🧸 લગ્નમાં મળેલી ભેટ જોવા જતાં થયો ધડાકો, વરરાજા અને એના ભત્રીજાને પહોંચી ગંભીર ઈજા 🧸

• નવસારીના વાંસદા તાલુકાના મિંઢાબારી ગામમાં બનેલો બનાવ.
• કન્યાની મોટી બહેનના પૂર્વ પ્રેમીએ આશા વર્કર મારફતે ટેડીબેર જેવી ઇલેક્ટ્રિક ભેટ મોકલી હોવાની આશંકા.
• વરરાજાની આંખ અને ડાબા હાથનું કાંડુ તૂટ્યું, ભત્રીજાને કપાળમાં ફ્રેક્ચર.

[Funrang Founder / Editor – Mr.  Mehulkumar Vyas – 9978918796]

નવસારી । આજરોજ વાંસદાના મિંઢાબારી ગામે લગ્ન પ્રસંગમાં મળેલી ટેડીબેર જેવી ઇલેક્ટ્રિક ભેટમાં પ્રચંડ ધડાકો થતાં વરરાજા અને એના ભત્રીજાને ગંભીર ઈજાઓ પહોંચી હોવાનો ચકચારી બનાવ બન્યો હતો. ભેટની આડમાં વિસ્ફોટક પદાર્થ મોકલવામાં કન્યાની મોટી બહેનનો પૂર્વ પ્રેમી જવાબદાર હોવાની આશંકા સેવાઈ રહી છે.

મિંઢાબારી ગામના લતેશ ગાવિતના લગ્ન ગત તા. 12 મે ના રોજ યોજાયા હતાં. લગ્ન પ્રસંગે મળેલી ભેટ – સોગાદ આજે સવારે લતેશ જોવા બેઠો હતો. તેની સાથે તેની પત્ની અને ત્રણ વર્ષના ભત્રીજા જિયાંશ પણ હતાં. દરમિયાનમાં ટેડિબેર જેવી ઇલેક્ટ્રિક ભેટ જોવા મળી હતી. ભેટને ચાલુ કરવા માટે લતેશે વાયર સોકેટમાં નાંખી સ્વિચ ચાલુ કરતાં જ ધડાકો થયો હતો.

ધડાકો થતાં લતેશની આંખ અને કાંડુ ઘરે જ તૂટ્યું હતું. જ્યારે તેના ભત્રીજા જિયાંશને કપાળમાં ફ્રેક્ચર થયું હતું. તેઓને તાત્કાલિક સારવાર માટે ખાનગી હોસ્પિટલમાં ખસેડવામાં આવ્યા હતાં. ધડાકાને કારણે લતેશ ગાવિતની આંખમાં 100 ટકા નુકશાન પહોંચ્યુ હોવાની તબીબોએ આશંકા વ્યક્ત કરી હતી.

ધડાકાની ઘટનાને પગલે પરિવારજનોએ લતેશની પત્નીની મોટી બહેનના પૂર્વ પ્રેમી રાજુ ધનસુખ પટેલ પર આશંકા વ્યક્ત કરી હતી. કન્યાની મોટી બહેને પ્રેમ સંબંધ કાપી નાંખ્યા હોવાને કારણે રાજુ પટેલે આશા વર્કર આરતી પટેલ દ્વારા ટેડીબેર જેવી ઇલેક્ટ્રિક ભેટ મોકલાવી હતી. બનાવ અંગે વાંસદા પોલીસે જાણવાજોગ ફરિયાદ દાખલ કરી વધુ તપાસ હાથ ધરી છે. એફએસએલ દ્વારા પણ ધડાકા અંગે તપાસ હાથ ધરાઈ છે.

(દાંડિયા બજાર વિસ્તારમાં ઓફિસ ભાડે – વેચાણ)

દાંડીયાબજાર વિસ્તારમાં શ્રી સિદ્ધિ વિનાયક મંદિરની સામે આવેલાં શ્રી સિદ્ધિવિનાયક સ્ક્વેરના પહેલા માળે ઓફિસ ભાડે – વેચાણથી આપવાની છે. રસ ધરાવતાં શખ્સો સંપર્ક કરે – 91736 11111

(ધાર્મિક – સામાજીક કાર્યક્રમો અંગે જાણકારી આપો. )

9978918796 અથવા funrangnews@gmail.com પર મેઈલ કરો.

(ફનરંગ ન્યૂઝના વોટ્સએપ ગ્રૂપમાં જોડાવા માટે નીચેની લિન્ક પર ક્લિક કરો)

https://chat. whatsapp. com/HudhfYxRO090FnzisUr3wz