- મેયર કપ ટૂર્નામેન્ટ માટે પ્રેક્ટિસ દરમિયાન બનેલી ઘટના.
- મોંઢા પર બોલ વાગતાં મેયરને છ ટાંકા આવ્યા.
[Funrang Editor – Mr. Mehulkumar Vyas – 9978918796]
વડોદરા । સુરત ખાતે આયોજિત મેયર કપ ટૂર્નામેન્ટની પ્રેક્ટિસ દરમિયાન બેટિંગ કરતાં કોર્પોરેટર શ્રીરંગ આયરેએ ફટકારેલો બોલ મેયર કેયુર રોકડીયાના મોં પર વાગ્યો હતો. જેને પગલે મેયરને છ ટાંકા આવ્યા હતાં.
આગામી દિવસોમાં સુરત ખાતે મેયર કપ ક્રિકેટ ટુર્નામેન્ટ યોજાના હોવાથી રવિવારે શહેરના રિલાયન્સ ક્રિકેટ સ્ટેડિયમ સાથે મેયર અને કાઉન્સિલર્સ ક્રિકેટ પ્રેક્ટિસ કરી રહ્યા હતાં. યુવા કોર્પોરેટર શ્રીરંગ આયરે બેટિંગ કરી રહ્યો હતો. અને મેયર કેયુર રોકડીયા બોલિંગ કરી રહ્યા હતાં. મેયરના બોલ પર શ્રીરંગ આયરે ફટકાબાજી કરી રહ્યો હતો.
દરમિયાનમાં મેયરે નાંખેલા એક બોલને શ્રીરંગ આયરેએ જોરદાર ફટકો માર્યો હતો. બોલ સીધો મેયર તરફ ગયો હતો. અને મેયર વચ્ચે હાથ લાવે એ પહેલાં બોલ મોં પર વાગ્યો હતો. બોલ વાગતાં જ મેયર ઢળી પડ્યા હતાં. મોંઢામાંથી લોહી નિકળવાનું શરૂ થઈ ગયું હતું. મેયરને તાત્કાલિક ભાઈલાલ અમીન હોસ્પિટલ લઈ જવામાં આવ્યા હતાં.
ભાઈલાલ અમીન હોસ્પિટલ ખાતે મોંઢા પર થયેલી ઇજાને કારણે છ ટાંકા આવ્યા હતાં. સારવાર બાદ મેયરને ડિસ્ચાર્જ કરાયા હતાં. અત્રે ઉલ્લેખનિય છે કે, તાજેતરમાં યોજાયેલી કોર્પોરેશનની ચુંટણીમાં શ્રીરંગ આયરે સૌથી યુવા કોર્પોરેટર તરીકે ચુંટાઈ આવ્યા હતાં. શ્રીરંગ આયરેના પિતા રાજેશ આયરે આગામી વિધાનસભા ચુંટણીમાં ભાજપની ટિકિટ માટે મહત્વના દાવેદાર ગણવામાં આવી રહ્યાં છે.
(આજનો Funrang જોક)
ચમન – યાર આ યુક્રેન અને રશિયાનું શું થશે?
અમન – એ વાત પછી… તને ખબર છે રશિયા અને યુક્રેનના ડિફેન્સ મિનિસ્ટર કોણ છે?
ચમન – (અટવાઈને ચા વાળાને) દોસ્તોકી બે કટિંગ ચાય… યુદ્ધ વાત કરવા જેવી જ નથી… ચા પી…
(દાંડિયા બજાર વિસ્તારમાં ઓફિસ ભાડે – વેચાણ)
દાંડીયાબજાર વિસ્તારમાં શ્રી સિદ્ધિ વિનાયક મંદિરની સામે આવેલાં શ્રી સિદ્ધિવિનાયક સ્ક્વેરના પહેલા માળે ઓફિસ ભાડે – વેચાણથી આપવાની છે. રસ ધરાવતાં શખ્સો સંપર્ક કરે – 91736 11111
(ધાર્મિક – સામાજીક કાર્યક્રમો અંગે જાણકારી આપો. )
9978918796 અથવા mehul. v. vyas@gmail. com / funrangnews@gmail. com પર મેઈલ કરો.
(ફનરંગ ન્યૂઝના વોટ્સએપ ગ્રૂપમાં જોડાવા માટે નીચેની લિન્ક પર ક્લિક કરો)
https://chat. whatsapp. com/HudhfYxRO090FnzisUr3wz