- બોલેરો પીકઅપ વાનમાં ગાયોને બાંધીને લઈ જનાર ખાટકી સહિત ત્રણ શખ્સને પોલીસને હવાલે કરાયા.
- ગાયોની ચોરી મામલે પશુપાલક સમાજમાં ભભૂકતો રોષ.
[Mehulkumar Vyas – 9978918796]
વડોદરા । ગઈકાલે રાત્રે 8 વાગ્યાના અરસામાં કોયલી ગામમાંથી બે ગાય અને એક વાછરડીની ચોરી કરી, બોલેરો પીકઅપ વાનમાં કતલખાને લઈ જતાં ખાટકી સહિતના ત્રણ શખ્સોને ગ્રામવાસીઓએ ઝડપી પાડ્યા હતાં. ત્રણેય શખ્સોને પોલીસને હવાલે કરવામાં આવ્યા હતાં. અત્રે ઉલ્લેખનિય છે કે, કોયલી સહિતના વિસ્તારોમાં છાશવારે ગાયોની ચોરી થતી હોવા છતાં પોલીસ તંત્ર દ્વારા નક્કર કાર્યવાહી કરવામાં આવતી ના હોવાને કારણે પશુપાલક સમાજમાં ભારે રોષ વ્યાપ્યો છે.
કોયલીગામના રબારી ફળિયામાં રહેતાં 50 વર્ષિય વશરામભાઈ હિરાભાઈ રબારીની એક ગાય અને એક વાછરડી ગઈકાલે ખોવાઈ ગઈ હતી. જેથી સાંજના સમયે તેઓ બાઈક પર કોયલી આસપાસના વિસ્તારમાં ગાય અને વાછરડીને શોધવા નિકળ્યા હતાં. દરમિયાનમાં સંતરામ મંદીર પાછળના રસ્તેથી વેરાઈ માતાના મંદીર તરફ એક બોલેરો પીકઅપ વાનને પુરઝડપે જતી તેમણે જોઈ હતી.
પીકઅપ વાનમાં પાછળ પોતાની ગાયને બાંધેલી જોતાં વશરામભાઈએ બૂમાબૂમ કરીને પીછો કર્યો હતો. જેને પગલે કોયલી શક્તિ માતા મંદીરની ભાગોળમાં લોકોએ પીકઅપ વાનને અટકાવી દીધી હતી. વશરામભાઈએ પીકઅપ વાનમાં જોતા બે ગાય અને એક વાછરડી હતી. જેમાંથી રૂ. 25 હજારની કિંમતની એક ગાય અને રૂ. 3000ની કિંમતની એક વાછરડી તેઓની હતી.
(જુઓ ઝડપાયેલા શખ્સોની પુછપરછ કરતાં અગ્રણીઓ તેમજ સમગ્ર મામલે હિતેશ દેસાઈની પ્રતિક્રિયા)
બનાવ અંગે જાણ થતાં માલધારી સમાજના લોકો તેમજ ગૌરક્ષ અધ્યક્ષ જગદીશભાઈ વગેરે ઘટના સ્થળે આવી પહોંચ્યા હતાં. એકઠાં થયેલાં અગ્રણીઓએ પુછપરછ કરતાં પાદરા તાલુકાના ભોજ ગામના રહેવાસી સિકંદર અહેમદ રાઠોડે જણાવ્યું હતું કે, હું ખાટકી છું અને રફીક રાઠોડ સાથે મળી ગાયોને કતલખાને પહોંચાડવાનું કામ કરું છું.
સિકંદરે જણાવ્યું હતું કે, કોયલીના અનિલ શભાઈ મુખીના ખેતરમાં તબેલો ચલાવતાં વિમલેશ પારસનાથ યાદવ અને અનુરાગ જયપ્રકાશ યાદવે ભરાવી હતી. આ પહેલાં અમે 12 ગાયો ત્યાંથી ભરી ગયા છીએ. ગાય કોની માલિકીની છે એની અમને ખબર નથી. મને રફીક રાઠોડનો ફોન કરતો એટલે હું અહીં આવીને ગાયો ભરી જતો હતો.
ગાય ચોરનાર શખ્સો પકડાયા હોવાની જાણ થતાં આવી પહોંચેલા મફતભાઈ ભીખાભાઈ રબારીએ પીકઅપ વાનમાં જોતાં એક ગાય તેમની હોવાનું જાણવા મળ્યું હતું. બનાવને પગલે મોટી સંખ્યામાં લોકો એકઠાં થઈ ગયા હતાં. બાદમાં બનાવ અંગે પોલીસને જાણ કરવામાં આવી હતી. પોલીસે ત્રણેય શખ્સની સામે કાયદેસરની કાર્યવાહી હાથ ધરી હતી. 53 હજારની કિંમતની ગાયો અને વાછરડીની ચોરીના બનાવમાં પોલીસે રફીક રાઠોડને વોન્ટેડ જાહેર કર્યો હતો.
(આજનો Funrang જોક)
ટાઈગર – યાર પકડું તારામાં આજકાલ બહુ એટિટ્યૂડ આવી ગયો છે.
પકડું – એમ સારું ઠીક છે એટિટ્યૂડનો સ્પિલિંગ કહી દે…
ટાઈગર – એટીટ્યૂડ નહીં હોય… ઇગો હશે… બોલ કહું સ્પેલિંગ?
(દાંડિયા બજાર વિસ્તારમાં ઓફિસ ભાડે – વેચાણ)
દાંડીયાબજાર વિસ્તારમાં શ્રી સિદ્ધિ વિનાયક મંદિરની સામે આવેલાં શ્રી સિદ્ધિવિનાયક સ્ક્વેરના પહેલા માળે ઓફિસ ભાડે – વેચાણથી આપવાની છે. રસ ધરાવતાં શખ્સો સંપર્ક કરે – 91736 11111
(ધાર્મિક – સામાજીક કાર્યક્રમો અંગે જાણકારી આપો. )
9978918796 અથવા mehul. v. vyas@gmail. com / funrangnews@gmail. com પર મેઈલ કરો.
(ફનરંગ ન્યૂઝના વોટ્સએપ ગ્રૂપમાં જોડાવા માટે નીચેની લિન્ક પર ક્લિક કરો)
https://chat. whatsapp. com/HudhfYxRO090FnzisUr3wz