🧬 41 વર્ષિય માઈયાએ ટાઈમપાસ ખાતર DNA ટેસ્ટ કરાવ્યો… અને મળી 18 સાવકી બહેનો!!! 🧬

• ટેક્સાસની માઈયા એમૉન્સે ઓક્ટોબર 2018માં ન્યૂઝપેપરમાં જાહેરાત જોઈને ડીએનએ ટેસ્ટ કરાવ્યો હતો.
• ડીએનએ ટેસ્ટનો રિપોર્ટ આવ્યો ત્યારે ખબર પડી કે, એ જેને આટલા વર્ષો પિતા માનતી હતી એ એના પિતા છે જ નહીં…

[Funrang Founder / Editor – Mr.  Mehulkumar Vyas – 9978918796]

ફન ન્યૂઝ । ટેક્સાસની 41 વર્ષિય મહિલાએ “ઘરે બેઠાં ડીએનએ ટેસ્ટ કરાવો” એવી જાહેરાત નિહાળીને માત્ર ટાઈમપાસ ખાતર ટેસ્ટ કરાવવાનું નક્કી કર્યું હતું. જોકે, ટેસ્ટનો રિપોર્ટ આવ્યા બાદ એ ચોંકી ઉઠી હતી. સૌ પ્રથમ તો એને ખબર પડી કે જેને એ આટલા વર્ષોથી પિતા માની રહી છે એ ખરેખર એના બાયોલોજીકલ પિતા છે જ નહીં… અને ત્યારબાદ એણે ખણખોદ કરી તો ખબર પડી કે, એની 18 સાવકી બહેનો છે. જે બધી એક જ પિતાની સંતાન છે.

ધ સનના રિપોર્ટ અનુસાર, ટેક્સાસ (Texas, America) ખાતે પતિ બ્રેંટ અને 16 વર્ષિય દિકરી લારિયા સાથે સાથે સુખી જીવન વિતાવતી 41 વર્ષિય માઈયા એમૉન્સ (Maia Emmons-boring)ને ગત ઓક્ટોબર 2018માં એક જાહેરાત જોવા મળી હતી. જાહેરમાં લખ્યું હતું કે, ઘરે બેઠાં ડીએનએ ટેસ્ટ કરાવો. જાહેરાત અંગે માઈયાએ પતિ સાથે ચર્ચા કરી અને માત્ર ઉત્સુકતા અને ટાઈમપાસ કરવા માટે તેણે ડીએનએ ટેસ્ટ કરાવવાનું નક્કી કર્યું અને જાહેરાતમાં આપવામાં આવેલા નંબર પર ફોન કરીને બુકિંગ કરાવ્યું હતું.

ઘરે બેઠાં ટેસ્ટ કરાવ્યા બાદ, રિપોર્ટ આવ્યો ત્યારે માઈયા ઘરમાં ઉભી થઈ ગઈ હતી. રોપોર્ટ અનુસાર એના 67 વર્ષિય પિતા જૉન એના બાયોલોજીકલક પિતા છે જ નહીં. રિપોર્ટ અંગે તેણે માતા શેરિલ અને પિતા જૉન તેમજ બહેન સાથે ચર્ચા કરી. જેમાં એને જાણવા મળ્યું કે, એના પિતા જૉન જ્યારે 18 વર્ષના હતાં ત્યારે એમને ટેસ્ટિક્યૂલર કેંસર થયું હતું. જેને કારણે તેઓ પિતા બને તેવી શક્યતાઓ નહોતી.

શેરીલ અને જૉન માતા – પિતા બની શકે તેમ ના હોવાને કારણે તેઓએ અજાણ્ય ડોનરના સ્પર્મ દ્વારા પૈરેન્ટ્સ બનવાનું નક્કી કર્યું હતું. તેમણે એક હોસ્પિટલમાં જઈને સારવાર શરૂ કરાવી હતી. અને અજાણ્યા ડોનરના સ્પર્મથી તેઓ માઈયા સહિત બે દિકરીના પેરેન્ટ્સ બન્યા હતાં.

માઈયા સમક્ષ આ હકીકત આવ્યા બાદ તેણે પોતાના અજાણ્યા બાયોલોજીક પિતાને શોધવાની કવાયત હાથ ધરી હતી. તેણે ડીએનએ રિપોર્ટના આધારે ઓનલાઈન ફેમિલી ટ્રી બનાવી આપતી કંપનીનો સંપર્ક કર્યો હતો. ત્યાંથી જે રિપોર્ટ મળ્યો એ માઈયા માટે વધું ચોંકાવનારો હતો. ફેમિલી ટ્રીના રિપોર્ટ અનુસાર તેને 18 મહિલાઓની જાણકારી મળી, જે એની સાવકી બહેનો હતી.

માઈયા આ જાણકારીથી વધુ ગૂંચવાઈ, તેને સમજાઈ રહ્યું નહોતું કે, એક જ ડોનર કેવી રીતે એક જ હોસ્પિટલમાં આટલી બધી વખત સ્પર્મ ડોનેટ કરી શક્યો હશે? આ પ્રશ્નના મૂળમાં જવા માટે એણે ખણખોદ કરી તો જાણવા મળ્યું કે, હોસ્પિટલમાં કોઈ સ્પર્મ ડોનર આવતો જ નહોતો, પરંતુ મહિલાઓની સારવાર કરતો ડૉક્ટર જોન્સ પોતાના સ્પર્મ આપી દેતો હતો.

અત્રે ઉલ્લેખનિય છે કે, હાલ 80 વર્ષના થયેલા ડૉક્ટર જોન્સની સામે કોર્ટ કેસ કરવામાં આવ્યો હતો. અને ગત વર્ષે એપ્રિલ મહિનામાં કોર્ટે ડૉક્ટરને દોષિત જાહેર કરવા સાથે તમામ પરિવારોને વળતર ચુકવવાનો આદેશ કર્યો હતો. વળતરની કુલ રકમ આશરે 70 કરોડ રૂપિયા જેટલી છે.

(ઓફિસ ભાડે – વેચાણ)

દાંડીયાબજાર વિસ્તારમાં શ્રી સિદ્ધિ વિનાયક મંદિરની સામે આવેલાં શ્રી સિદ્ધિવિનાયક સ્ક્વેરના પહેલા માળે ઓફિસ ભાડે – વેચાણથી આપવાની છે. રસ ધરાવતાં શખ્સો સંપર્ક કરે – 91736 11111

(સંપર્ક)

ધાર્મિક – સામાજીક કાર્યક્રમો કે સમાચાર અંગે જાણકારી આપવા માટે 9978918796 પર વોટ્સએપ કરો અથવા કોલ કરો. અથવા તો funrangnews@gmail.com પર મેઈલ કરો.

(WhatsApp Group Link)

Funrang newsના વોટ્સએપ ગૃપમાં જોડાવા માટે આ લિન્ક પર ક્લિક કરો. https://chat. whatsapp. com/HudhfYxRO090FnzisUr3wz જેમને વોટ્સએપ ગૃપમાં એડ કરવા હોય એમને ન્યૂઝ ફોરવર્ડ કરો.