😭 બુલડોઝરે ઘટાદાર વૃક્ષ કાપ્યું અને સેંકડો પક્ષીઓના મોત નિપજ્યાં । હાઈવે પહોળો કરવા માટે પક્ષીઓના પ્રાણ હરાયા!!! (જુઓ Video) 😭

• કેરળના મલ્લાપુરમ્ ખાતે ગુરુવારના રોજ બનેલી હ્રદય હચમચાવી દે તેવી ઘટના.
• ઘટાદાર વૃક્ષ પર શિડ્યુલ 4માં આવતાં વ્હિસલિંગ ડક્સ (બતક)ના માળા હતાં.
• કોઈપણ પ્રકારની પરવાનગી વિના કોન્ટ્રાક્ટર દ્વારા કરાયેલી કામગીરી પર સોશિયલ મિડીયામાં આક્રોશ.
• 50 બચ્ચાં સહિત સેંકડો પક્ષીઓના મોતની ઘટનાને પગલે વન વિભાગ દ્વારા કોન્ટ્રાક્ટર સામે કેસ નોંધવા વિચારણા.

[Funrang Founder / Editor – Mr. Mehulkumar Vyas – 9978918796]

કેરળ । હાલ સોશિયલ મિડીયામાં એક વિડીયો વાઈરલ થઈ રહ્યો છે જેમાં બુલડોઝર દ્વારા અચાનક ઘટાદાર વૃક્ષ કાપવામાં આવતાં જ સેંકડો પક્ષીઓ ફફડીને ઉડવા માંડે છે અને સેંકડો નાનાં – મોટા પક્ષીઓ ટપોટપ મરીને રસ્તા પર પટકાય છે. આ વિડીયો અંગે તપાસ કરતાં જાણવા મળે છે આ દર્દનાક ઘટના કેરળના મલ્લાપુરમ્ ના થિરુરંગડીના વી.કે. પાડી ખાતેનો છે. નેશનલ હાઈવેને પહોળો કરવાની કામગીરીના ભાગરૂપે કોન્ટ્રાક્ટર દ્વારા ગુરુવારે વૃક્ષ પડાવી નાંખવામાં આવ્યું હતું.

થિરુરંગડીમાં નેશનલ હાઈવેને પહોળો કરવાની કામગીરી હાથ ધરવામાં આવી છે. ગુરુવારે કોન્ટ્રાક્ટરના માણસે બુલડોઝરથી એક ઘટાદાર આમલીના વૃક્ષને જમીનદોસ્ત કર્યું હતું. વન વિભાગ સહિતની અન્ય કોઈપણ પ્રકારની પરવાનગી લેવાની કોન્ટ્રાક્ટરે દરકાર લીધી નહોતી.

ઘટાદાર આમલીના વૃક્ષ પર શિડ્યુલ – 4 અંતર્ગત સુરક્ષિત કરાયેલા વ્હિસલિંગ ડક્સે અનેક માળા બાંધ્યા હતાં. ઘણાં માળાઓમાં બચ્ચાઓ હજી તો ખુલ્લા આકાશમાં ઉડવા માટે પાંખ આવે એની રાહ જોઈ રહ્યા હતાં. અને ત્યારે જ કોન્ટ્રાક્ટરની બેદરકારીને કારણે તેઓના પ્રાણ પંખેરું ઉડી ગયા હતાં.

ગુરુવારના રોજ બનેલી ઘટનાનો વિડીયો સોશિયલ મિડીયામાં વાઈરલ થયો છે. વિડીયો નિહાળનારાઓમાં ભારે રોષ ભભૂકી ઉઠ્યો છે. ત્યારે જાણવા મળે છે કે, વન વિભાગ પણ હરકતમાં આવ્યું છે અને સ્થાનિક લોકો પાસેથી માહિતી મેળવ્યા બાદ કોન્ટ્રાક્ટર સામે વાઈલ્ડ લાઈફ પ્રોટેક્શન એક્ટ અંતર્ગત કેસ નોંધવામાં આવશે.

(બેદરકાર કોન્ટ્રાક્ટર દ્વારા પક્ષીઓના જીવ લેવામાં આવ્યો એ ઘટનાનો વિડિયો જુઓ. આપની શું પ્રતિક્રિયા છે એ વિડીયોમાં કોમેન્ટ કરીને જણાવો.)

(ઓફિસ ભાડે – વેચાણ)

દાંડીયાબજાર વિસ્તારમાં શ્રી સિદ્ધિ વિનાયક મંદિરની સામે આવેલાં શ્રી સિદ્ધિવિનાયક સ્ક્વેરના પહેલા માળે ઓફિસ ભાડે – વેચાણથી આપવાની છે. રસ ધરાવતાં શખ્સો સંપર્ક કરે – 91736 11111

(સંપર્ક)

ધાર્મિક – સામાજીક કાર્યક્રમો કે સમાચાર અંગે જાણકારી આપવા માટે 9978918796 પર વોટ્સએપ કરો અથવા કોલ કરો. અથવા તો funrangnews@gmail.com પર મેઈલ કરો.

(WhatsApp Group Link)

Funrang newsના વોટ્સએપ ગૃપમાં જોડાવા માટે આ લિન્ક પર ક્લિક કરો. https://chat. whatsapp. com/HudhfYxRO090FnzisUr3wz જેમને વોટ્સએપ ગૃપમાં એડ કરવા હોય એમને ન્યૂઝ ફોરવર્ડ કરો.