🥵 ‘કેરી ગાળાએ કલર પકડ્યો’ રાત્રે 8 વાગ્યે મુંજમહુડા રોડને પથારી બનાવતો રખડું શખ્સ 🥵

• રસ્તાની વચ્ચો વચ્ચ સૂઈ ગયેલા શખ્સને કારણે વાહનચાલકોને અગવડ ભોગવવી પડી.
• આસપાસનાં લોકોએ રખડું શખ્સને હટાવી રસ્તો સાફ કર્યો.  

[Funrang Founder / Editor – Mr. Mehulkumar Vyas – 9978918796]

વડોદરા । ઉનાળાના કેરી ગાળાનો કલર આજે રાતના સમયે મુંજમહુડા વિસ્તારના જાહેર માર્ગ પર જોવા મળ્યો હતો. વાહનોની અવર જવર ધરાવતાં ભરચક માર્ગ પર એક રખડું જીવન જીવતાં શખ્સ સૂઈ ગયો હતો. જેના કારણે લોકોને ભારે અગવડ ભોગવવી પડી હતી.

આજે રાત્રે 8 વાગ્યાના અરસામાં મુંજમહુડા વિસ્તારમાં આવેલી અલ્પા રેસ્ટોરન્ટ સામેનો માર્ગ જાણે પથારી હોય એમ સમજીને એક રખડું શખ્સ આડો પડી ગયો હતો. ગરમીથી શેકાયેલા આસ્ફાલ્ટના રસ્તા પર પીઢ શેકવા માંગતો હોય એમ સૂઈ ગયેલા શખ્સને કારણે લોકોમાં કૂતુહલ સર્જાઈ ગયું હતું. જોકે, રાહદારી વાહનચાલકોને તેને કારણે અગવડ ભોગવવી પડી રહી હતી.

કદાચ એ શખ્સ નશામાં હશે અથવા તો મજાક કરી રહ્યો છે એમ માનીને થોડીવાર સુધી કેરી ગાળાનો કલર સ્થાનિક લોકોએ જોયા કર્યો હતો. જોકે, કેટલાંક વાહનો તેની પાસેથી જોખમી રીતે પસાર થવા છતાં તે ત્યાંથી નહીં હટતાં લોકોને લાગ્યુ કે એ શખ્સ આપઘાત કરવાનો પ્રયાસ કરી રહ્યો છે. જેને પગલે આસપાસના લોકોએ એકઠાં થઈ તેને ત્યાંથી હટવા બૂમો પાડી હતી.

લોકોએ બૂમો પાડવા છતાં રસ્તા પર પથરાયેલા કેરી ગાળાના કલરે ઉખડવાનું નામ લીધું નહોતું. જેને પગલે લોકોએ એને હાથ પકડીને ત્યાંથી બળજબરી પૂર્વક હટાવીને રસ્તો સાફ કર્યો હતો. દરમિયાનમાં પોલીસ પણ આવી પહોંચી હતી.

(આજનો Funrang જોક)

ચમન – યાર મમ્મીએ ઉઠાડવાનો નવો આઈડિયા લગાડ્યો છે.

અમન – કેમ શું કરે છે?

ચમન – સવારે ધીમેથી આવીને કહે છે, ઉઠી જા… તારા બાપા તારો મોબાઈલ ચેક કરી રહ્યા છે.

(દાંડિયા બજાર વિસ્તારમાં ઓફિસ ભાડે – વેચાણ)

દાંડીયાબજાર વિસ્તારમાં શ્રી સિદ્ધિ વિનાયક મંદિરની સામે આવેલાં શ્રી સિદ્ધિવિનાયક સ્ક્વેરના પહેલા માળે ઓફિસ ભાડે – વેચાણથી આપવાની છે. રસ ધરાવતાં શખ્સો સંપર્ક કરે – 91736 11111

(ધાર્મિક – સામાજીક કાર્યક્રમો અંગે જાણકારી આપો.)

9978918796 અથવા funrangnews@gmail. com પર મેઈલ કરો.    

(ફનરંગ ન્યૂઝના વોટ્સએપ ગ્રૂપમાં જોડાવા માટે નીચેની લિન્ક પર ક્લિક કરો)

https://chat.whatsapp.com/HudhfYxRO090FnzisUr3wz