📽️ કૉફી વિથ કરણ: બૉલિવૂડની ચંડાળ ચોકડીનું સાતમું સંસ્કરણ! | Web-show review by Parakh Bhatt 📽️

• કેમ જોવી?: બૉલિવૂડની અંતરંગ બાબતો જાણવી ગમતી હોય તો!  
• કેમ ન જોવી?: ફિલ્મી-સુપરસ્ટાર્સની નિંદા-કૂથલીમાં રસ ન હોય તો!

[Funrang Founder / Editor – Mr.  Mehulkumar Vyas – 9978918796]

પરખ ભટ્ટ । પાછલાં ૧૮ વર્ષોથી ચાલતો પોપ્યુલર ટૉક-શૉ ‘કૉફી વિથ કરણ’ની સાતમી સિઝન શરૂ થઈ ચૂકી છે. બદલાયેલાં સમયની સાથે હવે આ શૉ પણ સ્ટાર-વર્લ્ડ પર નહીં, પણ ‘ડિઝની પ્લસ હૉટસ્ટાર’ ઑટીટી પ્લેટફૉર્મ પર પ્રસારિત થઈ રહ્યો છે, જેના અત્યારસુધીમાં ચાર એપિસોડ રીલિઝ થઈ ચૂક્યા છે. કરણ જોહરનું ધર્મેટિક પ્રૉડક્શન્સ શૉ સાતમી સિઝન લઈને આવ્યું છે. બૉલિવૂડના સૌથી કૉન્ટ્રોવર્સિયલ ડિરેક્ટર-પ્રોડ્યુસરમાં કરણ જોહરનું નામ મોખરે મૂકવું પડે. ખાસ કરીને કંગના રનૌતે ભૂતકાળમાં સૈફ અલી ખાન સાથે શૉ પર આવીને કરણ જોહરને મોઢામોઢ જે ખરી-ખોટી સંભળાવી હતી, એ પછી આ શૉ વધુ વિવાદમાં સપડાયો હતો. એમાં પણ સુશાંત સિંઘ રાજપૂતના મૃત્યુ પછી ‘કૉફી વિથ કરણ’ની જૂની સિઝન્સની વીડિયો-ક્લિપ્સ શોધી-શોધીને તેને વાયરલ કરવામાં આવી, જેમાં સોનમ કપૂરથી માંડીને ઘણાં અન્ય સેલિબ્રિટી દિવંગત અભિનેતા સુશાંત સિંઘ રાજપૂત અંગે એલફેલ બોલતાં જોવા મળ્યા.

તો શું નવું છે, ‘કૉફી વિથ કરણ’ની સાતમી સિઝનમાં? પહેલા એપિસોડમાં રણવીર સિંહ – આલિયા ભટ્ટ, બીજા એપિસોડમાં સારા અલી ખાન – જાહ્નવી કપૂર, ત્રીજા એપિસોડમાં અક્ષય કુમાર – સમન્થા અને ચોથા (લેટેસ્ટ) એપિસોડમાં વિજય દેવરાકોંડા – અનન્યા પાંડે ગેસ્ટ બની ચૂક્યા છે. બેશક, રણવીર-આલિયાનો એપિસોડ અત્યારસુધીનો સૌથી રસપ્રદ અને બૉલ્ડ એપિસોડ પૂરવાર થયો છે. ઑટીટી પ્લેટફૉર્મ પર આવી જવાને કારણે ‘કૉફી વિથ કરણ’ને વલ્ગારિટી અને ગાળાગાળી માટે વધુ છૂટછાટ મળી ગઈ હોય, એવું જણાયું. ‘વન નાઈટ સ્ટેન્ડ’થી માંડીને ‘થ્રીસમ’ અને એનાથી પણ વધુ બૉલ્ડ વિષયો પર હવે ભાષા કે સેન્સરની કોઈ બાંધછોડ વગર ચર્ચા થવા માંડી છે.

સ્ત્રીઓને આ શૉ પર ઑબ્જેક્ટિફાય કરવામાં આવે છે, એવું તો આપણે સાંભળ્યું હતું પરંતુ સાતમી સિઝનમાં પુરુષ પણ એમાંથી બાકાત ન રહ્યો! જાહ્નવી કપૂર અને સારા અલી ખાને જે રીતે વિજય દેવરાકોંડાને ‘ચીઝ પ્લેટર’ તરીકે ચીતર્યો છે, તે અંગે ઈન્ડિયન પ્રેક્ષકોના મિશ્ર પ્રતિસાદ સાંપડ્યા છે. સાઉથ ઇન્ડિયન સુપરસ્ટાર અને બ્લોકબસ્ટર ‘અર્જુન રેડ્ડી’ ફેમ વિજય દેવરાકોંડા હાલ યુવા ધડકન પર રાજ કરી રહ્યો છે. તેની અપકમિંગ ફિલ્મ ‘લાઇગર’ અંગે પ્રેક્ષકો અત્યંત ઉત્સાહિત છે. સાઉથ ઇન્ડિયન સુપરસ્ટાર્સ પોતાની નમ્રતા અને સાદગી માટે જાણીતાં છે. વિજય દેવરાકોંડા અત્યારસુધીનો સથી ‘ડિસેન્ટ’ કહી શકાય એવો મહેમાન રહ્યો. અન્ય તમામ એપિસોડના કલાકારોમાં જોવા મળેલું છીછરાપણું વિજયમાં ન જોવા મળ્યું, એ વાતે આખો દેશ ચર્ચા માંડીને બેઠો છે.

ઑવરઓલ, જો તમે બૉલિવૂડ ગોસિપમાં રસ ધરાવતાં હો તો ‘કૉફી વિથ કરણ’ની સાતમી સિઝન તમને સો ટકા જોવી ગમશે.

bhattparakh@yahoo.com

ક્લાયમેક્સ: તાજેતરમાં ‘ડિઝની પ્લસ હૉટસ્ટાર’ પર થયેલી અનાઉન્સમેન્ટ મુજબ, કાજોલ પોતાનો અલાયદો શૉ લઈને આવી રહી છે. માધુરી દીક્ષિત, શેફાલી શાહ વગેરેની જેમ હવે કાજોલ પણ પોતાના ઑટીટી-ડેબ્યુ માટે થનગની રહી છે, ત્યારે જોવાનું એ રહ્યું કે ભારતીય પ્રેક્ષકો તેને વેબ-પડદે સ્વીકારી શકે છે કે નહીં!

(ઓફિસ ભાડે – વેચાણ)

દાંડીયાબજાર વિસ્તારમાં શ્રી સિદ્ધિ વિનાયક મંદિરની સામે આવેલાં શ્રી સિદ્ધિવિનાયક સ્ક્વેરના પહેલા માળે ઓફિસ ભાડે – વેચાણથી આપવાની છે. રસ ધરાવતાં શખ્સો સંપર્ક કરે – 91736 11111

(સંપર્ક)

ધાર્મિક – સામાજીક કાર્યક્રમો કે સમાચાર અંગે જાણકારી આપવા માટે 9978918796 પર વોટ્સએપ કરો અથવા કોલ કરો. અથવા તો funrangnews@gmail.com પર મેઈલ કરો.

(WhatsApp Group Link)

Funrang newsના વોટ્સએપ ગૃપમાં જોડાવા માટે આ લિન્ક પર ક્લિક કરો. https://chat. whatsapp. com/HudhfYxRO090FnzisUr3wz જેમને વોટ્સએપ ગૃપમાં એડ કરવા હોય એમને ન્યૂઝ ફોરવર્ડ કરો.