ગાંધીનગરમાં ‘સુરતવાળી’ – પ્રેમીએ સગીરાના ગળા પર કટરના ઘા માર્યા

• ગાંધીનગરનાં લીંબોદરા ગામે બનેલી ચકચારી ઘટના.
• કાકા બોલાવી રહ્યા છે એમ કહી સગીરાને નદીના કોતરમાં લઈ ગયો હતો.
• કોઈક બાબતે માથાકૂટ થતાં ઉશ્કેરાયેલા પ્રેમીએ સગીરાનું ગળું કાપવાનો પ્રયાસ કર્યો.
• સગીરાનાં ગળા પર 30 જેટલાં ટાંકા લેવામાં આવ્યા – હાલ સારવાર હેઠળ

[Mehulkumar Vyas – 9978918796]

ગાંધીનગર । સુરતની ગ્રીષ્મા મર્ડર કેસને પગલે રાજ્યમાં ભારે અરેરાટી વ્યાપી રહી છે, ત્યારે ગાંધીનગરના લીંબોદરા ગામે આજે વધુ એક એવી જ ઘટના બની હોવાની વિગતો પ્રાપ્ત થાય છે. અમરાપુરા નદીના કોતરમાં સગીર પ્રેમિકાને લઈ ગયેલાં પ્રેમીએ કોઈક વાતે તકરાર થતાં ધારદાર કટર વડે પ્રેમિકાનું ગળું કાપવાનો પ્રયાસ કર્યો હતો. જોકે, બનાવ અંગે જાણ થતાં દોડી આવેલા સગીરાના કાકાએ તાત્કાલિક તેણીને સિવિલ હોસ્પિટલમાં ખસેડી હતી. પોલીસે પ્રેમી યુવકની ધરપકડ કરી કાયદેસરની કાર્યવાહી હાથ ધરી છે.

લીંબોદરા ગામમાં રહેતી અને ધોરણ 12માં અભ્યાસ કરતી સગીરા આજરોજ પરીક્ષા આપવા માટે સ્કૂલે ગઈ હતી. બપોરના સમયે ગામમાં રહેતાં સંજય સેધાજી ઠાકોરે સગીરાને જણાવ્યું હતું કે, તારા કાકા તને બોલાવે છે. જેને પગલે સગીરા સંજયના બાઈક પર બેસી ગઈ હતી. બાદમાં સંજય સગીરાને અમરાપુરા નદીના કોતરમાં લઈ ગયો હતો.

નદીના કોતરમાં વાતચીત દરમિયાન સંજયે સગીરા સાથે બળજબરી કરવાનો પ્રયાસ કર્યો હતો. દરમિયાનમાં કોઈક વાતે બંને વચ્ચે ઝગડો થયો હતો. જેમાં ઉશ્કેરાઈ ગયેલા સંજય ઠાકોરે ધારદાર કટરથી સગીરાનાં ગળા પર ઘા ઝીંક્યા હતાં. સગીરાનું ગળું કાપવાનો પ્રયાસ કર્યા બાદ ભાગી છૂટ્યો હતો.

ગળામાં લોહી નિતરતી હાલતમાં સગીરાએ પોતાના કાકાને ફોન કરીને કોતરમાં આવવા જણાવ્યું હતું. જેને પગલે દોડી આવેલા કાકા સહિતના ગ્રામજનોએ સ્થળ પર જ સગીરાને પ્રાથમિક સારવાર અપાવી હતી. અને પોલીસને જાણ કરી હતી. ત્યારબાદ 108 એમ્બ્યુલન્સ મારફત સગીરાને ગાંધીનગર સિવિલમાં ખસેડી હતી. જ્યાં સગીરાના ગળા પર 30 જેટલાં ટાંકા લેવા પડ્યા હતાં. હાલ સગીરા સારવાર હેઠળ છે.

બનાવ અંગે પોલીસને જાણ કરવામાં આવી હતી. પોલીસે પ્રાથમિક તબક્કે સગીરા સાથે બળજબરી કરી હત્યાનો પ્રયાસ કરવામાં આવ્યું હોવાનું તારણ કાઢ્યું છે. તો બીજી તરફ, પોલીસે સંજયને ઝડપી પાડી પુછપરછ કરતાં તેણે એવી કેફિયત રજૂ કરી હતી કે, સગીર પ્રેમિકા ઘર છોડીને ભાગી જવાની જીદ કરી રહી હોવાને કારણે બંને વચ્ચે ઝગડો થયો હતો. જેમાં તેણે કટરથી હુમલો કરી દીધો હતો.

હાલના તબક્કે પોલીસ સગીરા સ્વસ્થ્ય થાય એની રાહ જોઈ રહી છે. સગીરાના સ્વસ્થ્ય થયા બાદ પુછપરછમાં સત્ય હકીકત બહાર આવશે.

સુરતના પાસોદરા પાટીયા ખાતે પ્રેમી ફેનિલે પ્રેમિકા ગ્રીષ્માનું જાહેરમાં ગળુ કાપી નાંખી હત્યા કરી એ બનાવના પડઘા હજી સમ્યા નથી ત્યાં ગાંધીનગરમાં બનેલી ઘટનાએ ભારે ચકચાર મચાવી નાંખી છે.

(આજનો Funrang જોક)

(ટાઈગરને જંગલમાં ઓફિસર તરીકે નોકરી મળી. મિત્ર પકડું એને મળવા ગયો. જંગલની વાતો વાતોમાં)

ટાઈગર – એક દિવસ તો હું જંગલમાં ગયો ત્યાં મને ડાકુ મળી ગયાં…

પકડું – એમ… પછી…

ટાઈગર – મારી ઘડિયાળ, મોબાઈલ અને રૂપિયા લૂંટી ગયાં..

પકડું – પણ, તારી પાસે તો રિવોલ્વર છે ને…

ટાઈગર – સારું થયું એના પર એ લોકોની નજર ના પડી… બોલ…

Funrang classified

(દાંડિયા બજાર વિસ્તારમાં ઓફિસ ભાડે – વેચાણ)

દાંડીયાબજાર વિસ્તારમાં શ્રી સિદ્ધિ વિનાયક મંદિરની સામે આવેલાં શ્રી સિદ્ધિવિનાયક સ્ક્વેરના પહેલા માળે ઓફિસ ભાડે – વેચાણથી આપવાની છે.  રસ ધરાવતાં શખ્સો સંપર્ક કરે – 91736 11111

(ધાર્મિક – સામાજીક કાર્યક્રમો અંગે જાણકારી આપો.  )

9978918796 અથવા mehul.  v.  vyas@gmail.  com / funrangnews@gmail.  com પર મેઈલ કરો.

(ફનરંગ ન્યૂઝના વોટ્સએપ ગ્રૂપમાં જોડાવા માટે નીચેની લિન્ક પર ક્લિક કરો)

https://chat.  whatsapp.  com/HudhfYxRO090FnzisUr3wz