👍🏼 M.S. Uni.નું ગૌરવ । પરફોર્મિંગ આર્ટ્સના ડૉ. પ્રમોદ ચવ્હાણના સંપાદનમાં તૈયાર થયેલાં પદ્મભૂષણ કાવલમ નારાયણ પણિક્કરના વિશેક અંકનું દિલ્હી ખાતે વિમોચન 👍🏼

• સંગીત નાટક અકાદમી અને ભારત સરકારના સંસ્કૃતિ મંત્રાલય દ્વારા દિલ્હી ખાતે વિમોચન સમારોહ યોજાયો.
• 760 પાનના બે અંકમાં વિશ્વ વિખ્યાત કલા ચિકિત્સકો, વિદ્વાનો અને રંગમંચ, નૃત્ય, સંગીતના શિક્ષાવિદોના 50થી વધુ લેખોનો સમાવેશ કરાયો છે.

[Funrang Founder / Editor – Mr.  Mehulkumar Vyas – 9978918796]

વડોદરા । મ. સ. યુનિ.ની પરફોર્મિંગ આર્ટ્સ ફેકલ્ટીના નાટ્ય વિભાગના આસિસ્ટન્ટ પ્રોફેસર ડૉ. પ્રમોદ ચવ્હાણ દ્વારા પદ્મભૂષણ કાવલમ નારાયણ પણિક્કર પર વિશેષ અંક (બે ભાગ) સંપાદિત કરાયા હતાં. આ વિશેષાંકનું તાજેતરમાં 21 જુલાઈના રોજ દિલ્હી ખાતે વિમોચન કરવામાં આવ્યું હતું. સંગીત નાટક અકાદમી અને ભારત સરકારના સંસ્કૃતિ મંત્રાલય દ્વારા આયોજિત કાર્યક્રમમાં કલાજગતની અનેક જાણીતી વિભૂતિઓ ઉપસ્થિત રહી હતી.

સંગીત નાટક અકાદમી, દિલ્હીની આંતરરાષ્ટ્રીય સ્તરે પ્રશંસાપ્રાપ્ત અને યુજીસી – કેયર લિસ્ટેડ પીયર રિવ્યૂડ રિસર્ચ જર્નલ “સંગીત નાટક” (UGC-CARE Listed Peer Reviewed Research Journal “Sangeet Natak”) અંતર્ગત કાવલમ નારાયણ પણિક્કર પર બે ભાગના વિશેષાંક તૈયાર કરવાનું આયોજન કરવામાં આવ્યું હતું.

વિશેષાંક માટે અતિથિ સંપાદક તરીકે ભૂમિકા ભજવવા માટે કાવલમ નારાયણ પણિક્કરના શિષ્ય તેમજ વડોદરાની મ. સ. યુનિ.ની પરફોર્મિંગ આર્ટ્સ ફેકલ્ટીના નાટ્ય વિભાગના ટેમ્પરરી આસિસ્ટન્ટ પ્રોફેસર ડૉ. પ્રમોદ ચવ્હાણને આમંત્રિત કરવામાં આવ્યા હતાં. ડૉ. પ્રમોદ ચવ્હાણના સંપાદનમાં 760 પાનનો બે ભાગમાં વિશેષાંક તૈયાર થયો હતો. જેમાં વિશ્વ વિખ્યાત કલા ચિકિત્સકો, વિદ્વાનો અને રંગમંચ, નૃત્ય, સંગીતના શિક્ષાવિદોંના 50થી વધુ લેખોનો સમાવેશ કરવામાં આવ્યો છે.

તાજેતરમાં દિલ્હી ખાતે આયોજિત સમારોહમાં સંગીત નાટક અકાદમી, નવી દિલ્હીનાં અધ્યક્ષ અને સંસ્કૃતિ મંત્રાલયના સંયુક્ત સચિવ શ્રીમતી ઉમા નાંદુરીના હસ્તે કાવલમ નારાયણ પણિક્કર પરના વિશેષ અંકનું વિમોચન કરવામાં આવ્યું હતું. પ્રસંગે સંગીત નાટક અકાદમીના સચિવ અને સંસ્કૃતિ મંત્રાલયના નિર્દેશક અનીશ રાજન, પ્રખ્યાત નૃત્ય સમીક્ષક શ્રીમતી લીલા વેંકટરમન, રાષ્ટ્રીય નાટ્ય વિદ્યાલયના પૂર્વ પ્રોફેસર સુરેશ ભારદ્વાજ, સંગીત નાટક અકાદમીના ઉપ સચિવ સુમન કુમાર અને અતિથિ સંપાદક ડૉ. પ્રમોદ ચવ્હાણ દ્વારા દિપ પ્રજ્વલન કરી કાર્યક્રમની શરૂઆત કરવામાં આવી હતી.

સમારોહમાં કાવલમ નારાયણ પણિક્કર પર લઘુ વિડીયો પ્રસ્તુત કરવામાં આવ્યો હતો. તેમજ ફોટો પ્રદર્શન પણ કરવામાં આવ્યું હતું. પ્રસંગે ડૉ. પ્રમોદ ચવ્હાણ દ્વારા ‘એ નેશનલ ટ્રેજરઃ કાવલમ નારાયણ પણિક્કર’ વિષય પર વક્તવ્ય આપવામાં આવ્યું હતું.

(ઓફિસ ભાડે – વેચાણ)

દાંડીયાબજાર વિસ્તારમાં શ્રી સિદ્ધિ વિનાયક મંદિરની સામે આવેલાં શ્રી સિદ્ધિવિનાયક સ્ક્વેરના પહેલા માળે ઓફિસ ભાડે – વેચાણથી આપવાની છે. રસ ધરાવતાં શખ્સો સંપર્ક કરે – 91736 11111

(સંપર્ક)

ધાર્મિક – સામાજીક કાર્યક્રમો કે સમાચાર અંગે જાણકારી આપવા માટે 9978918796 પર વોટ્સએપ કરો અથવા કોલ કરો. અથવા તો funrangnews@gmail.com પર મેઈલ કરો.

(WhatsApp Group Link)

Funrang newsના વોટ્સએપ ગૃપમાં જોડાવા માટે આ લિન્ક પર ક્લિક કરો. https://chat. whatsapp. com/HudhfYxRO090FnzisUr3wz જેમને વોટ્સએપ ગૃપમાં એડ કરવા હોય એમને ન્યૂઝ ફોરવર્ડ કરો.