🕺🏻 વર નશામાં નાચતો રહ્યો, જાનમાં આવેલા યુવાન સાથે કન્યાને પરણાવી દેવાઈ 🕺🏻

• 24 એપ્રિલના રોજ મહારાષ્ટ્રના બુલઢાણા જિલાના મલકાપુર પંગરા ગામમાં બનેલી ઘટના.
• મૂહુર્ત વિત્યા બાદ સાંજે 4 વાગ્યે જાન પહોંચી, અને નશામાં ધૂત્ત વરરાજા રાત્રે 8 વાગ્યા સુધી નાચ્યા કર્યો.
• કન્યાપક્ષે વરરાજા સહિત જાનમાં આવેલા યુવાનોને મારમાર્યો, ખવડાવ્યા વિના ભગાડ્યા.  

[Funrang Founder / Editor – Mr. Mehulkumar Vyas – 9978918796]

મહારાષ્ટ્ર । લગ્નપ્રસંગમાં નાચવાનો તો બધાંને જ શોખ હોય. પણ કહેવાય છે કે, અતિ બગાડી દે મતિ. નાચવાની અતિ ઘેલછામાં વરરાજાએ કન્યાનું દાન મેળવવાનો લ્હાવો ગુમાવવો પડ્યો હોવાનો કિસ્સો ગત તા. 24 એપ્રિલના રોજ મહારાષ્ટ્રમાં બનવા પામ્યો હતો. જોકે, જાનને લીલા તોરણે પાછી વાળી દેનાર કન્યાપક્ષે આખરે જાનમાં જ આવેલા વરના મિત્ર અથવા પરિચિત યુવક સાથે કન્યાના લગ્ન કરાવી, માંડવાનું અને મહેમાનોનું માન જાળવ્યું હતું.

આમ તો આ વાત કદાચ કોઈને સાચી ના લાગે, પરંતું મહારાષ્ટ્રના બુલઢાણા જિલ્લાના મલકાપુર પંગરા ગામમાં ગત તા.24 એપ્રિલના રોજ આ ઘટના ખરેખર બનવા પામી હતી. પ્રિયંકા નામની છોકરીના લગ્ન હતાં. કન્યાપક્ષ દ્વારા વરરાજાને પોંખવાની તમામ તૈયારી કરી દેવામાં આવી હતી. મંડપ સજાવાયો હતો, ડીજે વાગી રહ્યું હતું. અને વરરાજાને પોંખવાનું મુહૂર્ત સાચવવાનો હતું.

જોકે, મુહૂર્ત વિત્યા બાદ સાંજે 4 વાગ્યાના અરસામાં વરરાજા મંડપનાં દ્વારે આવી પહોંચ્યો હતો. દારૂ પીને ટાઈટ થઈ ગયેલા વરરાજાએ સાસુના હાથે નાંક ખેંચાવી પોંખાવાને બદલે પીધેલી હાલતમાં નાચવાનું વધારે મહત્વનું ગણ્યું હતું. વરરાજા અને તેના પીધેલા મિત્રો લગભગ રાત્રે 8 વાગ્યા સુધી નાચ્યા જ કર્યા.

વરરાજા મંડપમાં આવતો ના હોવાથી કન્યાના પિતાએ આ અંગે પુછપરછ કરતાં નશામાં ધૂત વરપક્ષના લોકોએ મારપીટ કરવાનું શરૂ કર્યું જેના કારણે ઉશ્કેરાયેલા કન્યાપક્ષ દ્વારા વરરાજા સહિતના યુવાનોની ભરપેટ ધોલાઈ કરવામાં આવી અને એમને ખાધા વગર જ ત્યાંથી ભગાડી મુકવામાં આવ્યા હતાં.

જાન મંડપ સુધી આવી પહોંચી હતી અને એમાં નશેબાજ વરને કારણે માથાકૂટ સર્જાતા વરના પિતા અને કન્યાના પિતા આખો મામલો પંચાયત સુધી લઈ ગયા હતાં. પંચાયતમાં એવા નિર્ણય પર સૌ સંમત થયા કે કન્યાના લગ્ન તો આજે થશે જ પરંતુ બીજા કોઈ યુવાન સાથે.

પંચાયતનો નિર્ણય થયા બાદ તમામ લોકો યોગ્ય મુરતિયાની શોધખોળમાં લાગી ગયા. એમાં કન્યાના પિતાને જાનમાં આવેલો એક યુવાન પસંદ પડી ગયો. તેમણે એ યુવકને આજીજી કરી અને યુવક માની ગયો. ખાસ વાત તો એ હતી કે, એ યુવક વરનો મિત્ર તો હતો જ સાથે તે કન્યાનો પણ મિત્ર હતો.

પ્રિયંકાને પોતાના મિત્ર સાથે લગ્ન થવાથી આનંદ થયો સાથે એને લાગ્યું કે સારું થયું કે લગ્ન પહેલા જ ખબર પડી ગઈ કે પરણવા આવેલો પીવાનો આટલો બધો શોખિન છે. એ નાચી રહ્યો હતો અને હું કલાકો સુધી વરમાળા પકડીને ઉભી રહી હતી. જાનમાં એણે જે કર્યું એ આખા પરીવારે જોયું અને બધાં દુઃખી થઈ ગયા હતાં. સારું થયું કે સત્ય વાત પહેલાં જ સામે આવી ગઈ. આખરે મનપસંદ યુવક સાથે પ્રિયંકાના લગ્ન કરી દેવામાં આવ્યા.

અત્રે ઉલ્લેખનિય છે કે, લીલા તોરણે ભગાડી મૂકવામાં આવેલા વરે પણ બીજા જ દિવસે ધામધૂમથી બીજી છોકરી સાથે લગ્ન કરી લીધા. જોકે, એ વખતે એણે નાચવા કરતાં લગ્ન કરવામાં વધારે ધ્યાન આપ્યું હતું. એનું માનવું છે કે, જોડી તો ભગવાન બનાવે છે કોણ કોની સાથે પરણશે એ તો ઇશ્વર જ નક્કી કરે છે.

(આજનો Funrang જોક)

ચમન – યાર, મને થાય છે કે હું મોટો માણસ થઈ જાઉં…

અમન – મોટા માણસ થવું છે?  

ચમન – હા…

અમન – સારું, ઉંમરનું ખોટુ સર્ટિફિકેટ બનાવનાર શોધી કાઢું… 120 વર્ષનો જ બનાવી દઉં તને…

(દાંડિયા બજાર વિસ્તારમાં ઓફિસ ભાડે – વેચાણ)

દાંડીયાબજાર વિસ્તારમાં શ્રી સિદ્ધિ વિનાયક મંદિરની સામે આવેલાં શ્રી સિદ્ધિવિનાયક સ્ક્વેરના પહેલા માળે ઓફિસ ભાડે – વેચાણથી આપવાની છે. રસ ધરાવતાં શખ્સો સંપર્ક કરે – 91736 11111

(ધાર્મિક – સામાજીક કાર્યક્રમો અંગે જાણકારી આપો.)

9978918796 અથવા funrangnews@gmail. com પર મેઈલ કરો.    

(ફનરંગ ન્યૂઝના વોટ્સએપ ગ્રૂપમાં જોડાવા માટે નીચેની લિન્ક પર ક્લિક કરો)

https://chat.whatsapp.com/HudhfYxRO090FnzisUr3wz