જામનગરમાં રહસ્યમય સંજોગોમાં આખો પરિવાર લાપતા

• હોટલ સંચાલક અરવિંદ નિમાવત પત્ની અને ત્રણ સંતાનો સાથે તા. 11 માર્ચથી ગૂમ
• ઘરમાંથી પોલીસને તૂટેલો મોબાઈલ ફોન અને સીમ કાર્ડ મળી આવ્યા.

[Funrang Editor – Mr.  Mehulkumar Vyas – 9978918796]

જામનગર । શહેરના ગોકુળનગર વિસ્તારમાં રહેતાં અને હોટલ ચલાવતાં આધેડ સહિત તેમનો આખો પરિવાર રહસ્યમય સંજોગોમાં લાપતા થઈ ગયો હોવાને પગલે ભારે ચકચાર મચી જવા પામી છે. અત્રે ઉલ્લેખનિય છે કે, સગાંસંબંધીઓને ઘટના પાછળ આર્થિક સંકળામણ જવાબદાર હોવાની આશંકા છે. ગત 11 માર્ચે રહસ્યમય સંજોગોમાં ગૂમ થઈ ગયેલાં પરિવારની શોધખોળ પોલીસે હાથ ધરી છે.

ગોકુલનગરમાં બજરંગ રેસ્ટોરન્ટ ચલાવતાં 52 વર્ષિય અરવિંદ નિમાવત ગોકુલ નગરના રડાર રોડ પર આવેલી નવા નગર શેરીમાં પ્રફુલ્લભાઈ સવાણીના મકાનમાં ભાડેથી રહેતાં હતાં. ગત તા. 11 માર્ચના રોજ અરવિંદ નિમાવત 45 વર્ષિય પત્ની શિલ્પા નિમાવત, 26 વર્ષિય દિકરી કિરણ, 24 વર્ષિય પુત્ર રણજીત અને 22 વર્ષિય પુત્ર કરણ સાથે ઘરને તાળું મારીને ક્યાંક જતાં રહ્યાં હતાં.

દસેક દિવસથી પરિવારનો કોઈ અત્તો પત્તો ના હોવાથી આ અંગે પોલીસને જાણ કરવામાં આવી હતી. જેને પગલે સિટી – સી ડિવિઝન પોલીસ મથકે પરિવાર ગૂમ થયો હોવાની નોંધ કરવામાં આવી હતી. પોલીસે ઘરમાં તપાસ કરતાં તૂટેલી હાલતમાં મોબાઈલ ફોન અને તૂટેલું સીમ કાર્ડ મળી આવ્યું હતું. સગાં સંબંધીઓની પુછપરછ કરતાં પ્રાથમિક તબક્કે આર્થિક સંકળામણને કારણે પરિવાર ક્યાંક જતો રહ્યો હોવાનું માનવામાં આવી રહ્યું છે.

જામનગર સિટી – સી ડિવિઝન દ્વારા પરિવાર કયા કારણોસર ગૂમ થયો છે? તે ક્યાં છે?  વગેરે પ્રશ્નોના જવાબો શોધવાની કવાયત હાથ ધરાઈ છે. તો બીજી તરફ, પરિવાર હેમખેમ હોય તેવી આડોશ પાડોશના લોકો પ્રાર્થના કરી રહ્યાં છે.

(આજનો Funrang જોક)

ચમન – ભાઈ આજે કેક જોઈને મને વજન ઘટાડવાનો વિચાર આવ્યો…

અમન – અચ્છા, સારો વિચાર કર્યો… પણ, પછી શું થયું?

ચમન – મેં કેકની સામે જોયું… કેકે મારી સામે જોયું… અને પછી કેકનું વજન ઘટી ગયું…

(દાંડિયા બજાર વિસ્તારમાં ઓફિસ ભાડે – વેચાણ)

દાંડીયાબજાર વિસ્તારમાં શ્રી સિદ્ધિ વિનાયક મંદિરની સામે આવેલાં શ્રી સિદ્ધિવિનાયક સ્ક્વેરના પહેલા માળે ઓફિસ ભાડે – વેચાણથી આપવાની છે.  રસ ધરાવતાં શખ્સો સંપર્ક કરે – 91736 11111

(ધાર્મિક – સામાજીક કાર્યક્રમો અંગે જાણકારી આપો.)

9978918796 અથવા mehul.  v.  vyas@gmail.  com / funrangnews@gmail.  com પર મેઈલ કરો.  

(ફનરંગ ન્યૂઝના વોટ્સએપ ગ્રૂપમાં જોડાવા માટે નીચેની લિન્ક પર ક્લિક કરો)

https://chat.  whatsapp.  com/HudhfYxRO090FnzisUr3wz