🎥 શાબાશ મિઠુ: પાટા પરથી ઉતરી જતી ટ્રેન! | Shabaash Mithu Movie Review by Parakh Bhatt 🎥

કેમ જોવી?: ક્રિકેટના ચાહક હો તો!

કેમ ન જોવી?: સ્પોર્ટ્સ-બાયોપિક જોઈને કંટાળ્યા હો તો! 

[Funrang Founder / Editor – Mr.  Mehulkumar Vyas – 9978918796]

પરખ ભટ્ટ । સ્પૉર્ટ્સ-બાયોપિક પ્રેક્ષકોને હવે ધીરે ધીરે કંટાળો આપવા લાગી છે, એનું તાજું ઉદાહરણ એટલે ‘શાબાશ મિઠુ’! દંગલ, ધોની, ચક દે જેવી ફિલ્મોની સફળતાએ અપેક્ષાઓ એટલી વધારી દીધી હતી કે એનાથી ઓછું હવે ભારતીય પ્રેક્ષકોને ખપે એમ નથી! આમ જોવા જાઓ તો, ભારતની સફળત્તમ મહિલા ક્રિકેટર મિતાલી રાજની બાયોપિક આવતી હોય, ત્યારે ભારતીયોમાં ઉત્સાહ હોવો જોઈતો હતો. ભારતમાં ક્રિકેટ અને ક્રિકેટર્સ ભગવાનની માફક પૂજાય છે. એમની લોકપ્રિયતા ચરમસીમા ઉપર છે. પરંતુ મહિલા ક્રિકેટર્સને છેલ્લા થોડા વર્ષોમાં જ માન-સનમાન મળવાની શરૂઆત થઈ છે, એ જોતાં મિતાલી રાજની લાઇફ-સ્ટોરી માટે થિયેટર્સમાં ભીડ ઊભરવી જોઈતી હતી. હકીકત એ છે કે ૧૫૮ મિનિટની લેન્થ ફિલ્મ માટે વિલન પૂરવાર થઈ છે.

સામાન્ય મધ્યમવર્ગીય પરિવારમાંથી આવતી મિતાલીએ સાત વર્ષની ઉંમરે જોયેલાં ક્રિકેટના સ્વપ્ન આડે સમાજની અસંખ્ય સાંકળો અવરોધ બનીને ઊભી હતી. પોતાના ભાઈને ક્રિકેટ રમતો જોઈને એ રમત માટે ધીરે ધીરે તેના દિલોદિમાગમાં પેદા થઈ રહેલો પ્રેમ તેને ભવિષ્યમાં કેટલી મોટી શખ્સિયત બનાવવાનો છે, એનો તેને સ્વપ્નેય અંદાજ નહોતો. એક બાજુ જ્યાં પુરુષ ક્રિકેટર્સને ફાળે દોમ દોમ સાહ્યબી હતી, ત્યાં મહિલા ક્રિકેટર્સ માટે પોતાના નામની જર્સી સુદ્ધાં મેળવવી એ લોઢાના ચણા ચાવવા જેટલું અઘરું કામ હતું. આમ છતાં, મિતાલી રાજની કેપ્ટનશિપ હેઠળ મહિલા ક્રિકેટર્સની ટીમને પહેલી ઈન્ટરનેશનલ મેચમાં ભારતનું નામ રોશન કર્યુ, ત્યારથી તમામ ભારતીયો મિતાલી રાજ સહિત ‘ફીમેલ ક્રિકેટ’ને ગંભીરતાપૂર્વક લેતાં થઈ ગયા.

દરેક સ્પોર્ટ્સ-ફિલ્મોની અંદર ક્લાયમેક્સ પહેલાં મેજર કૉન્ફ્લિક્ટ (સાદી ભાષામાં, મુસીબતોનો પહાડ!) ખડકી દેવાતો હોય છે, જેમાંથી પ્રોટેગનિસ્ટ પોતાની ટીમ અને ભારતને જીત અપાવીને ગૌરવ અપાવે! પરંતુ ‘શાબાશ મિઠુ’માં મિતાલી રાજના રોજબરોજના જીવન અને નાની-મોટી મુસીબતો ઉપર જ એટલું ધ્યાન કેન્દ્રિત કરી દેવાયું છે કે એનાથી વિશેષ પ્રેક્ષકને ફાળે બીજું કંઈ નથી આવતું. ખેર, ‘શાબાશ મિઠુ’ના અમુક દ્રશ્યો અને અથાણાં સમાન અલપઝલપ દેખા દેતી ફિલ્લર-વાર્તાઓ જોઈને મન બનાવી શકાય છે. તાપસી પન્નુએ મિતાલી રાજના કિરદારમાં ઊંડા ઉતરવા માટે કરેલી તૈયારી ઊડીને આંખે વળગે છે. વિજય રાઝ અને બ્રિજેન્દ્ર કાલા જેવા સાઇડ કેરેક્ટર્સની સ્ક્રીન-પ્રેઝન્સ પણ રસપ્રદ નીવડી છે. બેકગ્રાઉન્ડ સ્કૉર અને મ્યુઝિક પણ વ્યવસ્થિત છે. આમ છતાં, ‘શાબાશ મિઠુ’માં પુનરાવર્તન પામતાં સ્પોર્ટ્સ-પર્સનની બાયોપિકનો મસાલો જોઈ શકાય છે.

bhattparakh@yahoo.com

ક્લાયમેક્સ: રાજકુમાર રાવ અને સાન્યા મલ્હોત્રા અભિનિત ‘હિટ: ધ ફર્સ્ટ કેસ’ પણ ગઈકાલે સિનેમાઘરોમાં રીલિઝ થઈ છે! થ્રિલર જોવાની ઈચ્છા હોય તો એકાદ ચાન્સ લેવા જેવો ખરો!

(ઓફિસ ભાડે – વેચાણ)

દાંડીયાબજાર વિસ્તારમાં શ્રી સિદ્ધિ વિનાયક મંદિરની સામે આવેલાં શ્રી સિદ્ધિવિનાયક સ્ક્વેરના પહેલા માળે ઓફિસ ભાડે – વેચાણથી આપવાની છે. રસ ધરાવતાં શખ્સો સંપર્ક કરે – 91736 11111

(સંપર્ક)

ધાર્મિક – સામાજીક કાર્યક્રમો કે સમાચાર અંગે જાણકારી આપવા માટે 9978918796 પર વોટ્સએપ કરો અથવા કોલ કરો. અથવા તો funrangnews@gmail.com પર મેઈલ કરો.

(WhatsApp Group Link)

Funrang newsના વોટ્સએપ ગૃપમાં જોડાવા માટે આ લિન્ક પર ક્લિક કરો. https://chat. whatsapp. com/HudhfYxRO090FnzisUr3wz જેમને વોટ્સએપ ગૃપમાં એડ કરવા હોય એમને ન્યૂઝ ફોરવર્ડ કરો.