વડોદરામાં પાર્ક કરેલી લક્ઝરી બસમાં સગીરા પર પરિચિત યુવક દ્વારા દુષ્કર્મ

• બસમાં યુવક દુષ્કર્મ ગુજારતો હતો ત્યારે બે મિત્રો વોચમાં ઉભા રહ્યા હતાં.
• દુષ્કર્મની બાબતનો નિવેડો જ્ઞાતિ પંચમાં નહીં આવતાં પિતાએ પોલીસ ફરિયાદ નોંધાવી.
• દસેક દિવસ અગાઉ ન્યૂ વીઆઈપી રોડ પર બનેલો ચકચારી બનાવ.

Mehulkumar Vyas. [9978918796]

વડોદરા । દસેક દિવસ અગાઉ શહેરના ન્યૂ વી.આઈ.પી. રોડ પર ભરવાડવાસ પાસે પાર્ક કરેલી લક્ઝરીમાં જ્ઞાતિના જ પરિચિત યુવકે દુષ્કર્મ ગુજાર્યો હતું. જ્યારે તેનાં બે મિત્રો બસની બહાર વોચમાં ઉભા રહ્યાં હતાં. સમગ્ર મામલે જ્ઞાતિ પંચમાં નિવેડો નહીં આવતાં આખરે પિતાએ હરણી પોલીસ મથકમાં ફરિયાદ નોંધાવી હતી. હરણી પોલીસે દુષ્કર્મ કેસમાં સંડોવાયેલી ભાગેડુ ત્રિપુટીની શોધખોળ હાથ ધરી છે. આજે સાંજ સુધીમા હરણી પોલીસ આરોપીઓને ઝડપી પાડે તેવી શક્યતાઓ જણાઈ રહી છે.

મધ્યપ્રદેશના આદિવાસીઓ શહેરના ન્યૂ વીઆઈપી રોડ સ્થિત રેવડીયા મહાદેવ મંદિર પાસે ઝૂંપડાં બાંધી રહે છે. અને છુટક મજુરી કરીને ગુજરાન ચલાવે છે. દસેક દિવસ પહેલાં એક આદિવાસી પરીવારની સગીરા લોટ લેવા માટે ઘરેથી નિકળી હતી. દરમિયાનમાં તેની પાડોશમાં રહેતાં પરિચિત યુવક નરેશ અને તેના બે મિત્રોએ સગીરાનો પીછો કર્યો હતો.

ભરવાડવાસ પાસે પાર્ક કરેલી લક્ઝરી બસની પાછળ સગીરા લઘુશંકા કરવા ગઈ ત્યારે આ ત્રિપુટી તેને બસમાં ખેંચી ગઈ હતી. પરિચિત એવાં જ્ઞાતિબંધુ યુવકે બસમાં સગીરા પર દુષ્કર્મ ગુજાર્યું હતું. દરમિયાનમાં તેના બે મિત્રો બસની બહાર વોચમાં ઉભા રહી ગયા હતાં. બનાવ અંગે જાણ થતાં સગીરાને લઈ તેના પિતા વતન રવાના થઈ ગયા હતાં.

વતનમાં સમગ્ર મામલો પંચ સમક્ષ રજૂ કરવામાં આવ્યો હતો. જોકે, જ્ઞાતિ પંચમાં આ મામલે કોઈ જ નિકાલ આવ્યો નહોતો. જેને પગલે ગઈકાલે રાત્રે સગીરાના પિતાએ હરણી પોલીસ મથકમાં દુષ્કર્મ ગુજારનાર નરેશ સહિતની ત્રિપુટી સામે ફરિયાદ નોંધાવી હતી.

હરણી પોલીસે ગુનો નોંધી આરોપીઓને ઝડપી પાડવા ચક્રો ગતિમાન કર્યા છે. આરોપીઓ એમના વતન ભાગી ગયા હોવાની બાતમીને આધારે હરણી પોલીસની એક ટીમ મધ્યપ્રદેશ – દાહોદ બોર્ડર પર જવા રવાના થઈ ગઈ છે.

ACP ભરત રાઠોડનું કહેવું છે કે, આરોપીઓ ઝડપાઈ ગયા બાદ સમગ્ર મામલે સત્ય હકીકત બહાર આવશે. દરમિયાનમાં પોલીસ દ્વારા લક્ઝરી બસમાં તપાસ કરવામા આવી છે. અને વિવિધ સંદર્ભોને ધ્યાનમાં રાખી તપાસ કરવામાં આવી રહી છે.

(FunRang Joke)

ટાઈગર ફૂલ ટાઈટ થઈ ગયો હતો.

પકડું – અલા ભાઈ, આટલો ટલ્લી કેમ થઈ ગયો છે?

ટાઈગર – મજબૂરી હતી…

પકડું – કેવી મજબૂરી?

ટાઈગર – બોટલનું ઢાંકણ ખોવાઈ ગયું હતું…

(દાંડિયા બજાર વિસ્તારમાં ઓફિસ ભાડે – વેચાણ)

દાંડીયાબજાર વિસ્તારમાં શ્રી સિદ્ધિ વિનાયક મંદિરની સામે આવેલાં શ્રી સિદ્ધિવિનાયક સ્ક્વેરના પહેલા માળે ઓફિસ ભાડે – વેચાણથી આપવાની છે. રસ ધરાવતાં શખ્સો સંપર્ક કરે – 91736 11111

(ધાર્મિક – સામાજીક કાર્યક્રમો અંગે જાણકારી આપો.)

9978918796 અથવા mehul.v.vyas@gmail.com / funrangnews@gmail.com પર મેઈલ કરો.

(ફનરંગ ન્યૂઝના વોટ્સએપ ગ્રૂપમાં જોડાવા માટે નીચેની લિન્ક પર ક્લિક કરો)

https://chat.whatsapp.com/HudhfYxRO090FnzisUr3wz