છેડતી અંગે ઠપકો અપાવનાર પરિણીતાના પતિને યુવકે કાપડના તાકા નીચે દાબી રહેંસી નાંખ્યો

• ગુરુવારે દુર્ગંધને પગલે તાકા ખસેડવામાં આવતાં સડી ગયેલો મૃતદેહ મળ્યો હતો.
• મીલમાં લાગેલા સીસીટીવી ફૂટેજ તપાસવામાં આવતાં હત્યાનો બનાવ સામે આવ્યો.

[Mehulkumar Vyas – 9978918796]

સુરત । પલસાણાની ઇકો ટેક્સટાઈલ પાર્ક સ્થિત રતન પ્રિયા મીલમાં ગઈકાલે તા. 17 ફેબ્ર્રુઆરીને ગુરુવારના રોજ કાપડના તાકા નીચેથી સડી ગયેલો મૃતદેહ મળી આવતાં ભારે ચકચાર મચી જવા પામી હતી. બનાવ અંગે પોલીસે મીલના સીસીટીવી ફૂટેજની તપાસ કરતાં શખ્સની કાપડના તાકા નીચે દબાવીને હત્યા કરવામાં આવી હોવાનો ઘટસ્ફોટ થયો હતો. પોલીસ આરોપીને ઝડપી પાડી કાયદેસરની કાર્યવાહી હાથ ધરી છે.

મૂળ મધ્યપ્રદેશનો રહેવાસી 21 વર્ષિય આકાશબાબુ રામબહાદુર કોરી પત્ની સાથે સુરતના ઈટાળવા ગામમાં રહેતો હતો. તેમજ રતન પ્રિયા મીલમાં કામ કરી ગુજરાન ચલાવતો હતો. મીલમાં તેની સાથે મધ્ય પ્રદેશનો વતની લક્ષ્મણ ગીરજાશંકર આરક પણ કામ કરતો હતો.

લક્ષ્મણને આકાશની પત્ની પ્રત્યે એક તરફી પ્રેમ થઈ ગયો હતો. એકવાર લક્ષ્મણે આકાશની પત્નીને પકડીને છેડતી કરી હતી. આ મામલે આકાશે ઠપકો આપવા ઉપરાંત વતનના લોકોને પણ જાણ કરી હતી. જેને પગલે વતનના લોકોએ પણ લક્ષ્મણને ઠપકો આપ્યો હતો.

ગત તા. 14 ફેબ્રુઆરીની રાત્રે આકાશ અને લક્ષ્મણ મીલમાં સાથે કામ કરી રહ્યા હતાં. મધ રાતે આકાશ કાપડના તાકા પાસે સૂઈ ગયો હતો. તે સમયે છેડતી મામલે મળેલા ઠપકાની અદાવતે લક્ષ્મણે કાપડના ભારે તાકા આકાશની ઉપર નાંખી દીધા હતાં. કાપડના તાકાની નીચે દબાઈ જવાને કારણે આકાશનું મોત નિપજ્યું હતું.

ગુરુવારે મીલમાં અસહ્ય દુર્ગંધ આવતાં કાપડના તાકા ખસેડવામાં આવ્યાં હતાં. જેમાં આકાશનો સડેલો મૃતદેહ મળી આવ્યો હતો. જેને પગલે પ્રાથમિક તબક્કે પોલીસે અકસ્માત મોતનો ગુનો નોંધી તપાસ હાથ ધરી હતી. આકાશબાબુ કેવી રીતે તાકા નીચે દબાઈ ગયો એ જાણવા માટે સીસીટીવી ફૂટેજ મળી આવતાં હત્યાનો મામલો સામે આવ્યો હતો. તેથી લક્ષ્મણને ઝડપી પાડવામાં આવ્યો હતો. લક્ષ્મણે એક તરફી પ્રેમ અને ઠપકાની અદાવતે હત્યા કરી હોવાની કબૂલાત કરી હતી. પોલીસે હત્યાનો ગુનો નોંધી આગળની કાર્યવાહી હાથ ધરી છે.

(આજનો Funrang જોક)

(ટાઈગરને જંગલમાં ઓફિસર તરીકે નોકરી મળી. મિત્ર પકડું એને મળવા ગયો. જંગલની વાતો વાતોમાં)

ટાઈગર – એક દિવસ તો હું જંગલમાં ગયો ત્યાં મને ડાકુ મળી ગયાં…

પકડું – એમ… પછી…

ટાઈગર – મારી ઘડિયાળ, મોબાઈલ અને રૂપિયા લૂંટી ગયાં..

પકડું – પણ, તારી પાસે તો રિવોલ્વર છે ને…

ટાઈગર – સારું થયું એના પર એ લોકોની નજર ના પડી… બોલ…

Funrang classified

(દાંડિયા બજાર વિસ્તારમાં ઓફિસ ભાડે – વેચાણ)

દાંડીયાબજાર વિસ્તારમાં શ્રી સિદ્ધિ વિનાયક મંદિરની સામે આવેલાં શ્રી સિદ્ધિવિનાયક સ્ક્વેરના પહેલા માળે ઓફિસ ભાડે – વેચાણથી આપવાની છે.  રસ ધરાવતાં શખ્સો સંપર્ક કરે – 91736 11111

(ધાર્મિક – સામાજીક કાર્યક્રમો અંગે જાણકારી આપો.  )

9978918796 અથવા mehul.  v.  vyas@gmail.  com / funrangnews@gmail.  com પર મેઈલ કરો.

(ફનરંગ ન્યૂઝના વોટ્સએપ ગ્રૂપમાં જોડાવા માટે નીચેની લિન્ક પર ક્લિક કરો)

https://chat.  whatsapp.  com/HudhfYxRO090FnzisUr3wz