🎥 ભૂલભૂલૈયા-૨: ભૂત ‘હસે’ ભેંકાર! Movie Review by Parakh Bhatt 🎥

કેમ જોવી?: કાર્તિક આર્યન માટે!

કેમ ન જોવી?: તર્કવિહોણી વાર્તાઓ જોવા ટેવાયેલાં ન હો તો!

[Funrang Founder / Editor – Mr.  Mehulkumar Vyas – 9978918796]

પરખ ભટ્ટ । સાચું કહું તો ધક-ધક થતું હતું આ અઠવાડિયે! કાર્તિક આર્યને બહુ મોટો જુગાર રમી નાંખ્યો હતો, એમ કહીએ તો ખોટું નથી. ૧૫ વર્ષ પહેલાંની સુપરહિટ હૉરર-કૉમેડી ‘ભૂલભૂલૈયા’, જેમાં અક્ષય કુમાર અને વિદ્યા બાલનના પર્ફોમન્સના વખાણ કરતાં આજે પણ પ્રેક્ષકો થાકતાં નથી, એની જ સિક્વલમાં મુખ્ય ભૂમિકા ભજવવાની જવાબદારી ખભા પર ઉપાડવાનું જોખમ લેવું એ કંઈ નાની વાત નથી! એકાદ અઠવાડિયા પહેલાંથી જ મીડિયામાં ગાજી રહ્યું હતું કે ‘ભૂલભૂલૈયા-૨’ના એડવાન્સ બૂકિંગ ચપોચપ થઈ રહ્યા છે, લોકો આંધળો ભરોસો મૂકીને ફિલ્મની ટિકિટ્સ બૂક કરી રહ્યા છે! અને ખરેખર, શુક્રવાર જેવા આડા દિવસે થિયેટર હાઉસફૂલ થયેલાં જોઈને ખ્યાલ આવી ગયો કે કાર્તિક આર્યન ઉપર પ્રેક્ષકો કેટલો બધો વિશ્વાસ કરી રહ્યા છે! ખેર, મૂળ મુદ્દોએ છે કે ‘ભૂલભૂલૈયા-૨’એ રંગ રાખી દીધો.

વાર્તાનું હાર્દ એ જ કે, રૂહ બાબા (કાર્તિક આર્યન)ના જીવનમાં રીત ઠાકુર (કિયારા અડવાણી)નો પ્રવેશ થાય છે. એક પછી એક અજીબોગરીબ ઘટનાઓ બનતી જાય છે! હવેલીના અન્ય પાત્રો જેમકે, છોટે પંડિત (રાજપાલ યાદવ), ઉદય ઠાકુર (અમર ઉપાધ્યાય), બડે પંડિત (સંજય મિશ્રા), તાંત્રિક બાબા (ગોવિંદ નામદેવ) વગેરે અંજુલિકા/મંજુલિકા (તબ્બુ) સાથે જોડાયેલાં ભૂતિયા તાણાવાણાં સાથે જોડાયેલાં છે!

‘ભૂલભૂલૈયા-૨’ની કૉલર-ટ્યૂન ફરી એક વખત ચલણમાં છે. પાછલાં કેટલાય સપ્તાહોથી તેનું ગીત અને કાર્તિક આર્યનનો હૂક-સ્ટેપ ઇન્સ્ટાગ્રામ સહિત તમામ સોશિયલ મીડિયા પ્લેટફૉર્મ પર વાયરલ થઈ ચૂક્યો છે. ખરું પૂછો તો આ ધૂનને પણ ફિલ્મની સફળતા પાછળનું એક પરિબળ ગણી શકાય, એમાં શંકાને કોઈ સ્થાન નથી. તો શું કાર્તિક આર્યન પોતાના સીનિયર કહી શકાય એવા અક્ષય કુમારને રિપ્લેસ કરવામાં સંપૂર્ણપણે સફળ રહ્યો? જવાબ છે, હા! તેના મસ્તીખોર એટિટ્યૂડ, લાજવાબ એક્ટિંગ અને ઊર્જાથી ભરપૂર પર્ફોમન્સને લીધે અક્ષય કુમારની યાદ નહીવત્ આવે છે! બીજી બાજુ, વિદ્યા બાલનને મંજુલિકા તરીકે ભૂલાવવી શક્ય નથી. આજે પણ તેનું પર્ફોમન્સ જોઈને રૂંવાડા ઊભા થઈ જતાં હોય તો પછી બાપડી કિયારાના પર્ફોમન્સની તો વાત ક્યાં કરવી!? પણ હા, એટલું ખરું કે કિયારાએ રાબેતા મુજબ પોતાના તરફથી સારામાં સારો અભિનય કરવાની કોશિશ કરી છે. કાર્તિક આર્યન અને કિયારા અડવાણીની જોડી હવે ‘હૉટ બોલિવૂડ કપલ’માં સ્થાન પામે તો નવાઈ નહીં! આકાશ કૌશિકની વાર્તામાં થોડોઘણી ખામી કાઢી શકાય છે, પરંતુ મગજ ઘરે મૂકીને આવ્યા હોય તો કશો વાંધો નહીં આવે એની હું ખાતરી આપું છું. સ્ક્રીનપ્લે અદ્ભુત લખાયો છે. અનીસ બઝમીના દિગ્દર્શનને લીધે ‘ભૂલભૂલૈયા-૨’ નીખરી શકી છે, એ પણ નિર્વિવાદ હકીકત છે. પ્રીતમ અને તનિશ્ક બાગ્ચીના સંગીતને કારણે આખી ફિલ્મ મગજમાં ગણગણવાનું મન થાય એટલી પ્રભાવક બની શકી છે!

ફિલ્મ લાંબી લાગી શકે અને તર્કહીન પણ જણાઈ શકે, પરંતુ ફક્ત મનોરંજન અને હાસ્યરસ માણવા જતાં પ્રેક્ષકો માટે વન-ટાઇમ વૉચ તો છે જ! ગુજરાતી મૂળની કહેવત ‘ભૂત રૂંવે ભેકાર’માં સહેજ બદલાવ લાવીને ‘ભૂત હસે ભેંકાર’ કહેવાનું મન થાય એટલી સરસ છે ‘ભૂલભૂલૈયા-૨’!

bhattparakh@yahoo.com

ક્લાયમેક્સ: કંગના રણૌત અભિનિત ‘ધાકડ’ પણ ગઈકાલે જ રીલિઝ થઈ છે. જોવાનું એ રહ્યું કે કંગના અને કાર્તિક બંનેમાંથી કોણ બૉક્સ-ઑફિસ પર ટંકશાળ પાડે છે?

(દાંડિયા બજાર વિસ્તારમાં ઓફિસ ભાડે – વેચાણ)

દાંડીયાબજાર વિસ્તારમાં શ્રી સિદ્ધિ વિનાયક મંદિરની સામે આવેલાં શ્રી સિદ્ધિવિનાયક સ્ક્વેરના પહેલા માળે ઓફિસ ભાડે – વેચાણથી આપવાની છે. રસ ધરાવતાં શખ્સો સંપર્ક કરે – 91736 11111

(ધાર્મિક – સામાજીક કાર્યક્રમો અંગે જાણકારી આપો. )

9978918796 અથવા funrangnews@gmail.com પર મેઈલ કરો.

(ફનરંગ ન્યૂઝના વોટ્સએપ ગ્રૂપમાં જોડાવા માટે નીચેની લિન્ક પર ક્લિક કરો)

https://chat. whatsapp. com/HudhfYxRO090FnzisUr3wz