🌱 કાઉન્સિલર અમિત પટેલના કાર્યાલય ખાતે વૃક્ષ વિતરણ શરૂ 🌱

• દર વર્ષની જેમ આ વર્ષે પણ 2000 વૃક્ષોનું વિતરણ કરવામાં આવશે – અમિત પટેલ
• છેલ્લાં 5 વર્ષથી કોંગ્રેસી કાઉન્સિલર દ્વારા લોકોને વિનામૂલ્યે વૃક્ષોનું વિતરણ કરાય છે.

[Funrang Founder / Editor – Mr.  Mehulkumar Vyas – 9978918796]

મહેસાણા । શહેરમાં લીલોતરી વધે અને લોકોમાં વૃક્ષો પ્રત્યે જાગૃતિ આવે તેવા આશય સાથે છેલ્લાં પાંચ વર્ષથી કોંગ્રેસી કાઉન્સિલર અમિત પટેલ દ્વારા નિઃશુલ્ક વૃક્ષ વિતરણ કરવામાં આવે છે. જે અંતર્ગત આ વર્ષે પણ 2000 વૃક્ષોનું વિતરણ કરવાનું શરૂ કરી દેવામાં આવ્યું છે. અમિત પટેલના કાર્યાલય ખાતેથી લોકો વૃક્ષો મેળવી શકે છે.

કોંગ્રેસી કાઉન્સિલર અમિત પટેલે જણાવ્યું હતું કે, દર વર્ષની જેમ આ વર્ષે પણ ૨૦૦૦ વૃક્ષો વિસ્તારમાં વિતરણ કરવાનું કામ શરુ કરવામાં આવ્યું છે. જેમાં અલગ અલગ જાતના વૃક્ષો જેવાં કે સીતાફળ, જામફળ, જાંબુ, લીમડો, બોરસલી, પારીજાત, સપ્તપદી, ગુલમહોર, તુલસી, આસોપાલવ, મીઠો લીમડો  વગેરે વૃક્ષો આપવામાં આવે છે.

વધુમાં ઉમેર્યું હતું કે, અમારા  વિસ્તારમાં ચોમાસા દરમ્યાન વધુમાં વધુ લોકો દરેક સોસાયટીઓમાં વૃક્ષો વાવે એજ અભિગમ સાથે છેલ્લા પાંચ વર્ષથી વિસ્તારના લોકોને વૃક્ષો વિનામૂલ્યે આપવાનું કામ અમારા કાર્યાલયથી કરવામાં આવે છે. મારો ધ્યેય માત્ર વિસ્તારમાં વધુમાં વધુ વૃક્ષો લોકો વાવે અને વિસ્તાર હરિયાળો બને એજ લક્ષ સાથે કામ કરીએ છીએ.

(ધાર્મિક – સામાજીક કાર્યક્રમો અંગે જાણકારી આપો. )

9978918796 અથવા funrangnews@gmail.com પર મેઈલ કરો.

(ફનરંગ ન્યૂઝના વોટ્સએપ ગ્રૂપમાં જોડાવા માટે નીચેની લિન્ક પર ક્લિક કરો)

https://chat. whatsapp. com/HudhfYxRO090FnzisUr3wz