💝 એક મંડપમાં એક વરરાજાએ કર્યા ત્રણ કન્યાઓ સાથે લગ્ન… 💝

• મધ્યપ્રદેશના આલીરાજપુરના નાનપુરા ગામમાં યોજાયો અનોખો લગ્નોત્સવ.
• પૂર્વ સરપંચ સમરથ મૌર્યએ ત્રણ કન્યાઓ સાથે લગ્ન યોજવા અંગે કંકોતરી પણ છપાવી હતી.
• 15 વર્ષોથી લીવ-ઇન રિલેશનશિપમાં રહ્યા બાદ ત્રણેય પ્રેમિકાઓ સાથે સાગમટે લગ્ન કર્યા.
• આદિવાસી સમાજના રીતિ – રિવાજ અનુસાર આ લગ્ન કાયદેસર ગણવામાં આવે છે.  

[Funrang Founder / Editor – Mr.  Mehulkumar Vyas – 9978918796]

ફનફાડો । ગત તા. 30 એપ્રિલના રોજ મધ્યપ્રદેશના આલીરાજપુર મેં એક અનોખો લગ્નોત્સવ યોજાયો હતો. જેમાં એક જ મંડપમાં એક વરરાજાએ ત્રણ કન્યાઓ સાથે પ્રભુતાના પગલાં માંડ્યા હતાં. અત્રે ઉલ્લેખનિય છે કે, ભારતીય બંધારણની કલમ 342 અનુસાર આદિવાસી રીતિ – રિવાજ અને વિશિષ્ટ સામાજીક પરંપરાઓને સંરક્ષણ પ્રાપ્ત થાય છે. જેને પગલે આલીરાજપુરના નાનપુર ગામ ખાતે યોજાયેલા લગ્નોત્સવ કાયદેસરના ગણવામાં આવ્યાં છે.

છેલ્લાં કેટલાંક વર્ષોથી લીવ-ઇન રિલેશનશિપની વાતો સાંભળવા મળે છે પરંતુ, આદિવાસી સમાજમાં તો આ પરંપરા ઘણી જૂની છે. આદિવાસી સમાજની પરંપરા અનુસાર, કોઈ સ્ત્રી અને પુરુષ પોતાની મરજીએ સાથે રહી શકે છે. અને જો નાણાંકીય સગવડ ના હોય તો, બાદમાં લગ્ન કરી શકે છે. જોકે, લગ્ન બાદ જ તેઓને સામાજીક સ્તરે માન્યતા પ્રાપ્ત થાય છે. લગ્ન ના થાય ત્યાં સુધી તેઓ પરિવારના માંગલિક કાર્યોમાં તેઓને પતિ – પત્ની તરીકે સ્વિકારવામાં આવતાં નથી.

આલીરાજપુરના નાનપુર ગામનાં પૂર્વ સરપંચ સમરથ મોર્ય છેલ્લાં 15 વર્ષોથી પોતાની ત્રણ પ્રેમિકાઓ સાથે રહેતાં હતાં. 35 વર્ષિય સમરથ મોર્યની પહેલી પત્ની 33 વર્ષિય નાનબાઈ છે, જેના થકી તેઓને 3 દિકરી અને 1 દિકરો પ્રાપ્ત થયો છે. જ્યારે બીજી પત્ની 29 વર્ષિય મેલાબાઈ થકી 1 દિકરો અને ત્રીજી પત્ની 28 વર્ષિય સકરીબાઈ થકી 1 દિકરો પ્રાપ્ત થયો છે. એકંદરે, સમરથ મોર્યને ત્રણ પત્નીઓ થકી ત્રણ દિકરીઓ અને ત્રણ દિકરા પ્રાપ્ત થયાં છે.

આદિવાસી ભિલાલા સમાજમાં લિવ ઇનમાં રહેવું અને બાળકો પેદા કરવાની છૂટ હોય છે, પરંતુ લગ્ન વગર પરિવારના કોઈ પણ સભ્યને માંગલિક કાર્યોમાં હાજર રહેવાની છૂટ હોતી નથી. જેને કારણે સમરથે પોતાની ત્રણ પ્રેમિકાઓ સાથે લગ્ન કર્યા. ગત તા. 30ના રોજ સમરથે ત્રણેય પ્રેમિકાઓ સાથે સપ્તપદીના સાત ફેરા ફર્યા હતાં. લગ્ન પ્રસંગમાં તેઓના છ સંતાનો ઉપરાંત મોટી સંખ્યામાં સમાજના લોકો એકઠાં થયાં હતાં.

(જાણો તા. 2 થી 8 મે 2022નું સાપ્તાહિક દિન વિશેષ)

(આજનો Funrang જોક)

(ચમન ઝોંકા ખાઈ રહ્યો હતો)

અમન – અરે યાર, ચાલ કુતુબ મિનાર દિલ્હી જઈએ..

ચમન – (ઝોંકા ખાતા) હંઅઅ… ઓકે..

અમન – (એને ઢંઢોળીને) મેં શું કીધું?

ચમન – (ઝબકીને) કૂતરું બિમાર જોવા દિલ્હી જઈએ…

(દાંડિયા બજાર વિસ્તારમાં ઓફિસ ભાડે – વેચાણ)

દાંડીયાબજાર વિસ્તારમાં શ્રી સિદ્ધિ વિનાયક મંદિરની સામે આવેલાં શ્રી સિદ્ધિવિનાયક સ્ક્વેરના પહેલા માળે ઓફિસ ભાડે – વેચાણથી આપવાની છે. રસ ધરાવતાં શખ્સો સંપર્ક કરે – 91736 11111

(ધાર્મિક – સામાજીક કાર્યક્રમો અંગે જાણકારી આપો. )

9978918796 અથવા funrangnews@gmail.com પર મેઈલ કરો.     

(ફનરંગ ન્યૂઝના વોટ્સએપ ગ્રૂપમાં જોડાવા માટે નીચેની લિન્ક પર ક્લિક કરો)

https://chat. whatsapp. com/HudhfYxRO090FnzisUr3wz