👉🏻 “આખો દેશ ભાજપની વિચારધારાથી પ્રભાવિત થયો હોય ત્યારે હાર્દિક પટેલ સિવાયના કોંગ્રેસનાં ઘણા નેતાઓ પણ પ્રભાવિત હશે જ” – સી. આર. પાટીલ 👈🏻

• ગુજરાત ભાજપ અઘ્યક્ષ સી.આર.પાટીલે નર્મદા જિલ્લાની મુલાકાત લીધી.
• રાજપીપળા ખાતે દિવ્ય યોગી હોસ્પિટલનું સી. આર. પાટીલના હસ્તે ઉદ્ઘાટન.

[Funrang Founder / Editor – Mr. Mehulkumar Vyas – 9978918796]

વિશાલ મિસ્ત્રી રાજપીપળા: ગુજરાત પ્રદેશ ભાજપ અઘ્યક્ષ સી.આર.પાટિલે નર્મદા જિલ્લાની મુલાકાત લીધી હતી. તેઓએ પોતાની આ મુલાકાત દરમિયાન રાજપીપળા ખાતે ડો.દર્શના દેશમુખ ભગત અને એમના પરિવાર દ્વારા શરૂ કરાયેલ દિવ્ય યોગી હોસ્પિટલનું ઉદઘાટન કર્યું હતું. એમની સાથે ભાજપ સાંસદ મનસુખ વસાવા, નર્મદા જીલ્લા ભાજપ અઘ્યક્ષ ઘનશ્યામ પટેલ, મહામંત્રી નીલ રાવ, નર્મદા જિલ્લા ભાજપ પ્રભારી સતીશ પટેલ, રાજપીપલા શહેર ભાજપ અધ્યક્ષ રમણસિંહ રાઠોડ, વડોદરા શહેર ભાજપ અધ્યક્ષ વિજય શાહ, ડેડીયાપાડાના પૂર્વ ધારાસભ્ય મોતિસિહ વસાવા, ડો. રવિ દેશમુખ, રાજપીપલા નગરપાલીકા પ્રમુખ કુલદીસિંહ ગોહિલ સહિત અન્ય આગેવાનો જોડાયા હતા.

સી.આર.પાટિલે આઝાદી કા અમૃત મહોત્સવ અંતર્ગત ગુજરાત પ્રદેશ ભારતીય જનતા પાર્ટી યુવા મોરચાના અઘ્યક્ષ ડો.પ્રશાંત કોરાટની આગેવાનીમાં રાજપીપળા આવી પહોંચેલી ભવ્ય વિશાળ બાઈક રેલીનું આગળ પ્રસ્થાન કરાવ્યું હતું. દેશને આઝાદી માટે દેશની સરહદ પર જે વીર સહીદો એ વીરગતિ પ્રાપ્ત કરી છે તેમને શ્રદ્ધાંજલિ આપવા માટે ભવ્ય બાઇક રેલીનું આયોજન કરવામાં આવ્યું છે.

સી.આર.પાટિલે હોસ્પિટલના ઉદ્ઘાટન પ્રસંગે જણાવ્યું હતું કે આ અંતરિયાળ વિસ્તારમાં મેડિકલ સુવિધાઓની જોઈએ એટલી વ્યવસ્થા નથી ત્યારે ડો.દેશનાબેન દેશમુખનું આ નવું સાહસ લોકો માટે આશીર્વાદ રૂપ સાબિત થશે. હાર્દિક પટેલના ભાજપ પ્રત્યેના કૂણાં વલણ મુદ્દે સી.આર.પાટિલે જણાવ્યું હતું કે જ્યારે આખો દેશ ભાજપની વિચારધારાથી પ્રભાવિત થયો હોય ત્યારે હાર્દિક પટેલ સિવાયના કોંગ્રેસનાં ઘણા નેતાઓ પણ પ્રભાવિત હશે જ. આ તો હાર્દિક પટેલે જાહેરમાં બોલવાની હિંમત કરી છે એ સારી બાબત કહેવાય. આમ આ નિવેદન સી.આર.પાટીલે હાર્દિક પટેલના ભાજપ પ્રવેશનો આડકતરો ઇશારો કર્યો છે એમ લાગી રહ્યું છે.

દિવ્ય યોગી હોસ્પિટલના એક રૂમમાં સી.આર.પાટીલની બંધ બારણે બેઠક

સી.આર.પાટીલે ભાજપ સાંસદ મનસુખ વસાવા, નર્મદા જિલ્લા ભાજપ અધ્યક્ષ ઘનશ્યામ પટેલ, નર્મદા કલેકટર ડી. એ.શાહ, નર્મદા જીલ્લા પોલીસ વડા પ્રશાંત સુંબે સાથે દિવ્ય યોગી હોસ્પિટલના એક રૂમમાં બંધ બારણે 15 મિનિટ બેઠક કરી હતી. એ બેઠક વિધાનસભા ચુંટણીને સંબંધિત છે કે પછી જિલ્લામાં ભાજપની સ્થિતિનો તાગ મેળવવાની હશે એ મુદ્દે અનેક ચર્ચાઓ થઈ રહી છે.

સી.આર.પાટીલને “હાર” પસંદ નથી, એમણ “હાર” પેહેરવાની ના પાડી?????

સી.આર.પાટીલ હોસ્પિટલના ઉદ્ઘાટન પ્રસંગે આવ્યા ત્યારે પૂર્વ મંત્રી મોતિસિંહ વસાવા એમને હાર પેહેરાવવા આગળ આવ્યા હતા. દરમીયાન સી.આર.પાટિલે કહ્યું કે ફૂલ આપો, બુકે આપો જે આપવું હોય એ આપો પણ હાર તો નહિ જ પેહરું, તેઓએ એમ પણ કહ્યું હતું કે ફૂલ-હાર નહિ પેહેરવાનો આપણે પરિપત્ર બહાર પાડ્યો છે.

(આજનો Funrang જોક)

ચમન – યાર એક જોરદાર વાત વાંચી…

અમન – એમ… કઈ વાત…

ચમન – ઇન્ડીપેન્ડન્ટ મહિલાઓ હમેશા, એમની કામવાળી પર ડિપેન્ડન્ટ હોય છે.

(દાંડિયા બજાર વિસ્તારમાં ઓફિસ ભાડે – વેચાણ)

દાંડીયાબજાર વિસ્તારમાં શ્રી સિદ્ધિ વિનાયક મંદિરની સામે આવેલાં શ્રી સિદ્ધિવિનાયક સ્ક્વેરના પહેલા માળે ઓફિસ ભાડે – વેચાણથી આપવાની છે. રસ ધરાવતાં શખ્સો સંપર્ક કરે – 91736 11111

(ધાર્મિક – સામાજીક કાર્યક્રમો અંગે જાણકારી આપો.)

9978918796 અથવા funrangnews@gmail. com પર મેઈલ કરો.    

(ફનરંગ ન્યૂઝના વોટ્સએપ ગ્રૂપમાં જોડાવા માટે નીચેની લિન્ક પર ક્લિક કરો)

https://chat.whatsapp.com/HudhfYxRO090FnzisUr3wz