- ગત તા. 4 જાન્યુઆરીના રોજ વ્યાજખોર બહેનોનાં ત્રાસથી અનિશે આપઘાત કર્યો હોવાની ફરિયાદ નોંધાઈ હતી.
- આગોતરા જામીન મેળવવાની અરજી નામંજૂર થતાં આખરે બંને વ્યાજખોર બહેનોએ પકડાઈ જવું પડ્યું
[Mehulkumar Vyas – 9978918796]
ભૂજ । વ્યાજખોરીના વિષચક્રમાં લોકોને ફસાવવાના ધંધામાં અંજારની બે બહેનો પુરુષ સમોવડી કામગીરી કરે છે. ઈશ્વર ગોસ્વામીની બે દિકરીઓ અને દિકરો વ્યાજખોરીમાં ધાકધમકી આપીને નાણાં પડાવતાં હતાં. જેને કારણે ગત જાન્યુઆરી માસમાં એક શખ્સે ગળે ફાંસો ખાઈ આપઘાત કરી લીધો હતો. આ કેસમાં ધરપકડથી બચવાં ભારે ધમપછાડ્યા કર્યા બાદ બંને બહેનોએ પકડાઈ જવું પડ્યું છે. ત્યારે એમ કહી શકાય કે ઈશ્વરને ગમ્યું એ ખરું.
આરતી ઈશ્વર ગોસ્વામી, રીયા ઈશ્વર ગોસ્વામી અને તેજસ ઉર્ફે ચેતલો ઇશ્વર ગોસ્વામી દ્વારા વ્યાજે નાણાં ધીરવાનો ધંધો કરવામાં આવે છે. વ્યાજખોર બહેનો પાસેથી અનિશ અલીભાઈ સાંજીએ બે કોરા ચેક આપીને વ્યાજે રૂપિયા લીધા હતાં. બાદમાં અનિશ વ્યાજ નહીં ચુકવી શકતાં ચેક બાઉન્સ કરાવીને વ્યાજખોર બહેનો સહિતના લોકોએ અનિશ અને તેના ભાઈ ઇરફાન સાંજીને જાનથી મારી નાંખવાની ધમકી આપી હતી.
વ્યાજખોર બહેનો સહિતની ટોળકી દ્વારા વારંવાર નાણાંની ઉઘરાણી કરી ધાક – ધમકી આપવામાં આવતી હોવાથી ત્રાસી ગયેલા અનિશે ગત જાન્યુઆરી માસમાં ગળે ફાંસો ખાઈ આપઘાત કરી લીધો હતો. જેને પગલે ઇરફાન સાંજીએ તા. 4 જાન્યુઆરીના રોજ આરતી ગોસ્વામી, રીયા ગોસ્વામી, તેજસ ગોસ્વામી, સોહિલ ઉર્ફે ઇસ્માઈલ ઉર્ફે ચચો જુસબ હિંગોરજા અને યાસીન ઉર્ફે જાસીર જુસબ હીંગોરજા સામે ફરિયાદ નોંધાવી હતી.
પોલીસ ફરિયાદને આધારે તપાસ હાથ ધરી હતી પરંતુ, પોલીસને આરોપીઓનો કોઈ અત્તો પત્તો મળ્યો નહોતો. બીજી તરફ, અંજારની સેન્શન કોર્ટમાં અને બાદમાં હાઈકોર્ટમાંથી આગોતરા જામીન મેળવવાનો નિષ્ફળ પ્રયાસ કર્યો હતો.
આગોતરા જામીન મળવામાં નિષ્ફળ રહેલી વ્યાજખોર બહેનો આટલાં દિવસ સુધી ક્યાં છે એનો કોઈ અત્તો પત્તો નહીં લગાડી શકનાર અંજાર પોલીસને ચમત્કારીક રીતે ચોક્કસ બાતમી મળી હતી કે, વ્યાજખોર બહેનો મેઘપર ફાટક પાસે આવવાની છે. ચોક્કસ બાતમીને આધારે પોલીસે વ્યાજખોર બહેનોને ઝડપી પાડી હતી. જોકે, ચર્ચા એવી છે કે, દોઢેક મહિના સેટિંગ કરીને પોલીસની અમી દ્રષ્ટી પ્રાપ્ત કરનાર બહેનોએ આગોતરા નામંજૂર થતાં પોલીસમાં હાજર થવા સિવાય છુટકો નહોતો. અને મેઘપર ફાટક પર ધરપકડનું નાટક રચવામાં આવ્યું હતું.
(આજનો Funrang જોક)
પકડું – યાર ટાઈગર તું ફેસબુક પર વિદેશની છોકરીઓ સાથે ચેટિંગ શું કામ કરે છે?
ટાઈગર – દેશના આંતરરાષ્ટ્રીય સંબંધો સારા થાય એ માટે…
પકડું – પણ, તારું અંગ્રેજી તો સારું છે નહીં…
ટાઈગર – ગુગલ ગુજરાતીનું અંગ્રેજી કરી આપે છે એટલે એનો આભાર…
Funrang classified
(દાંડિયા બજાર વિસ્તારમાં ઓફિસ ભાડે – વેચાણ)
દાંડીયાબજાર વિસ્તારમાં શ્રી સિદ્ધિ વિનાયક મંદિરની સામે આવેલાં શ્રી સિદ્ધિવિનાયક સ્ક્વેરના પહેલા માળે ઓફિસ ભાડે – વેચાણથી આપવાની છે. રસ ધરાવતાં શખ્સો સંપર્ક કરે – 91736 11111
(ધાર્મિક – સામાજીક કાર્યક્રમો અંગે જાણકારી આપો. )
9978918796 અથવા mehul. v. vyas@gmail. com / funrangnews@gmail. com પર મેઈલ કરો.
(ફનરંગ ન્યૂઝના વોટ્સએપ ગ્રૂપમાં જોડાવા માટે નીચેની લિન્ક પર ક્લિક કરો)
https://chat. whatsapp. com/HudhfYxRO090FnzisUr3wz