🍋 ભાજપ કાર્યાલયે લીંબુ વિતરણનો અભરખો ધરાવતી ટીમ રિવોલ્યૂશનને ‘લીંબા લેવા પડ્યા’ 🍋

• મોંઘવારીના વિરોધમાં ભાજપા કાર્યાલય ખાતે ભાજપી કાર્યકરોને લીંબુ વિતરીત કરવાની ટીમ રિવોલ્યૂશન દ્વારા જાહેરાત કરાઈ હતી.
• સયાજીગંજ મનુભાઈ ટાવર સ્થિત ભાજપ કાર્યલય પર પોલીસનો ખડકલો થઈ જતાં, ટીમ રિવોલ્યૂશન પોલીસ ભવન પહોંચી.
• અજાણ્યા શખ્સો દ્વારા કાર રોકી – માથાકૂટ કરવાનો પ્રયાસ કરાયો હોવાનો સ્વેજલ વ્યાસનો આક્ષેપ.
• હુમલો કરવાના પ્રયાસ અને ધાક ધમકી અંગે કારેલીબાગ પોલીસ મથકમાં અરજી આપવામાં આવી.

[Funrang Founder / Editor – Mr. Mehulkumar Vyas – 9978918796]

વડોદરા । અગાઉ પેટ્રોલ અને દૂધનું વિતરણ કરી મોંઘવારીનો વિરોધ વ્યક્ત કરનાર ટીમ રિવોલ્યૂશન દ્વારા આજરોજ સયાજીગંજના મનુભાઈ ટાવર સ્થિત ભાજપા કાર્યલય ખાતે ભાજપી કાર્યકરોને લીંબુનું વિતરણ કરવાની જાહેરાત કરવામાં આવી હતી. જોકે, લીંબુ વિતરણ કરવા પહોંચેલી ટીમ રિવોલ્યૂશનને લીંબા લેવા પડ્યા હોય તેવો ઘાટ સર્જાયો હતો.

પેટ્રોલના ભાવ વધારા સામે ભાજપી કેસ ધારણ કરીને આવનારને એક લિટર મફત પેટ્રોલ આપ્યા બાદ ટીમ રિવોલ્યૂશન દ્વારા દૂધના ભાવ વધારાના વિરોધમાં ભાજપી કાર્યકરોને દૂધની થેલીઓ આપવામાં આવી હતી. એકંદરે, ટીમ રિવોલ્યૂશનના વિરોધ પ્રદર્શનથી ભાજપી કાર્યકરો મનોમન ખુશ થઈ રહ્યાં હશે. આ સંજોગોમાં આજે ટીમ રિવોલ્યૂશન દ્વારા 20 કિલો લીંબુ વિતરણ કરીને વિરોધ વ્યક્ત કરવામાં આવનાર હતો. તેથી ઘણાં ભાજપી કાર્યકરો લીંબુ લેવા ભાજપ કાર્યલય સુધી લાંબા થયા હોય એ શક્ય છે.

જોકે, લીંબુ વિતરીત કરવા ટીમ રિવોલ્યૂશન ભાજપા કાર્યલય પહોંચે એ પહેલાં તો, સત્તાધારીઓની શાખને જાળવવાની જવાબદારી જેમના શિરે છે એવાં પોલીસ તંત્ર દ્વારા ભાજપા કાર્યલયની બહાર કાફલો ખડકી દેવાયો હતો. સ્વેજલ વ્યાસ સહિતના ટીમ રિવોલ્યૂશનના કાર્યકરો પોલીસની નજર સામે એક લીંબુ પણ કોઈને આપી શકે તેવી સ્થિતિ નહોતી.

જેને પગલે ટીમ રિવોલ્યૂશન દ્વારા અચાનક જ લીંબુ વિતરણનું સ્થળ પોલીસ ભવન નક્કી કરી દેવાયું હતું. જેને કારણે ભર ગરમીમાં પોલીસ કર્મીઓએ લીંબુ પાણી પીધા વગર દોડધામ કરવી પડી હતી. પોલીસ ભવન ખાતે જોઈન્ટ સીપીને રજૂઆત કર્યા બાદ સ્વેજલ વ્યાસે 350 રૂપિયે કિલો વેચાતાં લીંબુ ખેડૂત 120 રૂપિયામાં વેચે છે. તો 230 રૂપિયા કોણ ખાય છે? આ પ્રશ્નનો સરકાર પાસે જવાબ માંગ્યો હતો. લીંબુની થેલીઓ સાથે વિરોધ વ્યક્ત કર્યા બાદ ટીમ રિવોલ્યૂશન પોલીસ ભવનથી રવાના થઈ હતી.

સ્વેજલ વ્યાસ, દિપકસિંહ વિરપુરા તીર્થ પટેલ વગેરે પોલીસ ભવનથી બહાર નિકળી રહ્યા હતાં. ત્યારે 15 થી 20 યુવાનોએ તેઓને ધમકાવવાનો પ્રયાસ કર્યો હતો. બાદમાં તેઓ કારમાં નિકળ્યા તો ટુ-વ્હિલર્સ પર કેટલાંક શખ્સોએ તેમનો પીછો કર્યો હતો. કમરના ભાગે તિક્ષ્ણ હથિયાર સાથે પીછો કરી રહેલાં તત્વોએ કારનો દરવાજો ખોલવાના પ્રયાસ કરવા સાથે ધમકી આપી હતી. ટુ-વ્હિલર કાર સાથે ભટકાવીને ઝગડો કરવાનો પ્રયાસ કર્યો હતો. જેને પગલે તીર્થ પટેલે પોલીસ કંટ્રોલ રૂમમાં ફોન કર્યો અને કાર બહુચરાજી મંદિર પાસેના ઢાળ પર સીસીટીવીને સામે ઉભી રાખતાં, અજાણ્યા શખ્સો રવાના થઈ ગયા હતાં. અજાણ્યા શખ્સો દ્વારા હુમલો કરવાનો પ્રયાસ કરાયો હોવા અંગે કારેલીબાગ પોલીસ મથકમાં તીર્થ પટેલે અરજી તેમજ વિડીયો – ફોટોગ્રાફ્સ આપ્યા હતાં.

એકંદરે, ટીમ રિવોલ્યૂશન લીંબુનું વિતરણ તો કરી ના શકી પણ, તેઓને કારણ વગરના લીંબા લેવા પડ્યા એમ કહેવું ખોટું નહીં ગણાય.

(આજનો Funrang જોક)

ચમન – ભાઈ હલવા પુરી હોય છે…

અમન – હા…

ચમન – ભેલ પુરી હોય છે…

અમન – હા…

ચમન – ખીર પુરી હોય છે…

અમન – હા ભાઈ…

ચમન – પાણી પુરી પણ હોય છે…

અમન – હા યાર.. તો શું…

ચમન – બસ ઉંઘ પુરી નથી…

(દાંડિયા બજાર વિસ્તારમાં ઓફિસ ભાડે – વેચાણ)

દાંડીયાબજાર વિસ્તારમાં શ્રી સિદ્ધિ વિનાયક મંદિરની સામે આવેલાં શ્રી સિદ્ધિવિનાયક સ્ક્વેરના પહેલા માળે ઓફિસ ભાડે – વેચાણથી આપવાની છે. રસ ધરાવતાં શખ્સો સંપર્ક કરે – 91736 11111

(ધાર્મિક – સામાજીક કાર્યક્રમો અંગે જાણકારી આપો.)

9978918796 અથવા funrangnews@gmail. com પર મેઈલ કરો.    

(ફનરંગ ન્યૂઝના વોટ્સએપ ગ્રૂપમાં જોડાવા માટે નીચેની લિન્ક પર ક્લિક કરો)

https://chat.whatsapp.com/HudhfYxRO090FnzisUr3wz