👉🏻 સાધુ થવા કરતાં સીધા થવું સારું । હરિધામનો વિવાદ સમ્યો નથી, ત્યાં સંત ભારતીબાપુના ઉત્તરાધિકારી ગૂમ (જુઓ વિડીયો) 👈🏻

• સ્વામી હરિહરાનંદ રહસ્યમય સંજોગોમાં ગૂમ થવા અંગે પોલીસે તપાસ હાથ ધરી.

[Funrang Founder / Editor – Mr.  Mehulkumar Vyas – 9978918796]

વડોદરા । સંસારનો ભાર સહન નહીં કરી શકનારા સાધુ બનતાં હોય છે, પણ ભગવો ધારણ કર્યા બાદ પણ નગદ નારાયણનો મોહ છુટતો નથી અને એટલે જ કેટલાંક સાધુઓ દ્વારા સાધુ સમાજને કલંકિત કરવાનું કૃત્ય કરવામાં આવતું હોય છે. હરિધામ સોખડાનો વિવાદ હજી સમ્યો નથી ત્યાં સંત ભારતીબાપુના ઉત્તરાધિકારી હરિહરાનંદ સ્વામી ગૂમ થયાં હોવાની ઘટના સામે આવી છે. એના મૂળમાં પણ સંપત્તિ કારણભૂત હોવાનું કહેવામાં આવી રહ્યું છે ત્યારે એમ કહેવું સ્હેજેય ખોટું નથી કે, સંસાર ત્યજીને સાધુ થવા કરતાં સંસારમાં રહી સીધા થવું સારું.

કોઈપણ જાતની મહેનત કર્યા વગર – પરસેવો પાડ્યા વગર, લોકોને મીઠી મીઠી વાતો કરીને, ખોટા વાયદાઓ કરીને કમાણી કરવી હોય તો, સાધુ બનવું જોઈએ અથવા તો રાજકારણી બનવું જોઈએ. પ્રભુ સેવા કે જન સેવાના નામે મેવા ખાવાનો શિરસ્તો ચાલતો આવ્યો છે. ભારતીય સનાતન ધર્મને લજવનારા ધુતારાઓનું મોટું ઝૂંડ છે.

જાણીતા સંત ભારતીબાપુના ઉત્તરાધિકારી હરિહરાનંદ સ્વામી રહસ્યમય સંજોગોમાં ગૂમ થઈ ગયા છે અને આ અંગે વડોદરા શહેરના વાડી પોલીસ મથકે ફરિયાદ નોંધાવવામાં આવી છે. ભારતીબાપુના જૂનાગઢ, સરખેજ અને ગોરા (નર્મદા) આશ્રમની સંપત્તિના કથિત વિવાદમાં તેઓ ગૂમ થયા હોવાનું કહેવામાં આવી રહ્યું છે.

હરિહરાનંદ સ્વામીએ લખેલી ચીઠ્ઠી અને વિડીયો હાલ વાઈરલ થઈ રહ્યો છે. જેમાં ભારતીબાપુ બ્રહ્મલીન થયા બાદ સંપત્તિનો વિવાદ સર્જાયો છે. વાઈરલ વિડીયોમાં હરિહરાનંદ સ્વામીએ દાવો કર્યો છે કે, ભારતીબાપુના બ્રહ્મલીન થયા બાદ બોગસ વિલ કેટલાંક તત્વો દ્વારા તૈયાર કરવામાં આવ્યું છે. અને યેનકેન પ્રકારે કેટલાંક લોકો તેમના પર કાદવ ઉછાળી રહ્યા છે. વિવાદથી કંટાળીને હરિહરાનંદે કહ્યું કે, હું બધું છોડીને નિકળી જઉં છું. આ મામલે વડોદરા શહેરના વાડી પોલીસ મથકે ફરિયાદ નોંધાવવામાં આવી છે.

બનાવ અંગે ડીસીપી જસપાલ જગનીયાએ મિડીયાને જણાવ્યું હતું કે, નર્મદાના ભારતી આશ્રમના સ્વામી હરિહરાનંદ ગઈકાલે રાત્રે 9 વાગ્યે કપૂરાઈ ચોકડી પાસે ગૂમ થયેલા હતાં. આ અંગે તપાસ હાથ ધરવામાં આવી છે.

(આજનો Funrang જોક)

(ચમન ઝોંકા ખાઈ રહ્યો હતો)

અમન – અરે યાર, ચાલ કુતુબ મિનાર દિલ્હી જઈએ..

ચમન – (ઝોંકા ખાતા) હંઅઅ… ઓકે..

અમન – (એને ઢંઢોળીને) મેં શું કીધું?

ચમન – (ઝબકીને) કૂતરું બિમાર જોવા દિલ્હી જઈએ…

(દાંડિયા બજાર વિસ્તારમાં ઓફિસ ભાડે – વેચાણ)

દાંડીયાબજાર વિસ્તારમાં શ્રી સિદ્ધિ વિનાયક મંદિરની સામે આવેલાં શ્રી સિદ્ધિવિનાયક સ્ક્વેરના પહેલા માળે ઓફિસ ભાડે – વેચાણથી આપવાની છે. રસ ધરાવતાં શખ્સો સંપર્ક કરે – 91736 11111

(ધાર્મિક – સામાજીક કાર્યક્રમો અંગે જાણકારી આપો. )

9978918796 અથવા funrangnews@gmail.com પર મેઈલ કરો.     

(ફનરંગ ન્યૂઝના વોટ્સએપ ગ્રૂપમાં જોડાવા માટે નીચેની લિન્ક પર ક્લિક કરો)

https://chat. whatsapp. com/HudhfYxRO090FnzisUr3wz