🐅 કૂતરાને ઝાડ નીચે સૂતેલો વાઘ ના દેખાયો, તેથી જ મોત દેખાઈ ગયું (જુઓ Viral Video) 🐅

• રણથંભોરમાં કિલિંગ મશીન તરીકે કુખ્યાત T120 વાઘે ગણતરીની સેકન્ડમાં કૂતરાને કોળીયો બનાવી દીધો.
• કિલિંગ મશીન તરીકે કુખ્યાત આ વાઘે દિપડા, રીંછ અને ઝરખના પણ શિકાર કર્યા છે.
• સોશિયલ મિડીયામાં કૂતરાની મૂર્ખામી પર મળી રહી છે જાત જાતની પ્રતિક્રિયાઓ.

[Funrang Founder / Editor – Mr.  Mehulkumar Vyas – 9978918796]

વાઈરલ વિડીયો । કહેવાય છે કે, જ્યારે કૂતરાનું મૃત્યુ નજીક આવે છે ત્યારે એ જંગલ તરફ જાય છે. એવી જ એક ઘટના વિડીયોમાં કેદ થવા પામી છે. રણથંભોરના જંગલમાં બેધ્યાન પણે ફરી રહેલા કૂતરાને ઝાડ નીચે સૂતેલા વાઘે ગણતરીની પળોમાં ફાડી ખાધો હતો. એકંદરે, કૂતરાને વાઘ ના દેખાયો એના કારણે એને મોત દેખાઈ ગયું એમ કહી શકાય.

વાઘ એવું પ્રાણી છે જેને ભલભલા જાનવરો રસ્તો આપી દેતા હોય છે. પરંતુ રણથંભોરનો એવો એક વિડીયો સોશિયલ મિડીયામાં વાઈરલ થયો છે જેને જોઈને લોકો અચંબિત થઈ રહ્યા છે. વિડીયોમાં જોવા મળે છે કે, પ્રવાસીઓ ઝાડની નીચે સૂતેલા વાઘ T120નો વિડીયો ઉતારી રહ્યા છે. પ્રવાસીઓની હલચલ છતાં આરામ ફરમાવી રહેલા T120 પર જાણે નજર જ ના પડી હોય એમ એક દૂબળુ પાતળું કૂતરું ત્યાં આવી ચઢે છે.

કદાચ આ દૂબળા પાતળા કૂતરાંના મનમાં વ્હેમ હોય કે એ પણ જંગલનો સત્તાધારી વાઘ જ છે. અને એટલે જ એણે આસપાસ નજર કરવાની જરૂર નથી. ઝાડ નીચે સૂતેલા વાઘને પર થોડીવારે ધ્યાન ગયા બાદ જ્યારે T120 હરકતમાં આવીને ઉભો થયો એટલે કૂતરાંએ ભસીને પ્રતિકાર કરવાનો પ્રયાસ કર્યો પણ આખરે વાઘે ગણતરીની પળોમાં બતાવી દીધું કે આખરે કિલિંગ મશીન કોણ છે. (આ સમગ્ર ફકરાંને મહારાષ્ટ્રની રાજનીતી સાથે કંઈ જ લેવા દેવા નથી. માત્ર જાણ ખાતર.)

મૂળ વાત પર આવી એ તો, કિલિંગ મશીન તરીકે જાણીતા T120એ 8 થી 10 સેકન્ડમાં કૂતરાનો કોળીયો બનાવી દીધો હતો. ટ્વિટર પર શેર થયેલા આ વિડીયો સાથે કેપ્શનમાં લખવામાં આવ્યું છે કે, સોતે હુએ બાઘ કો હલ્કે મેં ના લે… યહ વિડીયો રણથંભૌર કે T120 ટાઈગર કા હૈ, જો કિલિંગ મશીન કે નામ સે કુખ્યાત હૈ. યહાં તક ઉસને તેંદુએ, સ્લોથ બિયર ઔર લકડબગ્ઘા કો ભી અપના શિકાર બનાયા હૈ।

આ ક્લિપ લખન રાણા દ્વારા રણથંભોર ટાઈગર રિઝર્વમાં શૂટ કરવામાં આવ્યો છે. ટ્વિટર પર માત્ર 27 સેકન્ડનો આ વિડીયો ખાસ્સો વાઈરલ થઈ રહ્યો છે. અને એવો દાવો કરાય છે કે આ ઘટના ગત ગુરુવારના રોજ સવારે બની હતી. જોકે, આ બાબતની કોઈ પુષ્ટી થતી નથી. ઘટના ગમે ત્યારની હોય વિડીયો જોવા જેવો છે…

(દાંડિયા બજાર વિસ્તારમાં ઓફિસ ભાડે – વેચાણ)

દાંડીયાબજાર વિસ્તારમાં શ્રી સિદ્ધિ વિનાયક મંદિરની સામે આવેલાં શ્રી સિદ્ધિવિનાયક સ્ક્વેરના પહેલા માળે ઓફિસ ભાડે – વેચાણથી આપવાની છે. રસ ધરાવતાં શખ્સો સંપર્ક કરે – 91736 11111

(ધાર્મિક – સામાજીક કાર્યક્રમો અંગે જાણકારી આપો. )

9978918796 અથવા funrangnews@gmail.com પર મેઈલ કરો.

(ફનરંગ ન્યૂઝના વોટ્સએપ ગ્રૂપમાં જોડાવા માટે નીચેની લિન્ક પર ક્લિક કરો)

https://chat. whatsapp. com/HudhfYxRO090FnzisUr3wz