કેમ જોવી?: ચટાકેદાર સસ્પેન્સ થ્રિલર જોવા ઈચ્છુક હો તો!
કેમ ન જોવી?: વાર્તા અમુક અંશે પ્રિડિક્ટેબલ બની જાય છે માટે!
[Funrang Founder / Editor – Mr. Mehulkumar Vyas – 9978918796]
પરખ ભટ્ટ । જાણીતા દિગ્દર્શક આદિત્ય ધર સાથે પરણીને ઠરીઠામ થયા પછી યામી ગૌતમે બિલકુલ બ્રેક નથી લીધો, એવું સ્પષ્ટ જણાઈ આવે છે. તેની ફિલ્મો એક પછી એક ઑટીટી પ્લેટફૉર્મ્સ પર રીલિઝ થઈ રહી છે. બીજી બાજુ, વિકી કૌશલના ભાઈ સન્ની કૌશલના નસીબ આડેથી પાંદડું હટી ગયું હોય એવું લાગે છે. સારા બેનરની ફિલ્મો તે ધડાધડ સાઈન કરી રહ્યો છે. આ બંને ‘અંડરરેટેડ કલાકારો’ નેટફ્લિક્સની એક ફિલ્મમાં સાથે ઝળક્યા છે, જેનું નામ છે: ચોર નિકલ કે ભાગા!
એરહૉસ્ટેસ નેહા ગ્રોવર (યામી ગૌતમ)ના જીવનમાં એન્ટ્રી થાય છે, અંકિત શેઠી (સન્ની કૌશલ)ની! ડાયમંડ ઈન્સ્યોરન્સ કંપની ચલાવી રહેલા અંકિત અને નેહા વચ્ચે પ્રેમ પાંગરે છે. જેના પરિણામસ્વરૂપ નેહા ગર્ભવતી બને છે. એ સમયે તેને ખ્યાલ આવે છે કે અંકિત કરોડોના દેવા નીચે દબાયેલો છે. તેને મારવા માટે ગુંડા હાથ ધોઈને પાછળ પડ્યા છે. બચવા માટે એક જ ઉપાય છે… ચોરી! અને પ્લાન થાય છે હીરાની ચોરીનો એક ખેલ. ભારત આવી રહેલી ફ્લાઈટમાંથી હીરા ચોરવાનો એમનો પ્લાન સફળ થાય છે કે કેમ, એ જાણવા માટે ‘ચોર નિકલ કે ભાગા’ જોવી રહી.
યામી ગૌતમ, સન્ની કૌશલ, શરદ કેલકર, ઈન્દ્રનિલ સેનગુપ્તા અને બરુન ચંદા જેવા ધુરંધરોના કૉકટેલને લીધે આ ફિલ્મ જોવાલાયક બની છે. વાર્તામાં અધધ નવીનતા ન હોવા છતાં ફિલ્મ તેના સ્ક્રીનપ્લે અને ડાયલોગ્સને કારણે પ્રેક્ષકોને જકડી રાખે છે. કલાકારોના પર્ફોમન્સ એ આ ફિલ્મના પ્રાણ છે. દિનેશ વિજન અને મેડોક ફિલ્મ્સ જેવું ખમતીધર પ્રૉડક્શન હાઉસ જે ફિલ્મ સાથે સંકળાયેલું હોય, એ કૃતિ ચીલાચાલુ તો ન જ હોય એવી એક છાપ છે. દિનેશ વિજન ભૂતકાળમાં ‘સ્ત્રી’ જેવી હટકે હૉરર કૉમેડી ફિલ્મ પ્રોડ્યુસ કરી ચૂક્યા છે. એમના નામે ઘણી સફળતમ ફિલ્મો બોલે છે. નેટફ્લિક્સને આ પ્રકારના વધુને વધુ લોકોની જરૂર છે, જે એમના પ્લેટફૉર્મને સારી સારી ફિલ્મો તથા વેબસીરિઝ આપે!
ક્લાયમેક્સ: આજકાલ જેના અંગે સૌથી વધુ ચર્ચા થઈ રહી છે, એ છે પ્રિયંકા ચોપરા અભિનીત ‘સિટાડેલ’ની! એમેઝોન પ્રાઈમ પર આગામી 28મી એપ્રિલના રોજ રીલિઝ થઈ રહેલો પ્રિયંકાનો આ નવો હૉલિવૂડ પ્રૉજેક્ટ ભારતમાં કેવીક ધૂમ મચાવે છે, એ જાણવું રસપ્રદ રહેશે.
bhattparakh@yahoo.com
(સંપર્ક)
ધાર્મિક – સામાજીક કાર્યક્રમો કે સમાચાર અંગે જાણકારી આપવા માટે 9978918796 પર વોટ્સએપ કરો અથવા કોલ કરો. અથવા તો funrangnews@gmail.com પર મેઈલ કરો.
(WhatsApp Group Link)
Funrang newsના વોટ્સએપ ગૃપમાં જોડાવા માટે આ લિન્ક પર ક્લિક કરો. https://chat. whatsapp. com/HudhfYxRO090FnzisUr3wz જેમને વોટ્સએપ ગૃપમાં એડ કરવા હોય એમને ન્યૂઝ ફોરવર્ડ કરો.