- વીક એન્ડ કા વારમાં સલમાનખાન માથાફરેલાં પ્રતિકની શાન ઠેકાણે લાવશે કે કેમ?
- પ્રતિકની તોડફોડને લીધે જ જંગલમાં રહેતા તમામ સદસ્યો ઘરથી બહાર જવા નોમીનેટ થયા હતાં
funrang. જંગલ થીમ આધારીત બિગ બોસ 15માં પ્રતિક સહજપાલની જંગલીયતથી ઘરના સદસ્યો હેરાન પરેશાન થઈ રહ્યાં છે. તાજેતરમાં જ પ્રતિકે કરેલી તોડફોડને કારણે જંગલમાં રહેતા તમામ સદસ્યોને ઘરની બહાર જવા માટે નોમીનેટ કરવામાં આવ્યા હતાં. જેને પગલે ઘરમાં ભારે વિરોધ સર્જાયો હતો. તીવી જ રીતે પ્રતિક સહજપાલે છોકરી બાથરૂમમાં નહાતી હતી ત્યારે લોક તોડવાનો પ્રયાસ કરીને પોતાના માટે વધુ એક ઉપાધી ઉભી કરી છે. અત્રે ઉલ્લેખનિય છે કે, શનિવારે વિક એન્ડ કા વારમાં સલમાન ખાન પ્રતિક સહજપાલનો ક્લાસ લગાવશે કે નહીં? તે અંગે ચાહકોમાં તર્ક વિતર્ક શરૂ થયાં છે.
આગામી એપિસોડમાં ગાર્ડન એરિયામાં બનેલા બાથરૂમનું લોક તોડવાનો પ્રતિક પ્રયાસ કરે છે. એ વખતે બાથરૂમમાં વિધી પંડ્યા નહાતી હોય છે. પ્રતિકની હરકતથી હેરાન થઈ ગયેલી વિધી બાદમાં અન્ય સભ્યોને આ અંગે ફરિયાદ કરે છે. જેને પગલે ઘરમાં પ્રતિકનો ભારે વિરોધ થાય છે. આગામી એપિસોડમાં પ્રતિકના વિરોધમાં બાકીના તમામ સભ્યો ઉભેલાં જોવા મળશે.
પ્રતિક જાણે સારા અને ખરાબ વ્યવહાર વચ્ચેનું અંતર સાવ ભુલી ગયો હોય એવી રીતે વર્તી રહ્યો છે. તેજસ્વીનું કહેવું હતું કે, પ્રતીકની દાનત ભલે ખરાબ ના હોય, પરંતુ તેણે જે કર્યું એ યોગ્ય નથી. આવી બાબતો કોઈપણ યુવતી માટે ડરામણી હોય છે.
પ્રતિક પોતાનો લૂલો બચાવ કરતાં કહેતો હતો કે, મને કોઈ ફેર નથી પડતો કે બાથરૂમમાં કોઈ હતું કે નહીં. આ વાત પર છંછેડાયેલા કરણ કુંદ્રાએ ઉગ્ર થતાં કહ્યું હતું કે, આવું કોઈપણ યુવતી સાથે કરવાની જરૂર નથી.
મૂળ ગુજરાતી વિધી પંડ્યા એક દૂજે કે વાસ્તે-1, ઉડાન, બાલીકા વધુ જેવી સિરીયલમાં જોવા મળી હતી. તો ટીવી એક્ટર, મોડલ એથ્લીટ અને ફિટનસ ટ્રેનર બિગ બોસ ઓટીટીમાં જોવા મળ્યો હતો.
#Entertainment #Funrangnews