💣 1993 મુંબઈ સિરીયલ બ્લાસ્ટ કેસમાં સંડોવાયેલા દાઉદ ગેંગના 4 સાગરીત અમદાવાદમાં ઝડપાયા 💣

• 12 માર્ચ, 1993માં મુંબઈમાં 12 સ્થળે દાઉદ ગેંગ દ્વારા કરાયેલા વિસ્ફોટમાં 257 લોકોના મોત નિપજ્યા હતાં.
• સૈયદ કુરેશી, શોએબ બાબા, યુસુફ ભટકા અને અબુ બકર 1995માં ભારત છોડી ગયા હતાં.

[Funrang Founder / Editor – Mr.  Mehulkumar Vyas – 9978918796]

અમદાવાદ । વર્ષ 1993માં દાઉદ ગેંગ દ્વારા કરાયેલા મુંબઈ સિરિયલ બ્લાસ્ટ કેસમાં સંડોવાયેલા ચાર શખ્સો અબુ બકર, યુસુફ ભટકા, શોએબ બાબા અને ડી. સૈયદ કુરેશીને ગુજરાત એટીએસ દ્વારા ઝડપી પાડવામાં આવ્યા છે.

12 માર્ચ 1993ના રોજ મુંબઈમાં એક બાદ એક 12 સ્થળોએ દાઉદ ગેંગ દ્વારા બોમ્બ બ્લાસ્ટ કરાયા હતાં. જેમાં 257 લોકોના મૃત્યુ થયા હતા અને 700થી વધુ લોકો ઇજા પામ્યા હતાં. સિરિયલ બ્લાસ્ટ કેસમાં બોમ્બ પ્લાન્ટ કરવામાં તેમજ લોજિસ્ટિક સપોર્ટ પૂરો પાડવામાં તામીલનાડુ, બેંગલુરુ અને મુંબઈના રહેવાસી એવા ચાર શખ્સો સૈયદ કુરેશી, શોએબ બાબા, યુસુફ ભટકા અને અબુ બકરે મદદ કરી હોવાનું સપાટી પર આવ્યું હતું.

બ્લાસ્ટ અંગે પાકિસ્તાનમાં ટ્રેનિંગ લેનારા દાઉદ ગેંગના ચારેય સાગરીતોએ વર્ષ 1995માં ભારત છોડી દીધું હતું. જોકે, CBI અને NIAની તપાસમાં મહમ્મદ ડોસા સાથે સંકળાયેલા આ ચારેય શખ્સોની સંડોવણી સામે આવ્યા બાદ, તેઓની સામે રેડ કોર્નર નોટીસ જારી કરાઈ હતી.

બોગસ પાસપોર્ટને આધારે ચારેય આરોપીઓ અલગ અલગ દેશમાં ફરતાં હતાં. તાજેતરમાં તેઓ દુબઈમાં હોવાનું પણ સામે આવ્યું હતું. સુરક્ષા અને ગુપ્તચર એજન્સીઓને ગેરમાર્ગે દોવાર માટે તેઓ છેલ્લાં 27 વર્ષોથી પોતાના ઠેકાણા બદલી રહ્યા હતાં.

પાસપોર્ટ બદલવા માટે ભારત આવેલા ચારેય શખ્સોને ગુજરાત એટીએસે અમદાવાદ એરપોર્ટ નજીક ઝડપી પાડ્યા હતાં. તેઓની પાસેથી બોગસ પાસપોર્ટ મળી આવ્યા હતાં. પ્રાથમિક તબક્કે એવી જાણકારી પ્રાપ્ત થાય છે કે, ચારેય સાગરીતો હજી પણ દાઉદ ગેંગના સંપર્કમાં છે.

તેઓ અમદાવાદ શા માટે આવી રહ્યા હતાં?  તે સહિતના વિવિધ મુદ્દે પુછપરછ કરવા માટે તેઓના 8 દિવસના રિમાન્ડ મંજૂર થયા છે. ત્યારબાદ ગુજરાત એટીએસ ચારેયને સીબીઆઈને સોંપશે.

(દાંડિયા બજાર વિસ્તારમાં ઓફિસ ભાડે – વેચાણ)

દાંડીયાબજાર વિસ્તારમાં શ્રી સિદ્ધિ વિનાયક મંદિરની સામે આવેલાં શ્રી સિદ્ધિવિનાયક સ્ક્વેરના પહેલા માળે ઓફિસ ભાડે – વેચાણથી આપવાની છે. રસ ધરાવતાં શખ્સો સંપર્ક કરે – 91736 11111

(ધાર્મિક – સામાજીક કાર્યક્રમો અંગે જાણકારી આપો. )

9978918796 અથવા funrangnews@gmail.com પર મેઈલ કરો.

(ફનરંગ ન્યૂઝના વોટ્સએપ ગ્રૂપમાં જોડાવા માટે નીચેની લિન્ક પર ક્લિક કરો)

https://chat. whatsapp. com/HudhfYxRO090FnzisUr3wz