😲 લ્યો… રાજપીપળા હાઇસ્કુલ ફાયર સેફ્ટીને અભાવે સીલ તો નવી બનેલી વીજ કચેરી ફાયર સેફ્ટી વિના ચાલુ???? 😲

• 28/06/2022 ના રોજ ફાયર સેક્ટીની એન.ઓ.સી મળી જતા રાજપીપલા સરકારી હાઇસ્કૂલ રાબેતા મુજબ શરૂ થઈ ગઈ
• 10- 11 મહિના રાજપીપલા સરકારી હાઇસ્કૂલ વિદ્યાર્થીઓએ અન્ય શાળામાં ભણવાનો વારો આવ્યો
• રાજપીપલા નગરપાલિકાએ ફાયર સેફ્ટીની સુવિધા ન હોવાને લીધે રાજપીપળા સરકારી હાઇસ્કૂલનું બિલ્ડિંગ સપ્ટેમ્બર 2021 સીલ માર્યું હતું

[Funrang Founder / Editor – Mr.  Mehulkumar Vyas – 9978918796]

વિશાલ મિસ્ત્રી રાજપીપલા: રાજપીપલા નગરપાલિકાએ ફાયર સેફ્ટીની સુવિધા ન હોય એવી બિલ્ડિંગો સીલ મારવાની કામગીરી અગાઉ હાથ ધરી હતી, તપાસ દરમિયાન રાજપીપલા નગરપાલિકાએ રાજપીપલા સરકારી હાઇસ્કૂલને ફાયર સેફ્ટી સુવિધાને અભાવે સીલ માર્યું હતું, જો કે 28/06/2022 ના રોજ ફાયર સેક્ટીની એન.ઓ.સી મળી જતા રાજપીપલા સરકારી હાઇસ્કૂલ રાબેતા મુજબ શરૂ થઈ ગઈ છે.

સુરતમાં ટ્યુશન ક્લાસમાં આગની ઘટના બાદ સરકારે તમામ મોટી બિલ્ડિંગો, શૈક્ષણિક સંસ્થાઓમાં ફાયર સેફ્ટીની સુવિધાઓ ફરજિયાત કરી હતી, જેની પાસે ફાયર સેફ્ટિની સુવિધા ન હોય એ બિલ્ડિંગ/સંસ્થાને તુરંત સીલ મારવાના સરકારે આદેશ આપ્યા હતા. રાજપીપલા નગરપાલિકાએ ફાયર સેફ્ટીની સુવિધા ન હોવાને લીધે રાજપીપળા સરકારી હાઇસ્કૂલનું બિલ્ડિંગ સપ્ટેમ્બર 2021 સીલ માર્યું હતું, ત્યારથી લઈને અત્યાર સુધી એ શાળાના વિદ્યાર્થીઓ અલગ અલગ 3 શાળામાં અભ્યાસ કરી રહ્યા હતા.જો કે 28/06/2022 ના રોજ ફાયર સેક્ટીની એન.ઓ.સી મળી જતા રાજપીપલા સરકારી હાઇસ્કૂલ રાબેતા મુજબ શરૂ થઈ ગઈ છે.

તો બીજી બાજુ સપ્ટેમ્બર 2021 માં જ રાજપીપલામાં નવી બનેલી વીજ કચેરીમાં પણ ફાયર સેફ્ટીની સુવિધા ન હોવાનું સામે આવ્યું છે.ત્યારે જો વિદ્યાર્થીઓના શિક્ષણનો વિચાર ન કરી રાજપીપળા પાલિકા સ્કૂલને સીલ મારી શકતી હોય તો વીજ કંપનીને કેમ સીલ મારી ન શકે.આ બાબતે રાજપીપલા ડી.જી.વી.સી.એલ ના એક્ઝિક્યુટિવ એન્જિનિયર એચ.ડી.રાણાએ જણાવ્યું હતું કે અમે આજથી 2 મહિના પેહલા જ ફાયર સેફ્ટીની સુવિધા માટે ટેન્ડરીંગ પ્રક્રિયા કરી દીધી છે, ફાયનલ સ્ટેજ પર છે.એચ.ડી.રાણાના જવાબ પરથી એ પ્રશ્ન ઉપસ્થિત થાય છે કે અગાઉના અધિકારીના ધ્યાનમાં કેમ આટલી ગંભીર બાબત ધ્યાનમાં નહિ આવી હોય, જો મોટી ઘટના ઘટે અને જાન હાની થાય તો એનો જવાબદાર કોણ.હવે જ્યાં સુધી ફાયર સેફ્ટીની એન.ઓ.સી ન મળે ત્યાં સુધી નવી વીજ કંપનીના બિલ્ડિંગને પણ સીલ મારવું જોઈએ એવી લોક માંગ ઉઠી છે.

(દાંડિયા બજાર વિસ્તારમાં ઓફિસ ભાડે – વેચાણ)

દાંડીયાબજાર વિસ્તારમાં શ્રી સિદ્ધિ વિનાયક મંદિરની સામે આવેલાં શ્રી સિદ્ધિવિનાયક સ્ક્વેરના પહેલા માળે ઓફિસ ભાડે – વેચાણથી આપવાની છે. રસ ધરાવતાં શખ્સો સંપર્ક કરે – 91736 11111

(ધાર્મિક – સામાજીક કાર્યક્રમો અંગે જાણકારી આપો. )

9978918796 અથવા funrangnews@gmail.com પર મેઈલ કરો.

(ફનરંગ ન્યૂઝના વોટ્સએપ ગ્રૂપમાં જોડાવા માટે નીચેની લિન્ક પર ક્લિક કરો)

https://chat. whatsapp. com/HudhfYxRO090FnzisUr3wz