- અજાણ્યા કાર ચાલક સામે હરણી પોલીસ મથકમાં ફરિયાદ.
- સયાજી હોસ્પિટલમાં મૃત્યુ પામેલા વ્યક્તિની ઓળખ અંગે તપાસ શરૂ.
Mehulkumar Vyas. [9978918796]
વડોદરા | ગઈકાલે રાત્રે ગોલ્ડન ચોકડી પાસે એક અજાણી કારની ટક્કરે બાઈક ચાલકનું મોત નિપજ્યું હતું. હિટ એન્ડ રનના બનાવ અંગે હરણી પોલીસે વધુ તપાસ હાથ ધરી છે.
ખાનગી કંપનીમાં સુપર વાઈઝર તરીકે ફરજ બજાવતાં હિમાંશુભાઈ ઠક્કર ગત મોડી રાત્રે ગોલ્ડન ચોકડી ખાતેના ટોલનાકા પાસેથી ટુ-વ્હિલર પર પસાર થઈ રહ્યા હતાં. દરમિયાનમાં તેમની આગળ એક પૂરઝડપે જતી લાલ રંગની કારે બાઈકને ટક્કર મારી હતી. જેમાં બાઈક પર સવાર બંને શખ્સો રોડ પર પટકાયા હતાં. અકસ્માતને પગલે પાછળ આવી રહેલાં હિમાંશુભાઈનો ટુ-વ્હિલર પર કાબૂ જતો રહ્યો હતો અને તેઓ પણ રોડ પર ફસડાઈ ગયા હતાં.
અકસ્માતને પગલે કોઈ રાહદારી દ્વારા એમ્બ્યુલન્સ બોલાવવામાં આવી હતી. જેમાં હિમાંશુભાઈ સહિતના બે ઇજાગ્રસ્તોને સયાજી હોસ્પિટલ ખસેડવાની તજવીજ હાથ ધરાઈ હતી. જોકે, હિમાંશુભાઈને સામાન્ય ઇજાઓ પહોંચી હોવાથી તેઓ રાત્રી બજાર પાસે ઉતરીને ઘરે જતાં રહ્યાં હતાં. અને એમ્બ્યુલન્સ બે ઇજાગ્રસ્તોને લઈ સયાજી હોસ્પિટલ પહોંચી હતી. જ્યાં એક ઇજાગ્રસ્ત યુવકને તબીબોએ મૃત જાહેર કર્યો હતો. જ્યારે અન્ય ઇજાગ્રસ્ત યુવક હોસ્પિટલમાંથી સારવાર લઈ જતો રહ્યો હતો.
સયાજી હોસ્પિટલમાં ઇજાગ્રસ્ત યુવકનું મોત નિપજ્યું હોવા અંગે જાણ થતાં હિમાંશુ ઠક્કરે બનાવ અંગે હરણી પોલીસ મથકે અજાણ્યા કાર ચાલક સામે ફરિયાદ નોંધાવી હતી. હરણી પોલીસે મૃત વ્યક્તિની ઓળખ મેળવવા ઉપરાંત અકસ્માત સર્જીને ભાગી ગયેલા અજાણ્યા કાર ચાલકની શોધખોળ હાથ ધરી છે.
(આજનો Funrang જોક)
ટાઈગર – દોસ્ત, જો આ નાળિયેરીના ઝાડ પર ચડી જઈએ તો કોમર્સ કોલેજની છોકરીઓ જોવા મળે…
પકડું – નાળિયેરી પર ચડ્યા પછી હાથ છુટી જાય તો મેડિકલ કોલેજની છોકરીઓ પણ જોવા મળે…
(દાંડિયા બજાર વિસ્તારમાં ઓફિસ ભાડે – વેચાણ)
દાંડીયાબજાર વિસ્તારમાં શ્રી સિદ્ધિ વિનાયક મંદિરની સામે આવેલાં શ્રી સિદ્ધિવિનાયક સ્ક્વેરના પહેલા માળે ઓફિસ ભાડે – વેચાણથી આપવાની છે. રસ ધરાવતાં શખ્સો સંપર્ક કરે – 91736 11111
(ધાર્મિક – સામાજીક કાર્યક્રમો અંગે જાણકારી આપો.)
9978918796 અથવા mehul.v.vyas@gmail.com / funrangnews@gmail.com પર મેઈલ કરો.
(ફનરંગ ન્યૂઝના વોટ્સએપ ગ્રૂપમાં જોડાવા માટે નીચેની લિન્ક પર ક્લિક કરો)
https://chat.whatsapp.com/HudhfYxRO090FnzisUr3wz