પૂર્વ પ્રેમિકાને જાહેરમાં પરાણે પ્રેમ કરવા મજબૂર કરનાર યુવકને ટોળાંએ ઠમઠાર્યો

• રાજકોટમાં મંગળવારે સાંજે પૂર્વ પ્રેમિકાને બળજબરીથી ટુવ્હિલર પર બેસાડવાનો યુવકનો પ્રયાસ.
• લોકોને લાગ્યું કે યુવક છેડતી કરે છે અને ટોળાંએ યુવકને અર્ધનગ્ન કરી ફટકાર્યો.

[Mehulkumar Vyas – 9978918796]

રાજકોટ । કોલેજીયન યુવતી સાથેના પ્રેમસંબંધનો અંત આવતાં ગુસ્સે ભરાયેલા યુવકે તેણીનો અશ્લિલ ફોટો ફરતો કર્યો હતો. બાદમાં મંગળવારે સાંજના સમયે દ્વારકાધીશ હોટલ પાસે યુવતીને અટકાવી પરાણે પ્રેમ સંબંધ રાખવા દબાણ કર્યું હતું. અને બળજબરીથી પૂર્વ પ્રેમિકાને ટુવ્હિલર પર બેસાડવાનો પ્રયાસ કરાયો હતો. સમગ્ર ઘટના જોઈ રહેલાં લોકોને લાગ્યું કે યુવક છેડતી કરી રહ્યો છે અને ટોળાંએ યુવકને અર્ધનગ્ન કરી ઠમઠાર્યો હતો.

મોરબી રોડ પર આવેલી કોલેજમાં અભ્યાસ કરતાં યુવક – યુવતી વચ્ચે પ્રેમ સંબંધ બંધાયો હતો. જોકે, તાજેતરમાં કોઈક કારણોસર પ્રેમ પ્રકરણનો અંત આવ્યો હતો. યુવતી પ્રેમ સંબંધ તોડી નાંખતાં રોષે ભરાયેલા યુવકે તેણીના અશ્લિલ ફોટો ફરતાં કર્યા હતાં. યુવતીને આ અંગે જાણ થતાં તેણે યુવકની સાથે ઝગડો કર્યો હતો.

ગઈકાલે મંગળવારે સાંજે દ્વારકાધીશ હોટલ પાસેથી યુવતી પસાર થઈ રહી હતી ત્યારે યુવક ટુ-વ્હિલર લઈને ત્યાં ધસી આવ્યો હતો. યુવકે પ્રેમ સંબંધ ચાલુ રાખવા માટે યુવતી સાથે બોલાચાલી કરી હતી. અને બળજબરીથી યુવતીને ટુ-વ્હિલર પર બેસાડવાના પ્રયાસો શરૂ કર્યા હતાં.

જાહેર માર્ગ પર યુવક દ્વારા યુવતી સાથે બળજબરી કરવામાં આવી રહી હોવાથી, છેડતીનો મામલો સમજી એકઠાં થઈ ગયેલાં લોકોએ યુવકની ધોલાઈ શરૂ કરી દીધી હતી. બનાવને પગલે ભારે ઉત્તેજના વ્યાપી ગઈ હતી. દરમિયાનમાં યુનિવર્સિટી પોલીસ પણ ત્યાં આવી પહોંચી હતી. પોલીસે ઈજાગ્રસ્ત યુવકની હોસ્પિટલમાં સારવાર કરાવ્યા બાદ, યુવક – યુવતીને પોલીસ મથકે લઈ જવામાં આવી હતી.

(આજનો Funrang જોક)

પકડું – યાર ટાઈગર તું ફેસબુક પર વિદેશની છોકરીઓ સાથે ચેટિંગ શું કામ કરે છે?

ટાઈગર – દેશના આંતરરાષ્ટ્રીય સંબંધો સારા થાય એ માટે…

પકડું – પણ, તારું અંગ્રેજી તો સારું છે નહીં…

ટાઈગર – ગુગલ ગુજરાતીનું અંગ્રેજી કરી આપે છે એટલે એનો આભાર…

Funrang classified

(દાંડિયા બજાર વિસ્તારમાં ઓફિસ ભાડે – વેચાણ)

દાંડીયાબજાર વિસ્તારમાં શ્રી સિદ્ધિ વિનાયક મંદિરની સામે આવેલાં શ્રી સિદ્ધિવિનાયક સ્ક્વેરના પહેલા માળે ઓફિસ ભાડે – વેચાણથી આપવાની છે.  રસ ધરાવતાં શખ્સો સંપર્ક કરે – 91736 11111

(ધાર્મિક – સામાજીક કાર્યક્રમો અંગે જાણકારી આપો.  )

9978918796 અથવા mehul.  v.  vyas@gmail.  com / funrangnews@gmail.  com પર મેઈલ કરો.  

(ફનરંગ ન્યૂઝના વોટ્સએપ ગ્રૂપમાં જોડાવા માટે નીચેની લિન્ક પર ક્લિક કરો)

https://chat.  whatsapp.  com/HudhfYxRO090FnzisUr3wz