય વિમાની મથકના એક પ્રવક્તાએ જણાવ્યું છે કે, અમદાવાદના સરદાર વલ્લભભાઇ પટેલ એરપોર્ટ ઉપર આવતા પ્રવાસીઓને અવારનવાર બિનનોંધાયેલ રીક્ષા ચાલકો સાથે બિનજરુરી વાદવિવાદમાં ઉતરવું પડે છે. પ્રવાસીઓની સલામતી અમારી ટોચની પ્રાથમિકતા છે. આ હેતુથી અમે પ્રવાસીઓ અને મુલાકાતીઓને ઓટોરીક્ષા ચાલકોની સતામણી ના થાય તે માટે આ રીક્ષા ચાલકોને આવા વર્તનથી દૂર રાખવા સલામતિ અધિકારીઓને ફરજ ઉપર મૂક્યા છે. આ સાથે અમે આ ઓટોરીક્ષા ચાલકોને પોતાને પ્રિપેડ રીક્ષા સર્વિસ પ્રોવાઇડર તરીકે નામ નોંધણી કરાવવા અપીલ કરીએ છીએ. જો કે અમારા ધ્યાને આવ્યું છે કે આ રીક્ષા ચાલકો પ્રિપેડ ઓટોરીક્ષા સર્વિસ પ્રોવાઇડર તરીકે નામ નોંધણી માટે જરુરી અને મૂળભૂત દસ્તાવેજો રજૂ કરવામાં અને તેઓની ઓળખ સ્થાપિત કરવામાં નિષ્ફળ રહ્યા છે અને તેઓએ એરપોર્ટના ઉપભોક્તાઓની સતામણી કરવાનું ચાલુ રાખ્યું છે. આ સતામણીનો અંત લાવવા અમે પોલીસ વિભાગની મદદ માંગી છે.
🙂 (FunRang Joke) 🙂
પકડું જીવનમાં પહેલીવાર બિમાર પડ્યો, અને પહેલીવાર ડૉક્ટર પાસે ગયો.
ડૉક્ટરઃ (તપાસતાં) ચાલો આ કરો…
પકડુઃ સાહેબ, પહેલાં એ કહો, શું ખવડાવવાના છો?
(દાંડિયા બજાર વિસ્તારમાં ઓફિસ ભાડે – વેચાણ)
દાંડીયાબજાર વિસ્તારમાં શ્રી સિદ્ધિ વિનાયક મંદિરની સામે આવેલાં શ્રી સિદ્ધિવિનાયક સ્ક્વેરના પહેલા માળે ઓફિસ ભાડે – વેચાણથી આપવાની છે. રસ ધરાવતાં શખ્સો સંપર્ક કરે – 91736 11111
(ધાર્મિક – સામાજીક કાર્યક્રમો અંગેના વિડીયો – ફોટોગ્રાફ્સ સાથેની માહિતી નીચેના નંબર પર વ્હોટ્સેપ કરો.)
9978918796 અથવા mehul.v.vyas@gmail.com / funrangnews@gmail.com પર મેઈલ કરો.
(ફનરંગ ન્યૂઝના વોટ્સએપ ગ્રૂપમાં જોડાવા માટે નીચેની લિન્ક પર ક્લિક કરો)
https://chat.whatsapp.com/HudhfYxRO090FnzisUr3wz