🔥 વીજ મીટરમાં ધડાકા બાદ ભભૂકી આગ, જાણીતી રાજુ આમલેટ સહિતની 8 દુકાનો બળીને ખાખ (જુઓ Video) 🔥

• કારેલીબાગ મુક્તાનંદ પાસે આવેલા મહાલક્ષ્મી કોમ્પ્લેક્ષમાં આગ લાગતા ભારે ઉત્તેજના વ્યાપી.
• વીજ કંપનીના કર્મચારીઓ પહોંચે એ પહેલા આગે વિકરાળ સ્વરૂપ ધારણ કર્યું.
• રાહદારીઓની અવર જવરથી ધમધમતાં માર્ગ પર સર્જાયા ટ્રાફિક જામના દ્રશ્યો.

[Funrang Founder / Editor – Mr. Mehulkumar Vyas – 9978918796]

વડોદરા । ઉનાળો શરૂ થતાં જ આગના બનાવો બનવા લાગ્યા છે. આજે ભરબપોરે કારેલીબાગ વિસ્તારના મુક્તાનંદ પાસે આવેલા મહાલક્ષ્મી કોમ્પ્લેક્ષમાં વીજ મીટરમાં ધડાકા થયા બાદ ભિષણ આગ ભભૂકી ઉઠી હતી. બનાવને પગલે દોડી ગયેલા ફાયર બ્રિગેડના લાશ્કરોએ પાણીનો મારો ચલાવીને આગ પર કાબૂ મેળવ્યો હતો.

મહાલક્ષ્મી કોમ્પ્લેક્ષમાં આજે બપોરના સમયે વીજ મીટરમાં ધડાકો થયો હતો. જેને પગલે સ્થાનિક દુકાનદારોમાં ઉત્તેજના વ્યાપી ગઈ હતી. આ અંગે વીજ કંપનીને પણ જાણ કરવામાં આવી હતી. જોકે, વીજ કંપનીના કર્મચારીઓ આવી પહોંચે એ પહેલાં કેટલીક વાર ધડાકા થયા બાદ વીજ મીટરોમાં આગ ફાટી નિકળી હતી. જોત જોતામાં આગે વિકરાળ સ્વરૂપ ધારણ કર્યું હતું.

આગની ભભૂકતી જ્વાળાઓ અને ધુમાડાના ગોટેગાટો લાયન સર્કલ જેટલે દૂરથી પણ જોઈ શકાતા હતાં. આગના બનાવને પગલે રાહદારીઓથી ધમધમતા માર્ગ પર ટ્રાફિક જામ સર્જાયો હતો. બનાવ અંગે જાણ થતાં દોડી આવેલા ફાયર બ્રિગેડના લાશ્કરોએ આગને વધુ પ્રસરતા અટકાવવાના પગલાં લેવા સાથે પાણીનો મારો ચલાવ્યો હતો. લાશ્કરોએ ભારે જહેમતને અંતે આગ પર કાબૂ મેળવ્યો હતો.

જોકે, આગની લપેટમાં આવી જવાને કારણે મહાલક્ષ્મી કોમ્પ્લેક્ષમાં આવેલી જાણીતી રાજુ ઓમલેટ, અમર પાન વગેરે મળી 8 જેટલી દુકાનો બળીને ખાખ થઈ ગઈ હોવાનું જાણવા મળે છે. હાલના તબક્કે આગને કારણે કેટલું નુકસાન થયું છે એ અંગે કોઈ જાણકારી પ્રાપ્ત થતી નથી.

(આજનો Funrang જોક)

ચમન – યાર મમ્મીએ ઉઠાડવાનો નવો આઈડિયા લગાડ્યો છે.

અમન – કેમ શું કરે છે?

ચમન – સવારે ધીમેથી આવીને કહે છે, ઉઠી જા… તારા બાપા તારો મોબાઈલ ચેક કરી રહ્યા છે.

(દાંડિયા બજાર વિસ્તારમાં ઓફિસ ભાડે – વેચાણ)

દાંડીયાબજાર વિસ્તારમાં શ્રી સિદ્ધિ વિનાયક મંદિરની સામે આવેલાં શ્રી સિદ્ધિવિનાયક સ્ક્વેરના પહેલા માળે ઓફિસ ભાડે – વેચાણથી આપવાની છે. રસ ધરાવતાં શખ્સો સંપર્ક કરે – 91736 11111

(ધાર્મિક – સામાજીક કાર્યક્રમો અંગે જાણકારી આપો.)

9978918796 અથવા funrangnews@gmail. com પર મેઈલ કરો.    

(ફનરંગ ન્યૂઝના વોટ્સએપ ગ્રૂપમાં જોડાવા માટે નીચેની લિન્ક પર ક્લિક કરો)

https://chat.whatsapp.com/HudhfYxRO090FnzisUr3wz