નવરાત્રિમાં વક્રિ શનિ ચાલશે માર્ગી ચાલ, જાણો કઈ રાશિઓને તકલીફ કહેશે ટાટા બાય બાય

• તા. 11 ઓક્ટોબરના રોજ ન્યાયના દેવતા શનિ મહારાજ ચાલ બદલશે.

funrang. નવરાત્રિની રમઝટ જામ રહી છે ત્યારે આ વર્ષ નવરાત્રિ દરમિયાન જ ન્યાયના દેવતા શનિ મહારાજ મકર રાશિમાં વક્રીમાંથી માર્ગી થઈ રહ્યાં છે. તા. 11 ઓક્ટોબરના રોજ શનિ માર્ગી થઈ રહ્યાં છે. શનિની ચાલ બદવાને કારણે નવરાત્રિમાં શુભ સંયોગ બની રહ્યાં છે, જેના કારણે કેટલીક રાશિઓને લાભ પ્રાપ્ત થઈ શકે છે. ઉલ્લેખનિય છે કે, વક્રીમાંથી શનિ માર્ગી થાય એ બાબતને જ્યોતિષીય દ્રષ્ટિએ ખૂબ શુભ માનવામાં આવે છે. નવરાત્રિના મધ્યમાં શનિની ચાલ બદલાવાને કારણે કેટલીક રાશિઓને આર્થિક, શારીરિક અને સામાજીક સ્તરે સારા પરિણામો પ્રાપ્ત થઈ શકે છે.

આવો જોઈએ શનિ મહારાજની સીધી ચાલ કઈ કઈ રાશિઓની તકલીફોને ટાટા બાય બાય કરશે.

વૃષભ

શનિ મહારાજની માર્ગી ચાલ આપના માટે ફાયદાકારક રહેશે. આ સમયમાં કાર્યક્ષેત્ર સંબંધિત તમામ સમસ્યાઓ એક એક કરીને દૂર થાય તેમજ વિકાસની નવી તકો સર્જાય. માતા – પિતાનો સહયોગ મળવાને કારણે માનસિક દબાવ હળવો થાય. સામાજીક સ્તરે માન – સન્માન પ્રાપ્ત થાય. પરિવારજનો સાથેના સંબંધમાં સુધારો આવે. દેવામાંથી મુક્તિ પ્રાપ્ત થાય. ભાગીદારીમાં સારો લાભ મળે. ઉત્સાહમાં વૃદ્ધિ થાય.

કર્ક

શનિ મહારાજની માર્ગી ચાલ આપના માટે અત્યંત શુભ ગણી શકાય. પાછલા કેટલાક દિવસોથી હેરાન કરતી પર્સનલ અને પ્રોફેશનલ સમસ્યાઓ દૂર થાય. કોઈ મોટા અધિકારીનો કે વડીલનો સહયોગ મળે. રોજગારના ક્ષેત્રમાં પરિવર્તન ઇચ્છતા હોવ તો તક સર્જાય. પરિવારજનો સાથે પ્રેમ વધે, તેઓનો સહયોગ મળે.

કન્યા

શનિ મહારાજની સીધી ચાલ આપના માટે સુખદાયી રહેશે. નવા કાર્ય શરૂ કરવાની યોજના બનાવી શકો છો. શનિ મહારાજની કૃપાથી તમામ સમસ્યાઓનો અંત આવે અને જીવનમાં સુખ – શાંતિ અને સમૃદ્ધિમાં વધારો થાય. વિદ્યાર્થીઓ અભ્યાસમાં સારું પ્રદર્શન કરી શકે. નવું જ્ઞાન પ્રાપ્ત થાય તેમજ ઉચ્ચ શિક્ષાનો માર્ગ પ્રશસ્ત થાય. જીવનમાં આગળ વધવાના પ્રયાસમાં સફળ થાવ. નોકરીયાત જાતકોને આવકમાં વૃદ્ધિ થાય.

વૃશ્ચિક

શનિ મહારાજની માર્ગી ચાલ આપને શુભ પરિણામ આપશે. આર્થિક સ્થિતિ મજબૂત થાય અને જે યોજનાઓ પર કાર્ય કરતાં હોવ તેમાં સફળતા મળે. શત્રુઓથી મુક્તિ મળે તેમજ મુસીબતોનું સમાધાન પ્રાપ્ત થાય. પરિવારજનોનો સાથ મળવાથી મન પ્રસન્ન થાય. ભાગીદારીના કાર્યોમાં સ્થિરતા આવશે અને ધીરે – ધીરે કાર્ય લાભ પ્રાપ્તિ તરફ જાય. જીવનસાથી સાથે સંબંધ સુદ્રઢ થાય.

મકર

શનિની સીધી ચાલ આપને લાભ પ્રાપ્ત કરાવે. ભૂતકાળમાં અટકેલા કાર્યોમાં પુનઃ ગતિ આવે. કાર્યક્ષેત્રમાં સકારાત્મક બદલાવ જોવા મળે. આવકમાં વૃદ્ધિ થાય. ઘર કે વાહનની ખરીદીની ઇચ્છા પૂરી કરી શકો. રોકાણ માટે પણ યોગ્ય સમય. જીવનસાથી સાથેના સંબંધમાં સુધારો આવે – પ્રેમમાં વૃદ્ધિ થાય.

(ઉપરોક્ત માહિતી સંપૂર્ણ સત્ય અને સચોટ હોવાનો અમારો કોઈ દાવો નથી કરતાં. સચોટ જાણકારી પ્રાપ્ત કરવા માટે આ ક્ષેત્રના જાણકાર વિશેષજ્ઞની સલાહ અવશ્ય લેશો.)

#Jyotish #Funrangnews # Saturn #Retrograde #Capricorn