🐄 ગાય અને ઘેટાં ઓડકાર ખાય તો પાલકને દંડ ફટકારવા ન્યૂઝીલેન્ડનો પ્રસ્તાવ 🐄

• વર્ષ 2025માં પ્રસ્તાવનો અમલ કરવાની વિચારણા.
• ગાય – ઘેટાંનાં ઓડકારનો ગેસ ઘટાડવા પશુપાલકોને જાણકારી અપાશે.

[Funrang Founder / Editor – Mr.  Mehulkumar Vyas – 9978918796]

ન્યૂઝીલેન્ડ । ન્યૂઝીલેન્ડની સરકારે ગાય અને ઘેટાં ઓડકાર ખાય તો પશુપાલકને દંડ ફટકારવા અંગેનો પ્રસ્તાવ કર્યો છે. હાલ તો આ તબક્કે માત્ર દરખાસ્ત છે પરંતુ, સરકાર અનુસાર વર્ષ 2025માં આનો અમલ થઈ શકે છે.

અંદાજે 50 લાખની વસ્તી ધરાવતાં ન્યૂઝિલેન્ડમાં 1 કરોડથી વધુ ગાય છે અને અઢી કરોડથી વધુ ઘેટા છે. સંશોધન અનુસાર ગાય – ઘેટાં ઓડકાર ખાય છે ત્યારે ગ્રીનહાઉસ ગેસ મિથેન નિકળતો હોય છે. મિથેન ગેસને કારણે પર્યાવરણને નુકસાન પહોંચે છે.

સંશોધક એરમીયાસ કેબરીબ અનુસાર, ગાય કંઈપણ આરોગે એટલે એ એના જઠરના પહેલાં ભાગમાં પડ્યો રહે છે. અને આહારનું પ્રમાણ વધી જાય ત્યારે મિથેન ગેસ બનવાનું શરૂ થાય છે. અને ઓડકાર વાટે એ મિથેન ગેસને બહાર કાઢે છે. આવા સંજોગોમાં ગાય – ઘેટાંને ચોક્કસ પ્રકારનો આહાર આપવામાં આવે તે જરૂરી છે. આહાર બદલીને પશુપાલકો મિથેન ગેસનું પ્રમાણ ઘટાડી શકે તેમ છે.

એક સંશોધન અનુસાર, ન્યૂઝીલેન્ડની હવામાં ભળતાં કુલ મિથેન ગેસના 97 ટકા માત્ર ગાયને કારણે જ આવતો હોય છે. તેથી એના પર અંકુશ લાવવાના આશય સાથે પશુપાલકોને દંડ ફટકારવા અંગેની દરખાસ્ત કરાઈ છે. સરકાર દ્વારા પશુપાલકોને ગેસ ઘટાડવા અંગે માર્ગદર્શન અને પ્રોત્સાહન પુરું પાડવામાં આવનાર છે.

 (દાંડિયા બજાર વિસ્તારમાં ઓફિસ ભાડે – વેચાણ)

દાંડીયાબજાર વિસ્તારમાં શ્રી સિદ્ધિ વિનાયક મંદિરની સામે આવેલાં શ્રી સિદ્ધિવિનાયક સ્ક્વેરના પહેલા માળે ઓફિસ ભાડે – વેચાણથી આપવાની છે. રસ ધરાવતાં શખ્સો સંપર્ક કરે – 91736 11111

(ધાર્મિક – સામાજીક કાર્યક્રમો અંગે જાણકારી આપો. )

9978918796 અથવા funrangnews@gmail.com પર મેઈલ કરો.

(ફનરંગ ન્યૂઝના વોટ્સએપ ગ્રૂપમાં જોડાવા માટે નીચેની લિન્ક પર ક્લિક કરો)

https://chat. whatsapp. com/HudhfYxRO090FnzisUr3wz