🔱 સર્વશક્તિમાન આદિમહેશ્વરીની અકળ લીલા! | Religiously Yours by Parakh Bhatt 🔱

પરમહંસ યોગાનંદ લિખિત ‘ઑટોબાયોગ્રાફી ઑફ અ યોગી’, ઓમ સ્વામી લિખિત ‘ઇફ ટ્રુથ બી ટૉલ્ડ’, સાધ્વી વૃંદા ઓમ લિખિત ‘ધ રેઇનમેકર’ તથા ‘અ પ્રેયર ધેટ નેવર ફેઇલ્સ’ અને શ્રીએમ લિખિત ‘હિમાલયના સિદ્ધયોગીની શરણે’ તેમજ ‘યાત્રા નિરંતર’ વાંચીએ ત્યારે સમજાય કે આ દુનિયામાં એવું ઘણું બધું છે, જ્યાં તાર્કિક વિચારધારા કામ આવતી નથી.

[Funrang Founder / Editor – Mr. Mehulkumar Vyas – 9978918796]

પરખ ભટ્ટ । વિશ્વ સમક્ષ એવા એવા ચમત્કારો થયા છે, જે જોઇને ભગવાનમાં વિશ્વાસ ન રાખતા લોકો પણ વિચારમાં પડી જાય છે. પરમહંસ યોગાનંદ લિખિત ‘ઑટોબાયોગ્રાફી ઑફ અ યોગી’, સાધ્વી વૃંદા ઓમ લિખિત ‘ધ રેઇનમેકર’ તથા ‘અ પ્રેયર ધેટ નેવર ફેઇલ્સ’ અને શ્રીએમ લિખિત ‘હિમાલયના સિદ્ધયોગીની શરણે’ તેમજ ‘યાત્રા નિરંતર’ વાંચીએ ત્યારે સમજાય કે આ દુનિયામાં એવું ઘણું બધું છે, જ્યાં તાર્કિક વિચારધારા કામ આવતી નથી. મંત્ર અને તંત્રનું વિશ્વ એટલું અગાધ અને અસીમ છે, જેનું વર્ણન કરવા માટે સમય અને શબ્દો હંમેશા ઓછા પડે!

અંગ્રેજી પુસ્તક ‘ઇફ ટ્રુથ બી ટૉલ્ડ’માં શ્રીવિદ્યાના સિદ્ધ ઉપાસક અને જેમને યંત્રાધિષ્ઠાત્રી મહાત્રિપુરસુંદરી સાક્ષાત્ છે, એવા ઓમ સ્વામી બદ્રીનાથ ખાતેના પોતાના સંસ્મરણો વાગોળતી વેળા તંત્ર-ઉપાસક ભૈરવી મા અંગે લખે છે: ‘બદ્રીનાથની ગુફામાં ઘણાં સમયથી તંત્રસાધના કરી રહેલાં ભૈરવી મા જ્યારે કર્ણપિશાચિની અને ગંધર્વ-સંગીતની દીક્ષા આપવા તૈયાર હતાં, ત્યારે મેં એમને આદરપૂર્વક ના પાડી, કારણકે કોઈ દુન્યવી સિદ્ધિઓ પ્રાપ્ત કરવી એ મારું લક્ષ્ય હતું જ નહીં! હું તો સ્વયં જગતજનનીનાં દર્શન કરવા માંગતો હતો. એ સમયે ભૈરવી માએ આશીર્વાદ આપ્યા હતાં કે આવનારા એક વર્ષની અંદર મને આદિશક્તિનો સાક્ષાત્કાર થશે, એ નિશ્ચિત છે!’

અને ત્યારબાદ, નિશ્ચિત સમય પર એમને થયેલાં દેવીના સાક્ષાત્કારનું વર્ણન વાંચીએ ત્યારે તાર્કિક મગજ કામ કરતું બંધ થઈ જાય! જગતની કોઈ સમજૂતીઓ કે વિજ્ઞાન અહીં કામ ન લાગે.

મધ્યપ્રદેશમાં એક સિદ્ધ દેવીસ્થાનક છે, જેના પરચા અનેક લોકોએ સાંભળ્યા છે. ત્યાંના ગાડીયાઘાટ માતાજીના મંદિરને એક એવી અનન્ય ઘટના માટે ઓળખવામાં આવે છે જે વૈજ્ઞાનિક દ્રષ્ટિએ અશક્ય છે! કાલીસિંધ નદીના કિનારે સ્થિત આ દેવાલયમાં દીવો પ્રગટાવવા માટે ઘી કે તેલની જરૂર નથી પડતી, અહીં દીવો પાણીથી પ્રજ્વલિત થાય છે! સાંભળીને મનમાં અચરજ ઊભું થાય એ સ્વાભાવિક છે. છેલ્લા ઘણાં વર્ષોથી આ ધર્મસ્થાનમાં પાણીથી જ દીપ પ્રગટાવવામાં આવી રહ્યો છે! ગાડીયાઘાટવાળી માતાના નામથી પ્રખ્યાત આ મંદિર કાલીસિંધ નદીના કિનારે આગર-માલવાના નલખેડા ગામથી લગભગ ૧૫ કિલોમીટરના અંતરે ગાડીયા ગામની પાસે સ્થિત છે.

મંદિરના પૂજારીનું એમ કહેવું છે કે, પહેલા અહીં હંમેશા તેલનો દીવો જ બળતો હતો, પરંતુ આદિશક્તિએ એમના સ્વપ્નમાં આવીને દર્શન આપ્યા અને દીવો પાણીથી પ્રગટાવવાનું કહ્યું. બીજા દિવસે ઉઠીને જયારે એમણે નજીકમાં વહેતી કાલીસિંધ નદીમાંથી પાણી ભરીને દીવામાં નાખ્યું અને દીવામાં રાખેલા રૂની વાટ પાસે જેવી માચીસની સળી ઘરી કે તરત જ જ્યોત સળગી ઉઠી!

આ ચમત્કારી ઘટનાથી પૂજારી પોતે ખૂબ ગભરાઈ ગયા હતા અને અંદાજિત બે મહિના સુધી આ વિશે કોઈને કશું પણ કહ્યું નહીં. આ વાતને એમણે પોતાના મનમાં જ દબાવી રાખી. ત્યારબાદ, થોડા ગ્રામજનોને એમણે જાણ કરી.

શરૂ શરૂમાં પહેલા તો પૂજારીની વાત પર કોઈને વિશ્વાસ આવ્યો જ નહીં. જ્યારે પૂજારીએ લોકોની સામે દીવામાં પાણી નાખીને જ્યોત સળગાવી અને એ પ્રજ્વલિત થઈ, ત્યારે લોકો આશ્ચર્યચકિત થઇ ગયા!

એ પછી તો આ ચમત્કારની વાત હવાની જેમ આખા ગામમાં ફેલાઈ ગઈ. બસ, ત્યારથી અત્યાર સુધી આ મંદિરમાં કાલીસિંધ નદીના પાણીથી જ દીપ પ્રગટાવવામાં આવે છે. કહેવાય છે કે જયારે દીવામાં પાણી નાખવામાં આવે, ત્યારે પાણી તૈલી પદાર્થમાં પરિવર્તિત થઇ જાય છે અને દીપક પ્રજ્વલિત થાય છે. પાણીથી પ્રજ્વલિત આ દીવો વરસાદની ઋતુમાં નથી પ્રગટાવવામાં આવતો, કારણકે કાલીસિંધ નદીમાં પાણીનું સ્તર વધવાના કારણે મંદિર પાણીમાં ડૂબી જાય છે, જેથી અહીં પૂજા કરવી સંભવ નથી. ફરી સપ્ટેમ્બર – ઓક્ટોબરમાં આવતી નવરાત્રિના પહેલા દિવસે એટલે કે ઘટ-સ્થાપનાની સાથે ફરી જ્યોત પ્રજ્વલિત કરવામાં આવે છે, જે આવતા વર્ષની વર્ષાઋતુ શરૂ થાય, ત્યાં સુધી સતત પ્રગટેલી રહે છે.

bhattparakh@yahoo.com

(ઓફિસ ભાડે – વેચાણ)

દાંડીયાબજાર વિસ્તારમાં શ્રી સિદ્ધિ વિનાયક મંદિરની સામે આવેલાં શ્રી સિદ્ધિવિનાયક સ્ક્વેરના પહેલા માળે ઓફિસ ભાડે – વેચાણથી આપવાની છે. રસ ધરાવતાં શખ્સો સંપર્ક કરે – 91736 11111

(સંપર્ક)

ધાર્મિક – સામાજીક કાર્યક્રમો કે સમાચાર અંગે જાણકારી આપવા માટે 9978918796 પર વોટ્સએપ કરો અથવા કોલ કરો. અથવા તો funrangnews@gmail.com પર મેઈલ કરો.

(WhatsApp Group Link)

Funrang newsના વોટ્સએપ ગૃપમાં જોડાવા માટે આ લિન્ક પર ક્લિક કરો. https://chat. whatsapp. com/HudhfYxRO090FnzisUr3wz જેમને વોટ્સએપ ગૃપમાં એડ કરવા હોય એમને ન્યૂઝ ફોરવર્ડ કરો.