👎🏻 શિક્ષકને શિક્ષા । નાપાસ કરનાર શિક્ષકને ઝાડ સાથે બાંધી વિદ્યાર્થીઓએ ફટકાર્યા (જુઓ video) 👎🏻

• ઝારખંડના દુમકાની સરકારી સ્કૂલમાં બનેલી ઘટના સોશિયલ મિડીયામાં વાઈરલ.
• શિક્ષકે જાણી જોઈને નાપાસ કર્યો હોવાનો વિદ્યાર્થીઓનો આક્ષેપ.
• માર ખાનાર શિક્ષકોની અરજીને આધારે પ્રિન્સિપાલ અને 11 વિદ્યાર્થીઓ સામે ફરિયાદ નોંધાઈ.

[Funrang Founder / Editor – Mr. Mehulkumar Vyas – 9978918796]

ભારત । ઝારખંડના દુમકાની સરકારી સ્કૂલમાં ધોરણ 9ના વિદ્યાર્થીઓએ નાપાસ કરનાર શિક્ષકો અને સ્ટાફના બે વ્યક્તિને ઝાડ સાથે બાંધીને ફટકાર્યા હોવાની ઘટના સામે આવી છે. પ્રેક્ટિકલમાં ઓછા માર્ક આવવાને કારણે ગુસ્સે ભરાયેલા વિદ્યાર્થીઓએ જાણી જોઈને નાપાસ કરવામાં આવ્યા હોવાના આક્ષેપ સાથે શિક્ષકોને ફટકાર્યા હોવાનું કહેવાય છે. વિદ્યાર્થીઓએ આ ઘટનાનું ફેસબુક લાઈવ પણ કર્યું હતું.

ગત તા. 26 ઓગસ્ટના રોજ ઝારખંડ એકેડમિક કાઉન્સિલ દ્વારા ધોરણ 9નું પરિણામ જાહેર કરવામાં આવ્યું હતું. જેમાં અનુસૂચિત જનજાતિ આવાસીય ઉચ્ચ વિદ્યાલય ગોપીકાંદરના 11 વિદ્યાર્થીઓ નાપાસ જાહેર થયા હતાં. નાપાસ થવાથી ગુસ્સે થયેલા વિદ્યાર્થીઓનું ટોળું ગત સોમવારે સ્કૂલના શિક્ષક કુમાર સુમન અને ક્લાર્ક સોનેરામ ચૌડે પાસે પહોંચ્યું હતું. અને પેપર બતાવવાની જીદ કરી હતી.

જોકે, શિક્ષક અને ક્લાર્કે પેપર બતાવવાનો ઇન્કાર કરી દેતાં વિદ્યાર્થીઓમાં રોષ ભભૂકી ઉઠ્યો હતો. વિદ્યાર્થીઓએ શિક્ષક અને ક્લાર્કને ધક્કે ચડાવ્યા હતાં દરમિયાનમાં સ્કૂલનો પટાવાળો અચન્તુ મલ્લિક પણ ત્યાં હાજર હતો. આખરે રોષે ભરાયેલા વિદ્યાર્થીઓએ ત્રણેયને ઝાડ સાથે બાંધીને ફટકાર્યા હતાં.

વિદ્યાર્થીઓનો આક્ષેપ છે કે, તેઓને જાણી જોઈને ઓછા માર્ક્સ આપી નાપાસ કરવામાં આવ્યા છે. વિદ્યાર્થીઓએ શિક્ષકને બોધપાઠ ભણાવવા માટે સમગ્ર ઘટનાનું ફેસબુક લાઈવ પણ કર્યું હતું. તેમજ વિડીયો વાઈરલ કર્યો હતો.

સમગ્ર ઘટના અંગે તપાસના આદેશ આપવામાં આવ્યા છે. વિદ્યાર્થીઓનો આક્ષેપ સાચો હોય તો પણ તેમણે શિક્ષક સાથે આવું વર્તન કરવું ના જોઈએ. તેવો શિક્ષણ વિદોનો મત પ્રવર્તી રહ્યો છે. જ્યારે સમગ્ર મામલે શિક્ષકની અરજીને આધારે પ્રિન્સિપાલ સહિત 11 વિદ્યાર્થીઓ સામે ફરિયાદ નોંધવામાં આવી છે. શિક્ષકનો આક્ષેપ છે કે, પ્રિન્સિપાલે ઉશ્કેરણી કરતાં જ વિદ્યાર્થીઓએ આવું કૃત્ય આચર્યું હતું.

(વિદ્યાર્થીઓના આ કૃત્ય અંગે આપનો શું પ્રતિભાવ છે? નીચેના વિડીયોમાં કોમેન્ટ કરી જણાવશો.)

(ઓફિસ ભાડે – વેચાણ)

દાંડીયાબજાર વિસ્તારમાં શ્રી સિદ્ધિ વિનાયક મંદિરની સામે આવેલાં શ્રી સિદ્ધિવિનાયક સ્ક્વેરના પહેલા માળે ઓફિસ ભાડે – વેચાણથી આપવાની છે. રસ ધરાવતાં શખ્સો સંપર્ક કરે – 91736 11111

(સંપર્ક)

ધાર્મિક – સામાજીક કાર્યક્રમો કે સમાચાર અંગે જાણકારી આપવા માટે 9978918796 પર વોટ્સએપ કરો અથવા કોલ કરો. અથવા તો funrangnews@gmail.com પર મેઈલ કરો.

(WhatsApp Group Link)

Funrang newsના વોટ્સએપ ગૃપમાં જોડાવા માટે આ લિન્ક પર ક્લિક કરો. https://chat. whatsapp. com/HudhfYxRO090FnzisUr3wz જેમને વોટ્સએપ ગૃપમાં એડ કરવા હોય એમને ન્યૂઝ ફોરવર્ડ કરો.