🥃 નશામાં મિત્રને ફોન કરી ‘દુનિયાથી જઉં છું’ કહેનાર દારૂડિયાને પોલીસ મથકે જવું પડ્યું 🥃

• ફતેગંજના ઉર્મિ એપાર્ટમેન્ટમાં રહેતા રાજુ નાયરે દારૂ પીને વકીલ મિત્રને ફોન કર્યો હતો.
• વકીલ મિત્રએ કંટ્રોલ રૂમમાં કૉલ કરતાં પોલીસની ટીમ દોડી.

[Funrang Founder / Editor – Mr. Mehulkumar Vyas – 9978918796]

વડોદરા । છેલ્લાં કેટલાંક સમયથી શહેરમાં દારૂનો નશો કરી ધમાલ કરતાં લોકોના સ્વજનો દ્વારા પોલીસને જાણ કરીને પકડાવી દેવાની ઘટનાઓ બની રહી છે. પોલીસ તંત્ર તનતોડ મહેનત કરતી હોવા છતાં દારૂનું વેચાણ બંધ થતું નથી એ જુદી વાત છે. ત્યારે ગઈકાલે રાત્રે દારૂના નશામાં મિત્રને ફોન કરી આ દુનિયાથી જવાની વાત કરનાર દારૂડિયાને પોલીસ મથકે જવું પડ્યું હોવાની ઘટના બનવા પામી હતી.

ફતેગંજ વિસ્તારના ઉર્મિ એપાર્ટમેન્ટમાં રહેતા વચ્છરાજ ઉર્ફે રાજુ બાલકૃષ્ણ નાયરે ગઈકાલે રાત્રે દારૂ પીધો હતો. બાદમાં ફૂલ પીધેલી હાલતમાં તેણે પોતાના વકીલ મિત્રને ફોન કર્યો હતો. જેમાં રાજુ નાયરે કહ્યું કે, હું આ દુનિયાથી જઉં છું. આ પ્રકારની વાત કર્યા બાદ તેણે ફોન કાપી નાંખ્યો હતો.

રાજુ નાયરની વાત સાંભળીને ચોંકી ઉઠેલા વકીલ મિત્રએ રાત્રે સાડા બાર વાગ્યાના અરસામાં પોલીસ કંટ્રોલ રૂમને કૉલ કરી જાણકારી આપી હતી. જેને પગલે ફતેગંજ પોલીસની ટીમ ઉર્મિ એપાર્ટમેન્ટ પહોંચ્યા હતાં. ફ્લેટમાં જઈને તપાસ કરતાં રાજુ નાયર દારૂના નશામાં ચૂર હાલતમાં જોવા મળ્યો હતો. પોલીસે અટકાયત કરી કાયદેસરની કાર્યવાહી હાથ ધરી હતી.

(આજનો Funrang જોક)

ચમન – ભાઈ હલવા પુરી હોય છે…

અમન – હા…

ચમન – ભેલ પુરી હોય છે…

અમન – હા…

ચમન – ખીર પુરી હોય છે…

અમન – હા ભાઈ…

ચમન – પાણી પુરી પણ હોય છે…

અમન – હા યાર.. તો શું…

ચમન – બસ ઉંઘ પુરી નથી…

(દાંડિયા બજાર વિસ્તારમાં ઓફિસ ભાડે – વેચાણ)

દાંડીયાબજાર વિસ્તારમાં શ્રી સિદ્ધિ વિનાયક મંદિરની સામે આવેલાં શ્રી સિદ્ધિવિનાયક સ્ક્વેરના પહેલા માળે ઓફિસ ભાડે – વેચાણથી આપવાની છે. રસ ધરાવતાં શખ્સો સંપર્ક કરે – 91736 11111

(ધાર્મિક – સામાજીક કાર્યક્રમો અંગે જાણકારી આપો.)

9978918796 અથવા funrangnews@gmail. com પર મેઈલ કરો.    

(ફનરંગ ન્યૂઝના વોટ્સએપ ગ્રૂપમાં જોડાવા માટે નીચેની લિન્ક પર ક્લિક કરો)

https://chat.whatsapp.com/HudhfYxRO090FnzisUr3wz