🎥 રક્ષાબંધન: રસપ્રદ વિષયનું ફીંડલું વાળી દેતી અધકચરી ફિલ્મ! । Film Review by Parakh Bhatt 🎥

• કેમ જોવી?: ઑટીટી પ્લેટફૉર્મ પર તમામ શ્રેષ્ઠ વેબસીરિઝ અને ફિલ્મો જોઈ કાઢી હોય અને હવે જોવાલાયક બીજું કંઈ બચ્યું ન હોય તો!
• કેમ ન જોવી?: અક્ષયકુમારની ઑવર-એક્ટિંગ અને જોકરવેડાથી કંટાળ્યા હો તો!

[Funrang Founder / Editor – Mr.  Mehulkumar Vyas – 9978918796]

પરખ ભટ્ટ । અક્ષયકુમારને માથે પનોતી બેઠી હોય એવું લાગે છે. માંડ હજુ તો ‘બચ્ચન પાંડે’ અને ‘સમ્રાટ પૃથ્વીરાજ’ની નિષ્ફળતામાંથી બૉલિવૂડ બહાર આવવા માટે મથી રહ્યું હતું, એવામાં ‘બોયકોટ્ટ રક્ષાબંધન’ અને ‘બોયકોટ્ટ લાલસિંહ ચઢ્ઢા’એ હિન્દી ફિલ્મ ઇન્ડસ્ટ્રીની ઊંઘ હરામ કરી નાંખી. રક્ષાબંધન ફિલ્મ માટે પ્રેક્ષકોમાં ઉત્સાહ હતો, પરંતુ તેની લેખિકા કનિકા ધિલ્લોનની વિવાદાસ્પદ ટ્વીટ્સ લોકોના ધ્યાનમાં આવતાં આખી ફિલ્મ અડફેટે ચડી! તનુ વેડ્સ મનુ (ભાગ-૧ અને ૨), રાંઝણા, શુભ મંગલ સાવધાન, શુભ મંગલ ઝ્યાદા સાવધાન, હેપ્પી ભાગ જાયેગી વગેરે જેવી ફિલ્મોમાં ક્યારેક ડિરેક્ટર તો ક્યારેક પ્રૉડ્યુસર રહેલાં આનંદ એલ. રાયનું નામ સફળ ફિલ્મો આપનારા ફિલ્મ-મેકર્સની યાદીમાં મૂકાય છે. આમ છતાં, આજ વખતે તમામ સિનેમેટિક સક્સેસને બાજુ પર મૂકીને બૉક્સ-ઑફિસ ફક્ત લોકજુવાળ પર આધારિત જોવા મળી રહી છે!

ચાટની દુકાન ચલાવતાં લાલા કેદારનાથ (અક્ષયકુમાર)ને માથે પોતાની ચાર અપરિણિત બહેનોની જવાબદારી છે. તેની માતા મૃત્યુ પામતાં પહેલાં લાલા પાસેથી તેની બહેનોને પરણાવ્યા બાદ જ પોતે પરણશે, એવું વચન લઈ ચૂકી હતી. આથી ૪૦ વર્ષનો થયો હોવા છતાં લાલાના લગ્ન થયા નથી. પરંતુ તેની પ્રેમિકા સપના (ભૂમિ પેડણેકર)ના અન્ય વ્યક્તિ સાથે લગ્નની વાત સામે આવતાં જ હવે લાલા કેદારનાથ પોતાની બહેનોને જલ્દીથી જલ્દી પરણાવીને સપના સાથે લગ્ન કરવા માંગે છે, પરંતુ નડી રહી છે દહેજની સમસ્યા! ચાર બહેનોના દહેજની લાખો રૂપિયાની રકમ આખરે લાવવી ક્યાંથી?

વિષય અત્યંત ચોટદાર. દહેજ-પ્રથા ઉપર બનનારી ફિલ્મોમાં ઠીકઠાક કહી શકાય, એવી એવરેજ વાર્તા! પરંતુ ફિલ્મના એક્ઝિક્યુશન સામે મોટો પ્રશ્નાર્થ છે. ફક્ત ૧ કલાક ૫૦ મિનિટની ફિલ્મનો ફર્સ્ટ-હાફ તો હસી-મજાક અને વાર્તા ગોઠવવામાં પૂરો થઈ જાય છે. પરંતુ સેકન્ડ-હાફમાં વાર્તાને રાજધાની-એક્સપ્રેસની માફક ભગાવવામાં આવી છે. એમાં પણ આનંદ એલ. રાયની ફિલ્મમાં દર વખતે જોવા મળતી ફ્લેવર, આજ વખતે ‘રક્ષાબંધન’માંથી ગાયબ છે. બીજી બાજુ, અક્ષયકુમારની અભિનય-ક્ષમતાને હવે કાટ ચડી ગયો છે. તે જાણે પોતાને અપડેટ કરવા જ ન માંગતો હોય એવી રીતે એક જ પ્રકારનું પુનરાવર્તન પામતું પર્ફોમન્સ આપ્યા રાખે છે. પ્રેક્ષકો હવે ખરેખર તેના એકસરખા એક્સપ્રેશન્સ, બૉડી લેંગ્વેજ, ઑવરઑલ એક્ટિંગ જોઈને કંટાળ્યા છે. બીજી બાજુ, ભૂમિ પેડણેકર અને અક્ષયકુમારની બહેન બનેલી ૪ અભિનેત્રીઓના ફાળે બહુ જ ઓછો સ્ક્રીન-ટાઇમ આવ્યો હોવાને લીધે ફિલ્મ મૉનો-ટોનસ બની જાય છે. નીરજ સૂદ અને સીમા પાહ્વા જેવા કલાકારો વચ્ચે-વચ્ચે ફિલ્મને રસપ્રદ બનાવે છે. પરંતુ અક્ષયકુમારના લસ્ત પર્ફોમન્સને કારણે ફિલ્મમાં ખાસ કંઈ મજા આવતી નથી.

bhattparakh@yahoo.com

ક્લાયમેક્સ: ફિલ્મના લેખકો કનિકા ધિલ્લોન અને હિમાંશુ શર્માએ જે રીતે સ્ત્રીઓના વર્ણ, જાડાપણા અને એમના શારીરિક દેખાવ અંગે મજાક ઉડાવી છે, એ જોતાં આ ફિલ્મ પ્રેક્ષકોના હ્રદયમાં રાજ તો નહીં જ કરે, એટલું નક્કી છે.

(ઓફિસ ભાડે – વેચાણ)

દાંડીયાબજાર વિસ્તારમાં શ્રી સિદ્ધિ વિનાયક મંદિરની સામે આવેલાં શ્રી સિદ્ધિવિનાયક સ્ક્વેરના પહેલા માળે ઓફિસ ભાડે – વેચાણથી આપવાની છે. રસ ધરાવતાં શખ્સો સંપર્ક કરે – 91736 11111

(સંપર્ક)

ધાર્મિક – સામાજીક કાર્યક્રમો કે સમાચાર અંગે જાણકારી આપવા માટે 9978918796 પર વોટ્સએપ કરો અથવા કોલ કરો. અથવા તો funrangnews@gmail.com પર મેઈલ કરો.

(WhatsApp Group Link)

Funrang newsના વોટ્સએપ ગૃપમાં જોડાવા માટે આ લિન્ક પર ક્લિક કરો. https://chat. whatsapp. com/HudhfYxRO090FnzisUr3wz જેમને વોટ્સએપ ગૃપમાં એડ કરવા હોય એમને ન્યૂઝ ફોરવર્ડ કરો.