😡 30 વર્ષોથી ટૉયલેટમાં ‘ટેસ્ટી’ સમોસા બનાવી વેચતી રેસ્ટોરન્ટ સીલ કરાઈ 😡

• સાઉદી અરેબીયાના જેદ્દાહ ખાતેની રેસ્ટોરન્ટમાં નાસ્તો અને ભોજન વૉશરૂમમાં બનાવવામાં આવતાં હતાં.
• રેસ્ટોરન્ટમાં માંસ અને પનીર જેવા ખાદ્ય પદાર્થોમાં કીડા પડ્યા હતાં.

[Funrang Founder / Editor – Mr. Mehulkumar Vyas – 9978918796]

ફનફાડો । આપણાં દેશમાં ટૉઈલેટના કે ગટરના પાણીથી ખાદ્ય પદાર્થો બનાવીને વેચનારાઓનો વાળ પ વાંકો થતો નથી. હલકી ગુણવત્તાના ખાદ્ય પદાર્થો વેચનારાઓ ક્યારેક પકડાય છે ખરાં પણ પછી એમની સામે કોઈ કડક કાર્યવાહી કરાતી હોય એવું જાણવા મળતું નથી. ત્યારે સાઉદી અરેબિયામાં 30 વર્ષોથી ચાલી રહેલી રેસ્ટોરન્ટમાં ટૉયલેટ – વૉશરૂમમાં સમોસા સહિતની ખાદ્ય સામગ્રી બનાવવામાં આવતી હોવાનું સામે આવતાં તંત્ર દ્વારા તેને તાત્કાલિક બંધ કરી દેવામાં આવી છે.

ગલ્ફ ન્યૂઝમાં પ્રસિદ્ધ અહેવાલ અનુસાર, સાઉદી અરેબીયા (Saudi Arabia)ના જેદ્દા (Jeddah) શહેરના એક રેસ્ટોરન્ટ ગ્રાહકોના સ્વાસ્થ્ય સાથે ગંભીર ચેંડા કરવામાં આવી રહ્યા હોવા અંગે માહિતી પ્રાપ્ત થતાં નગર પાલિકા દ્વારા દરોડો પાડવામાં આવ્યો હતો.

અધિકારીઓએ દરોડો પાડતાં જોયું કે, રેસ્ટોરન્ટના વૉશરૂમમાં સમોસા જેવા નાસ્તા અને ભોજન બનાવવામાં આવી રહ્યા હતાં. તદ્ ઉપરાંત, અધિકારીઓએ જોયું કે, રેસ્ટોન્ટમાં માંસ અને પનીર જેવા ખાદ્ય પદાર્થોનો ઉપયોગ કરવામાં આવતો હતો. તેમાંથી કેટલોક તો બે વર્ષ જૂનો હતો. વંદા જેવા કીડાઓ અને ઉંદરો ત્યાં દોડાદોડ કરતાં હતાં.

અધિકારીઓએ રેસ્ટોરન્ટમાં કામ કરતાં નોકરોની તપાસ કરતાં તેઓની પાસે હેલ્થ કાર્ડ પણ નહોતું જેને પગલે તેઓ નિવાસ કાયદાનું ઉલ્લંઘન કરતાં હોવાની સ્પષ્ટ થયું હતું. છેલ્લાં 30 વર્ષોથી ધમધમતી રેસ્ટોરન્ટમાં ગ્રાહકોના સ્વાસ્થ્ય સાથે ગંભીર ચેડાં કરવામાં આવતાં હોવાનું જણાઈ આવતાં તાત્કાલિક તેને સીલ મારી બંધ કરી દેવામાં આવી હતી.

ગલ્ફ ન્યૂઝ પ્રમાણે, સાઉદી અરેબીયામાં આ અગાઉ પણ અસ્વચ્છ વાતાવરણમાં ભોજન બનાવતાં ગ્રાહકોના સ્વાસ્થ્ય સાથે ચેડાં કરતાં રેસ્ટોરન્ટને સીલ કરવામાં આવી હતી. જાન્યુઆરીમાં જેદ્દાહની પ્રસિદ્ધ શાવર્મા રેસ્ટોરન્ટને પણ સીલ મારવામાં આવ્યું હતું. ત્યાં પણ, રસોડામાં ઉંદરો જોવા મળ્યા હતાં. તેમજ ઉંદરો માસ ખાતા જોવા મળ્યા હતાં.

અસ્વસ્છ સ્થિતિમાં ભોજન તૈયાર કરતાં રેસ્ટોરન્ટના વિડીયો સોશિયલ મિડીયામાં પ્રસિદ્ધ કરવામાં આવતાં લોકોએ ખૂબ આકરી પ્રતિક્રિયાઓ આપી છે. અત્રે ઉલ્લેખનિય છે કે, તંત્ર દ્વારા કુલ 2833 જેટલી જગ્યાઓ પર નિરીક્ષણ કરવામાં આવ્યું છે. જેમાં 43 સ્થળોએ નિયમોનું ઉલ્લંઘન કરવામાં આવી રહ્યું હોવાનું સામે આવ્યું હતું. જે પૈકી 26 સ્થળોને તાત્કાલિક અસરથી સીલ કરી દેવામાં આવી હતી.

(આજનો Funrang જોક)

ચમન – યાર, મને થાય છે કે હું મોટો માણસ થઈ જાઉં…

અમન – મોટા માણસ થવું છે?  

ચમન – હા…

અમન – સારું, ઉંમરનું ખોટુ સર્ટિફિકેટ બનાવનાર શોધી કાઢું… 120 વર્ષનો જ બનાવી દઉં તને…

(દાંડિયા બજાર વિસ્તારમાં ઓફિસ ભાડે – વેચાણ)

દાંડીયાબજાર વિસ્તારમાં શ્રી સિદ્ધિ વિનાયક મંદિરની સામે આવેલાં શ્રી સિદ્ધિવિનાયક સ્ક્વેરના પહેલા માળે ઓફિસ ભાડે – વેચાણથી આપવાની છે. રસ ધરાવતાં શખ્સો સંપર્ક કરે – 91736 11111

(ધાર્મિક – સામાજીક કાર્યક્રમો અંગે જાણકારી આપો.)

9978918796 અથવા funrangnews@gmail. com પર મેઈલ કરો.    

(ફનરંગ ન્યૂઝના વોટ્સએપ ગ્રૂપમાં જોડાવા માટે નીચેની લિન્ક પર ક્લિક કરો)

https://chat.whatsapp.com/HudhfYxRO090FnzisUr3wz