- છાણી પોલીસ મથકની મોબાઈલવાનના ડ્રાઈવરે નંદેસરી બજારમાં 13 વર્ષિય કિશોરને માર માર્યો હતો.
- ખોડિયાર કરીયાણા સ્ટોર ખાતે કિશોરને પોલીસ કર્મીએ માર માર્યો હોવાના સીસીટીવી સામે આવ્યા.
- પોલીસ કોન્સ્ટેબલ શક્તિસિંહ પાવરાને તાત્કાલિક અસરથી સસ્પેન્ડ કરાયો છેઃ ACP ડી. જે. ચાવડા
[Funrang Editor – Mr. Mehulkumar Vyas – 9978918796]
વડોદરા । તા. 2 એપ્રિલના રોજ રાત્રે પોણા 9 વાગ્યાના અરસામાં નંદેસરી બજાર ખાતે તેર વર્ષના કિશોર પર તેવર બતાવી, લાફા અને લાતો મારનાર પોલીસ કર્મીને તાત્કાલિક અસરથી સસ્પેન્ડ કરવામાં આવ્યો છે. સમગ્ર બનાવ અંગે સીસીટીવી વાઈરલ થયા બાદ પોલીસ કોન્સ્ટેબલ સામે પગલાં લેવાયા છે અને ઘટના અંગે એસપીએ દુઃખ વ્યક્ત કર્યું હતું.
છાણી પોલીસ મથકની મોબાઈલ વાનના ડ્રાઈવર અનાર્મ પોલીસ કોન્સ્ટેબલ શક્તિસિંહ ગટોરસિંહ પાવરા અને એક મહિલા કર્મચારી વહીવટી કામ માટે નંદેસરી પોલીસ મથકે ગયા હતાં. ત્યાંથી પરત આવતી વખતે મોબાઈલ વાન નંદેસરી બજારમાંથી પસાર થઈ રહી હતી.
ખોડિયાર કરીયાણા સ્ટોર પાસે રસ્તો ઓળંગી રહેલાં તેર વર્ષના કિશોરે પોલીસ વાનને જોઈ કંઈક બોલ્યો હતો. જેને પગલે પોલીસ વાનના ડ્રાઈવર શક્તિસિંહ પાવરાએ પિત્તો ગુમાવ્યો હતો. વાનમાંથી ઉતરીને પોલીસ કોન્સ્ટેબલ શક્તિસિંહે કિશોરને માર માર્યો હતો.
કિશોરને માર મારતાં શક્તિસિંહ સીસીટીવીમાં ઝડપાઈ ગયા બાદ સમગ્ર મામલે ફરિયાદ દાખલ કરવામાં આવી હતી. આજરોજ વડોદરા A ડિવિઝનના ACP ડી. જે. ચાવડાએ મિડીયાને જાણકારી આપી હતી કે, 2 એપ્રિલના રોજ રાત્રે પોણા નવ વાગ્યાના સુમારે બનેલી ઘટના અંગેનો પ્રાથમિક રિપોર્ટ પોલીસ કમિશનરને સુપરત કરાયો છે. ઘટના અંગે અમને દુઃખ છે અને પોલીસ કમિશરના આદેશથી પોલીસ કર્મીને તાત્કાલિક ફરજ મોકૂફ કરવામાં આવ્યો છે. બીજી તરફ, ગત રાત્રે જ પોલીસ અધિકારીઓ ઘટના સ્થળે પહોંચ્યા હતાં અને કિશોરની સારવાર કરાવી હતી.
(આજનો Funrang જોક)
અમન – યાર આજે કોઈ મુર્ખતાવાળી વાત નથી કરવી…
ચમન – કેમ ભઈ?
અમન – કોઈને મુરખ સમજવાની મુર્ખતા આપણે શું કામ કરવાની?
ચમન – એટલે તું મને…
(દાંડિયા બજાર વિસ્તારમાં ઓફિસ ભાડે – વેચાણ)
દાંડીયાબજાર વિસ્તારમાં શ્રી સિદ્ધિ વિનાયક મંદિરની સામે આવેલાં શ્રી સિદ્ધિવિનાયક સ્ક્વેરના પહેલા માળે ઓફિસ ભાડે – વેચાણથી આપવાની છે. રસ ધરાવતાં શખ્સો સંપર્ક કરે – 91736 11111
(ધાર્મિક – સામાજીક કાર્યક્રમો અંગે જાણકારી આપો.)
9978918796 અથવા funrangnews@gmail. com પર મેઈલ કરો.
(ફનરંગ ન્યૂઝના વોટ્સએપ ગ્રૂપમાં જોડાવા માટે નીચેની લિન્ક પર ક્લિક કરો)
https://chat.whatsapp.com/HudhfYxRO090FnzisUr3wz